Муцунски- Петрова: Потреба од изнаоѓање на одржливо и достоинствено решение за отворениот билатерален проблем - Канал 5

Македонија

Муцунски- Петрова: Потреба од изнаоѓање на одржливо и достоинствено решение за отворениот билатерален проблем

Билатералните односи и потребата од изнаоѓање на решение, македонските позиции за идентитетот, јазикот и историјата како и инфраструктурното поврзување биле темите на првата официјална средба на шефовите на дипломатии на Македонија и Бугарија.

Муцунски- Петрова: Потреба од изнаоѓање на одржливо и достоинствено решение за отворениот билатерален проблем

Билатералните односи и потребата од изнаоѓање на решение, македонските позиции за идентитетот, јазикот и историјата како и инфраструктурното поврзување биле темите на првата официјална средба на шефовите на дипломатии на Македонија и Бугарија, Муцунски-Петрова Чамова. На средбата како што соопштија од македонското МНР, била нагласена и потребата од изнаоѓање на одржливо и достоинствено решение за отворениот билатерален проблем во духот на добрососедството и со почитување на европските вредности. Дополнително, било отворено и прашањето за почитувањето на правата на македонското малцинство во Бугарија и пресудите кои Бугарија ги има загубено пред Европскиот суд за човекови права.

„На средбата беа разменети мислења за билатералните односи, регионалната соработка и европската интеграција на државата. Во таа насока министерот Муцунски ја нагласи потребата од изнаоѓање решение за билатералното прашање, кое го кочи процесот на отворање преговори со Европската Унија, потврдувајќи ги позициите на Владата и укажувајќи дека темите поврзани со македонскиот јазик, идентитет, култура и историја не можат да бидат предмет на разговори.“

Од бугарското МНР пак преку соопштение велат дека бугарската министерка Велислава Петрова Чамова на средбата ја повторила бугарската позиција кон земјава, како и дека официјална Софија очекува целосно исполнување на преземените обврски од францускиот предлог. Дополнително, како што е наведено, Петрова-Чамова порачала и дека за Бугарија од клучно значење ќе продолжат да бидат правата на бугарите во земјава.

„Министерката Петрова ја потврди конзистентната позиција на Бугарија дека целосното спроведување на обврските преземени кон ЕУ во рамките на Европскиот консензус од јули 2022 година е единствената гаранција за одржлив напредок на Македонија на нејзиниот пат кон пристапување во ЕУ.“

Средбата меѓу двајцата министри се одржа на маргините на состанокот на шефови на дипломатии на земјите-членки на НАТО во Хелсинборг, Шведска, а пред почетокот министерот Муцунски најави дека фокусот ќе го стави и на регионот на Западен Балкан за кој оцени дека се соочува со влијание од надворешни фактори.

„Ќе настојувам да разговараме и за Западен Балкан, област на Европа каде има сериозно непријателско влијание кое доаѓа од надворешни фактори и каде се уште постојат безбедносни ризици. НАТО е сојуз кој станува се посилен и посилен благодарејќи на нашата заложба да трошиме 5% од БДП на одбрана.“

Средбата Муцунски – Чамова инаку доаѓа во услови на затегнати билатерални односи по изјавата на бугарската министерка која го искористи терминот „северномакедонски“ за македонските претставници, на што македонското МНР возврати со устен демарш за амбасадорот на Бугарија во Македонија, Жељазко Радуков.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер