Во периодот од 18.05.2026 до 31.07.2026 година, Секторот за сообраќајни работи при Министерството за внатрешни работи спроведе зајакнати акциски контроли на целата територија на државата, насочени кон возачите на велосипеди, велосипеди со помошен мотор, мопеди, мотоцикли, трицикли и четирицикли.

При спроведените контроли, констатирани се вкупно 6.932 прекршоци сторени од возачи на велосипеди со помошен мотор, мопеди, мотоцикли, трицикли и четирицикли, како и 33 прекршоци сторени од возачи на велосипеди.

Најголем број прекршоци се констатирани на подрачјето на СВР Скопје – 2.146, СВР Битола – 992, СВР Велес – 856, СВР Куманово – 583, СВР Штип – 544, СВР Тетово – 541, СВР Охрид – 420 и СВР Струмица – 327, додека од страна на Мобилната единица за безбедност на сообраќајот на патиштата констатирани се 556 прекршоци.

Од вкупно констатираните прекршоци, 5.678 се однесуваат на неносење заштитен шлем – кацига при управување со овие видови возила.

За сите констатирани прекршоци преземени се соодветни мерки согласно Законот за безбедност на сообраќајот на патиштата.

Во текот на спроведените контроли констатирани се и 15.715 други прекршоци, а против 503 возачи се поднесени кривични пријави согласно член 297-а од Кривичниот законик.

Министерството за внатрешни работи продолжува со зајакнатите акциски контроли на целата територија на државата, со цел унапредување на безбедноста во сообраќајот и доследно почитување на сообраќајните правила и прописи.

Апелираме до сите возачи на велосипеди, велосипеди со помошен мотор, мопеди, мотоцикли, трицикли, четирицикли и лесни електрични возила одговорно да учествуваат во сообраќајот, да ги почитуваат сообраќајните правила и прописи, задолжително да користат заштитен шлем – кацига и да не управуваат под дејство на алкохол или други психоактивни супстанции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дизајнот е инспириран од големиот јубилеј – 65 години од основањето на клубот, години исполнети со големи победи, европски трофеи и генерации ракометари кои го испишаа името на Вардар во историјата, и на македонскиот и на европскиот ракомет.

Во новата сезона, на гостински терен Вардар ќе настапува во дрес со кој тимот потсетува на најсветлите моменти во историјата на клубот и на трофеите кои низ годините ги прославуваа заедно тимот и неговите верни навивачи.

Јубилејниот дрес наскоро ќе биде достапен и во официјална продажба, овозможувајќи им на сите вардарци, навивачи и симпатизери да го носат клубот со себе и да бидат дел од новите предизвици во сезоната 2026/27.

Вардар денес требаше да го одигра натпреварот против Динамо Панчево, но мечот е официјално одложен. Екипата се соочи со серија повреди и вирусна инфекција која ги погоди ракометарите по завршувањето на меморијалниот турнир во Охрид.

Следниот предизвик, доколку здравствената состојба на екипата дозволи, е на 2 септември во Гевгелија, каде Вардар против ГРК Охрид ќе се бори за првиот трофеј во сезоната, Суперкупот на Македонија.

Како партнер и силен поддржувач на РК Вардар 1961, Видеолотарија Касинос Австрија верува во тимот, во неговата сила и во победничкиот менталитет кој со децении го препознаваат неговите навивачи. Веруваме во Вардар. Веруваме во победата. И типуваме на нова шампионска титула.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Акцијата се одвиваше во реонот на У.З. „Владо Тасевски“ каде беа отстранети неколку отпадни возила со регистарски таблички, за кои претходно се водеше инспекциска постапка.

Целта на оваа иницијатива е ослободување на јавните површини, како и подобрување на квалитетот на здравата животна средина. Општина Карпош апелира на совесно однесување на граѓаните, во насока на заедничко дејствување за почист Карпош.

ОПШТИНА КАРПОШ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.