Македонија

Муцунски: Пет проценти од БДП за одбраната е севкупна инвестиција во безбедноста

Министерот за надворешни работи Тимчо Муцунски, изјави дека определбата за зголемување на средствата за одбрана до 5 проценти од БДП не се однесува само на класични воени набавки, туку претставува севкупна инвестиција во безбедноста.

Министерот за надворешни работи Тимчо Муцунски, изјави дека определбата за зголемување на средствата за одбрана до 5 проценти од БДП не се однесува само на класични воени набавки, туку претставува севкупна инвестиција во безбедноста, инфраструктурата и економскиот развој на државата.

-Одиме кон пет проценти, за да немаме потреба некогаш да одиме кон 30-40 проценти, како што трошат некои држави кои имаат конфликти на својата територија, изјави Муцунски, додавајќи дека средствата ќе опфатат не само воена модернизација, туку и инвестиции во инфраструктурата, сајбер безбедноста, па дури и иновации и стартап компании.

На прес-конференција на која беше презентирано сработеното во првата година од мандатот на новата Влада, министерот потенцираше дека оваа цел е усогласена со НАТО-стандардите и дека сите земји членки на Алијансата ја поддржуваат стратегијата.

-Не само ние, туку сите земји членки на НАТО. Тоа беше одлука донесена со консензус во рамките на Алијансата. Сите набавки и мерки што ги презема Министерството за одбрана за модернизација на нашата армија ќе се вкалкулираат во тие 5 проценти, рече шефот на дипломатијата.

Дополни дека дека трошоците ќе бидат проширени со аспекти кои досега не биле вклучени во дефиницијата на минималниот праг од 2 проценти. Како пример за тоа ги наведе инвестициите во нато-коридорите, инфраструктурата со стратешко и трговско значење, како и капацитетите за сајбер безбедност.

-Во рамите на овие пет проценти ќе има многу алатки кои ќе ни носат сигурност, но можат да бидат и мерки за стимулирање на домашната економија и за развивање на нови компании, за засилена индустриска база во делот на производство на наменска опрема. Тоа ќе отвори одлични работни места и ќе ја задоволи потребата од диверзификација на производствените капацитет, додаде Муцунски.

Според него, ова се историски, генерациски одлуки, кои ќе останат релевантни и за идните влади и ќе обезбедат долгорочна стабилност под НАТО-чадорот.

Муцунски: Изминатата година изградивме достоинствен карактер, усогласен со националните интереси

Дипломатијата не е само надворешна политика-таа е карактерот на државата во очите на светот. Оваа година, изградивме карактер-достоинствен, цврст и целосно усогласен со националните интереси. Карактер што го носи секој вистински Македонец со гордост. Дипломатијата не се гради само со документи и средби, туку со секој збор, секоја постапка и секое партнерство. Токму во тоа успеавме. Од позиција на климање со глава, се вративме на патот на самопочит, стабилност и влијание. Денес, сме држава што гради, нуди и создава – со почит, визија и интегритет. Со ваков карактер, ја потврдивме нашата позиција како кредибилен и респектиран партнер. А најважно – ја вративме довербата на граѓаните.

Ова е пораката што денеска на прес-коференција по повод една година од функционирањето на новата Влада ја упати министерот за надворешни работи и надворешна трговија Тимчо Муцунски.

Во овој период, додаде тој, повторно почнале да ги поставуваат темелите на македонската надворешна политика, што, како што истакна, достоинствено ги претставува, брани и застапува македонските национални интереси на меѓународната сцена, политика изградена врз три постулати: стратешкото партнерство со Соединетите Американски Држави, целосната усогласеност со заедничката безбедносна и надворешна политика на Европската Унија, и активниот придонес во рамките на НАТО Алијансата.

-Пред една година затекнавме институција без ред и систем. Министерство во кое се прекршувале закони, каде унапредувањата се вршеле спротивно на законските прописи, а амбасадори се испраќале без почитување на процедура-по пријателска линија и лични интереси. Сите бевме сведоци на низа скандали, очигледни прекршувања на Законот за надворешни работи, индиции за криминал и злоупотреби, за кои веќе постапуваат Министерството за внатрешни работи и други надлежни институции. Денес, една година подоцна, уверен сум дека ги поставивме темелите на нова, стабилна и професионална дипломатија. Го вративме професионализмот во прв план и значајно го подобривме функционирањето на целиот државен систем вклучен во дипломатските процеси, истакна македонскиот шеф на дипломатијата.

Според него, клучен чекор во оваа насока било донесувањето на новиот Закон за надворешни работи – со кој е зголемен задолжителниот процент на професионални амбасадори. Подобрение се, рече, условите за работа на дипломатите, ги презедовме надлежностите во делот на надворешната трговија и воспоставивме јасна законска рамка за улогата на законодавниот дом во меѓународните односи.

-Втората половина на 2024 и првата половина на 2025 беа период во кој ги поставивме темелите на промените што доаѓаат. Во периодот од конституирањето на Владата до денес, со новопоставените цели и приоритети на Владата и МНРНТ, постигнавме суштинско редефинирање на македонската надворешна политика – проширена и со портфолиото на надворешна трговија. МНРиНТ заедно со дипломатската мрежа, водеше активна, динамична и ефективна политика. Фокусот беше ставен на јакнење на билатералниот политички дијалог и економската соработка-со стратешките партнери, со соседите преку добрососедски односи, со земјите-членки на НАТО и ЕУ, како и со држави од сите региони-билатерално и во рамките на мултилатерални организации, со цел успешно позиционирање на државата на меѓународната сцена, истакна на прес-конференцијата Муцунски.

Истовремено, истакна, спроведени се значајни активности за унапредување на улогата на Министерството како ефикасен сервис за граѓаните дома и во странство-преку афирмација на националните културни вредности, подобрување на конзуларните услуги и зајакната комуникација со македонските заедници и дијаспората.

Реализиравме интензивна политичка агенда, исполнета со посети и средби на високо ниво, истакна Муцунски, додавајќи дека како Министерство ги продлабочиле односите со традиционалните партнери и изградиле нови пријателства. Особено важно, рече, е потпишувањето на договорите за стратешка соработка со Турција и Унгарија - како дополнителна потврда за блиската и динамична соработка.

-Членството во НАТО останува клучно. Годинава одбележавме 5 години од приклучувањето кон Алијансата. Министерството беше активно во исполнување на обврските како членка и унапредување на соработката. Формиравме Совет за координација на прашања од НАТО интерес, со кој претседава Претседателот на Владата. Активно учествувавме на состаноците на министрите за надворешни работи, дадовме придонес во заедничките политики, зајакнавме соработката во рамките на А5, учествувавме во мисиите КФОР и ЕУФОР Алтеа. Последно – Самитот во Хаг пред неколку дена, каде беа донесени клучни одлуки за иднината на Алијансата, истакна Муцунски.

Додаде дека во делот на ЕУ интеграцијата – подготвиле и усвоиле Реформска агенда 2024–2027, дел од Планот за раст на Западен Балкан. Со навремена имплементација, според него, земјава станала прва држава што доби предфинансирање од 52,4 милиони евра.

Во ноември 2024, во Брисел, со високиот претставник Жозеп Борел го потпишавме Партнерството за безбедност и одбрана – прво од ваков вид во регионот. На 23 мај 2025 во Скопје, со присуство на претставничката Каја Калас, се одржа и првиот Дијалог за безбедност и одбрана со ЕУ.

Во обраќањето тој нагласи дека партнерството со САД останува столб на надворешната политика, издвојувајќи ја посебно средбата со државниот секретар Марко Рубио на 29 мај – втора средба во кус временски период. Во регионот, нагласи, зермјава останува посветена, на стабилноста и развојот. На мултилатерален план, посебен успех, според Муцунски, е изборот за членство во Советот за човекови права и реизборот во Извршниот совет на OPCW.

Дијаспората, нагласи, останува важен дел од надворешната политика, поддржани се 25 проекти, се евалуираат 117 нови, се работи на избор на стипендисти, и се изработува Национална стратегија 2025–2030. Почнавме и со формирање Научен и Економски совет.

Тагови: НАТО Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Можете ли да го користите телефонот додека се полни?

И дали треба да ја оставите батеријата целосно да се испразни пред повторно полнење?

Денес, толку сме приврзани за нашите паметни телефони што чувствуваме потреба да ги користиме дури и додека се полнат. Но, можеби се прашувате дали користењето на телефонот додека се полни може да влијае на животниот век на батеријата.

Краткиот одговор е не. Иако вашиот телефон може да се полни побавно ако не го оставите сам да го заврши процесот, користењето на телефонот додека се полни генерално не влијае на животниот век на батеријата. Ова во голема мера се должи на технологијата за полнење со бајпас и системите за дисипација на топлина.

Со полнењето со бајпас, кога ќе го вклучите телефонот во полнач и ќе продолжите да го користите, вашиот телефон ја пренасочува енергијата од полнењето на батеријата кон директно стартување на апликациите, ефикасно паузирајќи го полнењето. Ова обезбедува добро корисничко искуство, но исто така ја штити батеријата на вашиот телефон од топлина што може да ја оштети. Користењето на телефонот за тешки активности, како што е играње игри, може да предизвика уредот да се прегрее, па оваа функција помага да се спречи тоа.

Недостатокот е што кога ќе го исклучите телефонот по напорна активност како што е видео монтажа или играње игри, процентот на батеријата веројатно нема да се зголеми многу, ако воопшто се зголеми. Тоа е затоа што енергијата оди директно до уредот за да го напојува, а не до батеријата.

Еден од првите примери за премостено полнење беше на „Sony Xperia 1 II“ во 2020 година, наречен „Heat Suppression Power Control“. Денес, оваа функција е достапна на многу врвни паметни телефони од водечки брендови, вклучувајќи ги „Samsung“, „Google“, „Xiaomi“ и „ZTE“. Сепак, имајте на ум дека „Apple iPhone“ сè уште не ја поддржува оваа функција. Дури и без неа, вашиот телефон ќе се полни побавно ако го користите додека е на полначот. Ако забележите дека вашиот телефон се прегрева, престанете да го користите за да спречите оштетување на батеријата. Повеќето модерни телефони имаат напредно управување со батеријата и системи за дисипација на топлина кои помагаат во контролата на зголемувањето на температурата.

Значи, иако користењето на телефонот додека се полни не е лоша навика само по себе, добра идеја е да го избегнувате кога е можно. Ако треба да проверите порака, да се јавите некому, да фотографирате или да објавите нешто брзо – можете да го направите тоа без никакви проблеми. Кога треба да го користите за потешки задачи, внимавајте на прегревање, но не грижете се дека тоа ќе ја оштети батеријата на вашиот телефон. Телефонот едноставно нема да се полни со вообичаената брзина.

Заблудата дека не треба да го користите телефонот додека се полни е само еден од многуте митови за полнењето и продолжувањето на животниот век на батеријата. Друга заблуда е дека не треба да го оставате телефонот на полначот преку ноќ. Ова не е вистина. Иако ова значи дека мала количина „скриена“ електрична енергија се влече од штекерот, вашиот телефон нема да се „преполни“. Сите најнови телефони имаат вградени заштити што престануваат да се полни штом уредот достигне 100 проценти. Уште повеќе, многу паметни телефони ги учат вашите навики и го оптимизираат полнењето со забавување на полнењето на самиот крај за да ја зачуваат батеријата и во исто време да обезбедат телефонот да биде целосно наполнет до утрото.

Исто така, не треба да дозволите батеријата целосно да се испразни пред да се полни. Всушност, за да го продолжите животниот век на батеријата на вашиот телефон, подобро е да ја полните кога нивото на полнење е помеѓу 20 и 80 проценти, отколку да чекате целосно да се испразни.

Заклучок: Користењето на телефонот додека се полни не треба да ѝ наштети на батеријата, освен ако не предизвика прегревање. Сепак е добра идеја да ја ограничите употребата кога е можно - првенствено за да ја наполните батеријата што е можно побрзо, а не за да ја заштитите.

Извор: Б92

Фото: ВИ

Тагови: Батерија мобилен телефон

Шоу биз

На Џорџина и велат дека е дебела, одговорот на Роналдо е хит

Џорџина Родригез одговори на постојаните критики за нејзиниот физички изглед објавувајќи интимен разговор со Кристијано Роналдо.

Славниот пар испрати порака за важноста на љубовта кон себе и дека вредноста на една личност не треба да се мери според нејзиниот изглед или мислењата на другите.

Секое лето, откако ќе објави фотографии во бикини, социјалните мрежи се преплавени со коментари за тежината и облините на Џорџина Родригез. Овој пат, таа призна на Инстаграм дека јавниот притисок влијае и врз неа, но наместо директна конфронтација, реши да ги сподели своите мисли за естетскиот притисок и важноста на внатрешниот мир.

Поддршката на Роналдо

За време на одмор на брод, Родригез прочита негативни коментари за нејзините најнови фотографии и му призна на Кристијано: „Се грижам што сега ме нарекуваат дебела, бидејќи живеам според мојот имиџ“. Одговорот на Роналдо беше многу јасен: „Не живееш според својот имиџ. Живееш според тоа кој си. Совршена жена. Убава, со одлично тело, мајка, добра личност, успешна и некој што го живее животот со љубов. Што повеќе би можела да посакаш? Нормално е да ти завидуваат“.

View this post on Instagram

A post shared by Georgina Rodríguez (@georginagio)

Овие зборови длабоко ја трогнаа Родригез и ја потсетија што е навистина важно. Таа призна дека е горда на Кристијано за вредностите што ги отелотворува како татко и маж. Таа нагласи дека вредноста на една личност никогаш не може да зависи од нејзиниот физички изглед или од мислењата на странци.

Љубов кон сопственото тело

Џорџина нагласува дека не се плаши од промените во своето тело бидејќи тие значат дека таа продолжува да живее. За неа, вежбањето никогаш не било борба за губење тежина, туку извор на здравје, дисциплина и ментален мир. Таа изјави: „Ги сакам моите облини. Ја сакам слободата да живеам во телото што го избирам“.

Порака до идните генерации

Како мајка на шест деца, Џорџина нагласува дека нејзината најголема мотивација е примерот што им го дава на своите ќерки. Заедно со Кристијано, таа сака да ги научи дека вредноста на една личност не зависи од нејзиниот физички изглед, туку од вредностите што ги носи во себе. На крајот, таа рече: „За мене, вистинскиот успех никогаш не бил вклопување во стандард што никој не знае кој го измислил. Вистинскиот успех е да се живее во мир, да се биде опкружен со луѓе што ги сакам, да се ужива во семејството и пријателите и да се грижи за своето здравје.“

Фото: Инстаграм

Извор: Индекс.хр

Тагови: Кристијано Роналдо Џорџина Родригез

Свет

Падна снег во Нов Зеланд (ВИДЕО)

Антарктички студен бран погоди делови од Јужниот Остров на Нов Зеланд, носејќи снег на нивото на морето и ниски температури што ги затворија патиштата и го нарушија работењето на училиштата.

Снегот го покри Данидин, вториот по големина град на Јужниот Остров, поради што полицијата ги повика луѓето да избегнуваат секакви патувања освен неопходните, предупредувајќи на заледени патишта, објави Ројтерс.

„Полицијата утрово доби бројни пријави за сообраќајни несреќи низ Данидин, при што некои возила се лизнаа од патот. За среќа, немаше повредени“, соопшти полицијата на Нов Зеланд на социјалните медиуми.

Antarctic Polar Blast Brings Rare Sea-Level Snow to New Zealand | Asia One News

A powerful Antarctic polar blast has swept across parts of New Zealand's South Island, bringing rare snowfall to sea level and freezing temperatures that forced road closures and disrupted… pic.twitter.com/vGOvoHw6TF
— ASIA ONE NEWS (@AsiaOne_News) August 4, 2026

Скијачите и сноубордерите ги искористија снежните врнежи за да се тркаат по улицата Болдвин во Данидин, за која се вели дека е најстрмната станбена улица во светот, објавија локалните медиуми.

Посеверно, снег падна и на плажата Њу Брајтон во Крајстчерч, каде што беше видлив на песокот.

Времето предизвика откажување на сите автобуски услуги во градот, додека фериботските услуги помеѓу Северните и Јужните Острови се суспендирани поради силни ветрови и високи бранови.

Новозеландската метеоролошка служба соопшти дека се очекува студениот бран да трае уште два дена, со снег или лапавица што ќе паѓа речиси до нивото на морето низ источниот дел на Јужниот Остров.

Метеоролозите предупредија дека четврток наутро може да ги донесе најниските температури во годината во многу делови од Нов Зеланд.

Извор: Б92

Тагови: Нов Зеланд снег