Во Скопје има над 1000 активни случаи на Ковид 19, а изминатите десетина дена Скопје ги руши рекордите по бројот на заразени. Камерата на Канал 5 во општините каде што е најраздвижено забележа дека голем дел од граѓаните ја почитуваат мерката. Таков е случајот на пазарите. Немаат дилеми во кои услови треба на лице да стават заштитна маска.
Но забележавме и граѓани кои шетајќи сами или во друштво, не носеа маски. Слична слика и во кафулињата. Седејќи по двајца или во поголемо друштво заштитните маски се држат во рака или воопшто не се носат. Некои од нив велат на отворено не е задолжително.
Според уредбата со законска сила носењето на маска, марама или шал е задолжително кога ќе излезете од дома.
Задолжително носење на заштитна маска:
- при движење на јавни места и површини од отворен и затворен тип
- на пазари, во јавен превоз и при влез во затворени места каде има собирање на повеќе лица
Исклучок од ова се
Не мора да носите заштитна маска ако:
- двор од семеен дом
- возите велосипед
- патувате во возило со лица кои се од вашето семејство
- се движите на јавни места каде можете да одржите најмалку 2 метри растојание од друго лице
Полицијата проверува на терен, казната за неносење маска е 20 евра.
На терен е и пазарниот инспекторат, а од вечерва со инспекторите проверки во кафулињата дали ако четворица седат на маса се од исто семејство ќе прави и финансиска полиција. Контролите најавуваат ќе се засилат уште од утре.