МЗ: Модуларната болница во Тетово изградена согласно сите предвидени процедури и стандарди

Институциите, експертите и истрагата ќе ги утврдат причините за несреќата.

Откако изутринава се појавија информации во медиумите и на социјалните мрежи дека пропусти при градбата може да се причина за пожарот во модуларната болница во Тетово, Министерството за здравство ја информира јавноста дека сите 19 модуларни ковид болници во државата, се типски објекти, градени по највисоки медицински и безбедносни стандарди.

Модуларните ковид центри, вклучувајќи ја и болницата во Тетово се отворени после технички прием. При градбата на сите модуларни болници, вградените материјали се сертифицирани. Министерството за здравство информира дека ковид центарот во Тетово е проектиран со три влеза, ходниците се широки 2,4 метри а парапетите на прозорите се ниски во случај на евакуација. Во објектот не е користено дрво и запазени се сите други потребни елементи за заштита.

При пуштање во употреба, направен е уреден технички прием. При градбата има уредно документирани записници за незначителни технички забелешки - силиконирање лајсни на подот, нивелирање на сифон во тоалет, продолжување на дел од олуците сл. По овие барања, е постапено и истите се санирани пред пуштање во употреба и хоспитализација на пациенти. Овие документи ќе бидат доставени на увид на јавноста и медиумите уште денеска.

Ковид центарот во Тетово ги поседува и сите потребни сертификати за заштита при несреќи.

Апелираме да не се шпекулира со ваквите информации. Министерството за здравсто очекува експертите и истражните органи што побрзо да го истражат случајот за оваа страотна несреќа. Сите аспекти на случајот да бидат предмет на темелна и брза истрага и секако одговорност доколку истрагата го покаже тоа. Самите модуларни ковид центри беа и се уште се клучни во справување со пандемијата и хоспитализацијата на пациенти. Истите се градени по највисоки стандарди, а набавката која министерството за здравство ја правеше е согласно стандардите за ваквите болници кои се користат во многу земји во светот.

Одделени за односи со јавност

Министерство за здравство

Бајден денеска ќе биде домаќин на лидерите на Финска и Шведска

 Американскиот претседател Џозеф Бајден денеска во Белата куќа ќе ги пречека лидерите на Финска и Шведска, Саули Нинист и Магдалена Андерсон, откако двете нордиски земји аплицираа за членство во НАТО.

Соединетите Американски Држави ги поддржуваат напорите на двете земји за приклучување кон Северноатлантската алијанса, а доколку нивната апликација за членство помине, Алијансата ќе брои 32 членки.

Сепак, Турција се противи на влезот на Хелсинки и Стокхолм во НАТО, обвинувајќи ги дека се рај за антитурските екстремисти.

Британија и неколку земји од НАТО им понудија безбедносни гаранции на Финска и Шведска додека се разгледуваат нивните апликации, ветувајќи им дека ќе им помогнат во случај на агресија. -Срдечно ги поздравувам и силно ги поддржувам историските апликации на Финска и Шведска за влез во НАТО, рече Бајден.

ВМРО-ДПМНЕ: Над 2400 дечиња чекаат за прием во градинка во Скопје

Над 2400 дечиња чекаат за прием во градинка во Скопје, места нема затоа што СДСМ 5 години не направи ниту еден нов објект.

Градоначалниците на ВМРО-ДПМНЕ во скопските општини затекнаа состојба во која стотина дечиња од секоја општина се на листа за чекање за прием во градинка.

Места нема затоа што СДСМ 5 години не направи ниту еден нов објект.

Ситуацијата со недостаток на места за сместување не може да се реши преки ноќ. Градоначалниците од ВМРО-ДПМНЕ во сите скопски општини веќе засилено работат на нови градинки, и се очекува проблемот за година дена од сега да биде помал.

Работата на градоначалниците од ВМРО-ДПМНЕ на полето на градинките ја опструира централната власт, од каде не даваат согласност за нови вработувања и го кочат процесот во целост.

СДСМ ја злоупотребува централната власт да им прави сопки на градоначалниците од ВМРО-ДПМНЕ. Затоа и ова е една од причините поради која мора да имаме предвремени парламентарни избори час поскоро. Со влада на ВМРО-ДПМНЕ Македонија ќе се насочи на раст и развој и нови проекти, наместо на стагнација и криминал како до сега.

Со почит,

Центар за комуникации на ВМРО-ДПМНЕ

Општина Аеродром: Еднократна парична помош за првачиња

Општина Аеродром и оваа година доделува еднократна парична помош на семејствата со прваче во висина од 3.500 денари, за што се издвоени 3.100.000 денари од буџетот.

Родителите на првачињата запишани во едно од училиштата на територијата на Општината можат да поднесат барање за еднократната парична помош до архивата на Општина Аеродром од денеска до 30.9.2022 година. Образецот може да се подигне на линкот: http://aerodrom.gov.mk/dokumenti/formulari.

Во прилог на барањето е потребно да се достават следниве документи:

1. Потврда за запишан ученик во прво одделение во учебната 2022/2023 година заверена од основно училиште од територијата на Општина Аеродром;

2. Фотокопија од извод од матичната книга на родените (за првачето);

3. Фотокопија од важечка лична карта или патна исправа на еден од родителите, од која се видни податоците за живеалиштето во Општина Аеродром;

4. Фотокопија од активна трансакциска сметка на истиот родител (даночен обврзник) од кој е приложена копија од личната карта или патната исправа.

Општина Аеродром

притисни ентер