Македонија

Муцунски: Стратешкото партнерство со САД е суштински значајно за долгорочната политичка и економска безбедност и стабилност

„Стратешкото партнерство и неговата иднина, поврзана со конкретните проекти што веќе се договорени и оние што се договараат, се суштински значајни за долгорочната политичка и економска безбедност и стабилност на нашата држава“, истакна Муцунски.

Министерот за надворешни работи и надворешна трговија, Тимчо Муцунски, во интервју за МИА од Њујорк се осврна на односите со Соединетите Американски Држави, конкретните резултати од стратешкото партнерство, европската интеграција и односите со Бугарија, како и на активностите во рамките на Генералното собрание на Обединетите нации.

Говорејќи за односите со САД, министерот истакна дека од формирањето на новата американска администрација е засилена комуникацијата на сите нивоа. Средбите со државниот секретар Марко Рубио, заменик-државниот секретар Кристофер Ландау и раководството на Стејт департментот, според него, ја потврдуваат динамиката и значењето на стратешкото партнерство.

„Стратешкото партнерство и неговата иднина, поврзана со конкретните проекти што веќе се договорени и оние што се договараат, се суштински значајни за долгорочната политичка и економска безбедност и стабилност на нашата држава“, истакна Муцунски.

Како конкретни примери од соработката, министерот ги посочи рамката во областа на трговијата, соработката со Американската корпорација за меѓународно финансиско развивање – DFC, вклучително и разговорите за повеќе економски проекти, како и резултатите од Стратешкиот дијалог во областа на одбраната, борбата против тероризмот, справувањето со нерегуларната миграција и културата.

Муцунски нагласи дека македонската надворешна политика се темели на три клучни постулати: членството во НАТО, стратешкото партнерство со Соединетите Американски Држави и патот кон полноправно членство во Европската Унија.

Во однос на евроинтеграциите и разговорите со Бугарија, тој истакна дека позицијата на Владата останува јасна – земјата сака да напредува кон Европската Унија и да ги отвори преговорите, но не е подготвена да прифати компромис што нема да обезбеди предвидливост.

„За нас е значајно во сите разговори што понатаму ќе ги имаме со Бугарија да има и вклученост на Европската Унија. Битно е да има минимум уште една страна во процесот што ќе помогне да почнеме да ја градиме довербата која недостига“, нагласи Муцунски.

Тој посочи и дека се очекува комуникација од Европската Унија за идниот пристап кон политиката на проширување, при што информациите во однос на постепената интеграција ги оцени како охрабрувачки, нагласувајќи дека треба да се почека официјалната содржина на документот.

Оценувајќи ги досегашните активности во рамките на Генералното собрание на ОН, Муцунски истакна дека посетата има и билатерална и мултилатерална димензија и носи конкретни политички, економски, трговски и безбедносни резултати. Воедно, Генералното собрание овозможува проширување на дипломатските контакти и со држави надвор од традиционалниот круг партнери во Европа и САД.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Откриени фантастичните хонорари на боксерите Џошуа и Фјури за долгоочекуваната борба

Долгоочекуваниот боксерски меч меѓу двајца британски тешкаши и поранешни светски шампиони, Ентони Џошуа (36) и Тајсон Фјури (38), ќе се одржи во Кардиф на 11 декември, и ќе се емитува на „Нетфликс“.

„Со години се подготвувавме за ова. Една ноќ за врвниот дуел“, објави промоторот Турки Алалшик на платформата „Икс“ (X). Џошуа (36) и Фјури (38) се поранешни светски шампиони во тешка категорија, а нивниот судир е тема на јавна дебата речиси една деценија.

Тие првично потпишаа договор за борбата во 2021 година, но мечот беше откажан откако Деонтеј Вајлдер, преку правна постапка, обезбеди трета борба против Фјури.

На тој меч, Фјури по вторпат го победи Вајлдер и го задржа својот WBC појас. Само еден месец подоцна, Олександр Усик го победи Џошуа на поени и му ги одзеде обединетите титули, нанесувајќи му го вториот пораз во кариерата. Џошуа загуби од Усик и во реваншот во 2022 година.

Во текот на 2024 година, украинскиот боксер исто така двапати го победи Фјури на поени.

Иако во меѓувреме и двајцата ги загубија своите светски титули и статусот на непоразени борачи, интересот за нивниот дуел не опадна. Британските медиуми сега откриваат колку би можел да заработи секој од борците со влегувањето во рингот кон средината на декември.

Се очекува боксерите да излезат во рингот околу 3:00 часот наутро за да се прилагодат на американската публика, согласно барањата на „Нетфликс“, кој ќе го пренесува овој спектакл во тешка категорија. За оваа борба, секој од нив ќе ја зголеми својата банкарска сметка за 75 милиони фунти (приближно 87 милиони евра).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отстранет небезбеден објект во Маџир Маало, хигиената и здравјето на граѓаните се приоритет

Општина Центар отстрани руиниран и напуштен објект на улицата „Петричка“ во Маџир Маало, кој со години претставуваше сериозен ризик за безбедноста и здравјето на граѓаните.

По извршената инспекциска проверка е утврдено дека станува збор за објект без сопственик, импровизирана градба која беше претворена во дива депонија, легло на глодари и други штетници. Објектот е отстранет, а теренот целосно расчистен од шутот и наталожениот отпад.

„Секаде каде што имаме надлежност, ги расчистуваме вакви критични точки. Најчесто станува збор за објекти кои со децении имаат проблем со нерасчистени имотно-правни односи. Ваквите стари и распаднати градби со тек на времето стануваат депонии, места каде се собираат бездомници и животни. Но, секогаш кога законот ни дозволува, постапуваме веднаш и решително, бидејќи безбедноста на граѓаните, хигиената и чистата и здрава животна средина се врвен приоритет“, порача градоначалникот на Општина Центар, Горан Герасимовски.

Од Општина Центар апелираат до граѓаните да ги пријавуваат ваквите локации, со цел надлежните служби навреме да реагираат и да ги отстранат потенцијалните ризици по безбедноста, здравјето и хигиената.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Македонија се гради по застарени стандарди со цел градбите да бидат посигурни потребна е да се воведат еврокодови

Во Македонија се гради по застарени стандарди од 80 тите и 90 години. Со цел градбите да бидат посигуирни потребна е да се во ведат еврокодови.

Ова утринава го посочија експерти од областа на градежништвото кои во стопанската комора дискутираа на тема „Од стандардизација до национална имплементација“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.