Македонија

Муртезани и Рокас: Планот за раст и реформите носат конкретна европска перспектива

Реформската агенда не е замена за членството во ЕУ, ниту лек за сите болести, туку алатка за да се поддржат подготовките за членство, порача евроамбасадорот Рокас

Реформската агенда не е замена за членството во ЕУ, ниту лек за сите болести, туку алатка за да се поддржат подготовките за членство, порача евроамбасадорот Рокас на денешната презентација на мерките од Планот за раст за Западен Балкан и Реформската агенда. Македонија, според него, особено „каска“ со реформите во две области – владеење на правото, кое, како што кажа е приоритет и очекува конкретни чекори за брзо време и реформата во јавната администрација. ЕУ одблиску ги следи случувањата со интерпелациите на членовите на Судскиот совет и онаа за државниот обвинител која сега е стопирана, кажа Рокас, повикувајќи на почитување на европските стандарди.

-Досега дадовме многу препораки како треба да се случуваат реформите во судството, особено за Судскиот совет. Нашиот став е дека се што може да се толкува како мешање во независноста на судството и функционирањето на Судскиот совет е прашање коешто предизвикува загриженост кај нас. Правните основи за распуштање на членови на Судскиот совет не се поврзани со интерпалацијата. Го следиме ова и очекуваме со реформите да има силно судството, коешто ќе биде основа да и помогне на земјата да се справи со корупцијата, вели тој.

И министерот за европски прашања Орхан Муртезани смета дека поотежнато одат реформите во судството и се надева дека процесот ќе добие дополнителна брзина. Тој укажа на важноста на Планот за комуникација и видливост на Планот за раст која, според него е клучот на упспешноста на реформите.

Македонија ги доби првите средства во износ од 52,4 милиони евра, од претфинансирањето во рамките на Инструментот за реформи и раст од ЕУ. Од нив околу 24,4 милиони евра се за буџетска поддршка и веќе се уплатени на Министерството за финансии. Станува збор за седум проценти од вкупната вредност на финансиската поддршка која што изнесува 750 милиони евра. Државата добива средства и од тековните ИПА програми кои надминуваат 500 милиони евра во чисти грантови за финансирање.

Резултатите од спроведувањето на реформската агенда ќе се оценуваат два пати годишно, а средствата ќе се ослободуваат соодветно на фиксните полугодишни распореди само ако се постигнат целите, ќе се вршат и плаќањата кон националните буџети.

Тагови: Министерството за финансии евроамбасадор

Свет

Шојгу: Русија го задржува правото да употреби нуклеарно оружје во случај на агресија од Западот

Русија го задржува правото да употреби нуклеарно оружје во случај на агресија против неа или Белорусија, вклучително и употреба на конвенционално оружје, изјави денеска секретарот на рускиот Совет за безбедност, Сергеј Шојгу.

„Во ноември 2024 година, беа направени измени во Основите на државната политика на Руската Федерација во областа на нуклеарното одвраќање, според кои Русија го задржува правото да употреби нуклеарно оружје во случај на агресија врз неа или врз Република Белорусија, вклучително и употреба на конвенционално оружје“, рече тој.

Според Шојгу, Русија „будно ги следи воените подготовки на европските земји“.

„Во согласност со Националната безбедносна стратегија на Руската Федерација, во случај странска земја да изврши непријателски дејствија што претставуваат закана за суверенитетот и територијалниот интегритет на Руската Федерација, нашата земја смета дека е легитимно да се преземат симетрични и асиметрични мерки неопходни за сузбивање на таквите дејства и спречување на нивното повторување“, потсетуваат руските медиуми.

Нуклеарното одвраќање „се спроведува во однос на државите и воените коалиции кои Русија ги гледа како потенцијален непријател и поседуваат оружје за масовно уништување или значителен борбен потенцијал на силите за општа намена“.

Дополнително, ваквите акции се однесуваат и на земјите кои обезбедуваат своја територија и ресурси за подготовка и спроведување на агресија против Руската Федерација.

„Задачите за обезбедување на интегритетот на обединетата одбранбена област на Русија и Белорусија, заедничкото спроведување на стратешките мерки за одвраќање се содржани во безбедносниот концепт на Сојузната држава и Договорот меѓу Руската Федерација и Република Белорусија за безбедносни гаранции усвоен во декември 2024 година, што беше развиен со директно учество на советите за безбедност на двете земји“, рече Шојгу.

Тагови: русија

Здравје

Во странство се лекуваат 44 повредени пациенти од пожарот во Кочани

Во странство се лекуваат 44 повредени од пожарот од Кочани, информираше денеска во Куманово, министерот за здравство Арбен Таравари.

Таравари посочи дека една пациентка ќе се врати утре, пациентите се во стабилна состојба, а останатите од 193 се лекуваат во домашни услови.

- Сега се потешките случаи 43. Се надевам дека ќе им обезбедиме најдобра можна рехабилитација којашто ќе биде некои месец-два. Кај околу 40 пациенти тоа ќе трае шест месеци до две години. Тоа е направена анализа од експерти од Велика Британија кои имаат огромно искуство со вакви повреди кај пациентите, изјави министерот Таравари.

Тој соопшти дека се размислува потешките случаи да продолжат да се лекуваат надвор од државата, се со цел за да го продолжат животот поквалитетно по нивното враќање во земјава.

Тагови: Таравари

Македонија

Вчера казни за 865 возачи, 128 за мотоциклисти за неносење заштитен шлем

МВР денеска соопшти дека меѓу најбројните се прекршоците на непрописно паркирање 213, потоа прекршоците по основ на движење со неприлагодена брзина од дозволената 117, како и прекршоците по основ на непоседување на возачка дозвола 110.

Во рамки на активностите на полициските службеници од сите осум сектори за внатрешни работи при Бирото за јавна безбедност (БЈБ) на МВР, со засилените сообраќајни контроли за почитување на сообраќајните правила и прописи на патиштата низ државава, биле издадени 865 платни налози.

МВР денеска соопшти дека меѓу најбројните се прекршоците на непрописно паркирање 213, потоа прекршоците по основ на движење со неприлагодена брзина од дозволената 117, како и прекршоците по основ на непоседување на возачка дозвола 110.

Покрај ова, вчера биле изречени и 128 прекршочни платни налози за мотоциклисти по основ на неносење заштитен шлем, потоа во четири случаи казнети се алкохолизирани возачи, седумина возачи минале на црвено светло, а прекршочни пријави заработиле и петмина пешаци.

Исто така по основ на неносење сигурносен појас изречени се 47 прекршочни казни, по основ на недозволено говорење на мобилен телефон при возење 25. Согласно, пак, Законот за возила од сообраќај се исклучени 33 нерегистрирано возило како и 10 технички неисправни возила.