Технологија

На чуден начин се пренесува звукот на Марс, утврдиле научниците

Научниците ја измериле брзината на звукот на Марс користејќи опрема на роверот Perseverance.

Откриле дека разговорите на таа планета би звучеле многу чудно бидејќи се чини дека повисоките тонови таму патуваат побрзо од длабоките.

Секако, прашање е дали човекот некогаш ќе се обиде да води разговор на Марс со оглед на тоа што не можеме да дишеме таму, но интересно е да се размислува за тоа, пишува Science Alert.

Планетарниот научник Баптист Чајд од Националната лабораторија во Лос Аламос на 53-та конференција за лунарна и планетарна наука презентира нови откритија кои зборуваат за температурните флуктуации на површината на Марс кои се тесно поврзани со брзината на звукот.

Имено, брзината на звукот не е универзална константа. Тој е променлив по природа и зависи од густината и температурата на медиумот низ кој патува. Колку е погуст медиумот, толку побрзо се шири. Така, брзината на звукот во нашата атмосфера на 20 степени Целзиусови е околу 343 m / s, во вода околу 1.480 m / s, а во челик дури 5.100 m / s.

Марс има многу поретка атмосфера од Земјата, што значи дека таму звукот патува со различна брзина. Но, целиот процес дополнително го усложнува слојот на атмосферата веднаш над површината бидејќи во текот на денот поради затоплување се создаваат струи кои создаваат силни турбуленции.

Роверот Perseverance на НАСА има уникатна опрема за снимање аудио информации: микрофони кои снимаат звуци на Марс и ласер кој може да произведе совршено темпиран шум. Така, Чајд и неговите колеги успеале да измерат колку време е потребно за звукот генериран од ласерот да стигне до микрофонот на 2 метри надморска височина.

Резултатите покажале дека брзината на звукот во близина на површината на Црвената планета е приближно 240 метри во секунда. Но, Марс не е како Земјата, па атмосферските услови на таа планета можат да доведат до некои чудни настани.

„Поради уникатните својства на молекулите на јаглерод диоксид со низок притисок, Марс е единствената планета во Сончевиот систем чија атмосфера ја менува брзината на звукот точно во средината на звучниот опсег (20 до 20.000 Hz)“, велат научниците.

На фреквенции над 240 Херци, вибрационите начини на молекулите на јаглерод диоксид немаат доволно време да се релаксираат или да се вратат во првобитната состојба, па на Марс звукот патува повеќе од 10 метри во секунда побрзо на повисоки фреквенции отколку на ниски.

Значи нешто чудно се случува на Марс - повисоките тонови стигнуваат до слушателот порано отколку длабоките.

Со оглед на тоа дека астронаутите кои еден ден би требало да пристигнат на Марс ќе носат вселенски одела со комуникациска опрема или ќе живеат во специјални модули, тоа не би требало да биде проблем за нив. Но, ова сепак може да биде интересен концепт за писателите на научна фантастика кои сега би можеле да вклучат чудни форми на комуникација на Црвената планета во својата работа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бруцошите добија дополнително време за да аплицираат за место во студентски дом

Министерството за образование и наука го продолжи рокот за аплицирање на бруцошите за сместување во студентските домови.

Министерството за образование и наука го продолжи рокот за аплицирање на бруцошите за сместување во студентските домови, откако се покажа дека дел од студентите примени во вториот уписен рок немаат доволно време да го завршат уписот и да обезбедат потврда дека се редовни студенти.

Проблемот се појави кај кандидатите од вториот уписен рок.

На дел од факултетите при уким запишувањето на примените студенти е закажано за 21 септември, односно еден ден по првично утврдениот рок за студентските домови.

Без завршен упис, тие не можат навреме да обезбедат потврда за редовен студент – еден од документите потребни при аплицирањето. Токму поради тоа мон го продолжи рокот, со цел и студентите кои ќе го завршат уписот во вториот уписен рок да можат да ја обезбедат потребната документација и рамноправно да конкурираат за сместување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тројца осомничени за горење кабли на депонијата Буково — го загадиле воздухот додека собирале бакар

Основното јавно обвинителство Охрид донесе наредба за спроведување истражна постапка против три лица за кривично дело – загрозување на животната средина и природата со отпад.

Тројцата соизвршители, на 17 септември дошле со товарно возило полно со отпад кај депонијата „Буково”. Започнале да ги горат гумените отпадни кабли со цел да ги издвојат од нив бакарните жици.

Од согорувањето се создал чад и биле испуштени штетни материи во воздухот.

Јавниот обвинител до судијата на претходна постапка од Основниот суд во Охрид достави предлог за определување мерка притвор за тројцата осомничени, пред се имајќи ја предвид опасноста од бегство и можноста да влијаат врз сведоци во постапката., велат од обвинителството..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче рече дека Македонија не е на продажба откако со Заев ја распродадоа за стан, зграда и златна виза за Дубаи

Филипче рече дека Македонија не е на продажба откако со Заев ја распродадоа за стан, зграда и златна виза за Дубаи.

Филипче со Заев го променија името на државата и ветуваа членство во ЕУ, а добивме само слика од авион.

Филипче и Заев ветуваа бесплатно здравство, а добивме провизии за вакцини, провизии за модуларни болници и провизии за тендери и набавки.

Филипче вели дека Македонија не била за продажба, а има потпишан бланко лист за барањата на Бугарите.

Со ова Филипче е директно против Македонија.

На Филипче му смета успехот на Македонија. Затоа е против дата центри, рудници и фабрики. Ама не е против бугарски фирми, златни визи и акции во индиски авиокомпани.

Исто така, на Филипче му пречи Дејвид Гета, ама не му пречи Харис Џиновиќ.

Тоа се двојните стандарди на Филипче и СДС. Затоа и ќе бидат вечна маргинална опозиција.

Бране Петрушевски, пратеник на ВМРО-ДПМНЕ.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.