Му го украле новиот „Ренџ Ровер“ на Шекил О’ Нил, бил дизајниран специјално за него (ВИДЕО) - Канал 5

Му го украле новиот „Ренџ Ровер“ на Шекил О’ Нил, бил дизајниран специјално за него (ВИДЕО)

„Ренџ Роверот“ на Шакил О'Нил, вреден околу 165.000 евра, кој беше специјално дизајниран за кошаркарската легенда висок 216 сантиметри удобно да седи зад воланот, исчезна, пишува „Пејџ Сикс“.

Му го украле новиот „Ренџ Ровер“ на Шекил О’ Нил, бил дизајниран специјално за него (ВИДЕО)

Информирани извори веруваат дека кражбата се случила по хакерски напад врз транспортната компанија која била задолжена за транспорт на возилата. Компанијата која работела на прилагодување на автомобилот сега нуди награда за каква било информација што ќе доведе до негово откривање.

Изгубен во транзит

Сосема новиот џип бил во процес на прилагодување во компанијата „Ефортлес Моторс“, а се очекувало вредноста на возилото да се искачи на околу 257.000 евра по завршувањето на работата.

Компанијата организирала транспорт на автомобилот од Атланта до Луизијана. Возилото било подигнато во понеделник, 20 октомври, но никогаш не пристигнало на својата дестинација. Кога „Ефортлес Моторс“ го контактирале превозникот за да ја проверат состојбата на пратката, дознале дека теренецот исчезнал по патот.

YouTube video

Тие нудат награда

Се верува дека крадците го хакирале системот на транспортната компанија за да добијат пристап до податоците за подигнување и испорака. Тие ги користеле тие информации за да ја пресретнат пратката и да го пренасочат теренецот на Шек во непознат правец. „Ефортлес моторс“ соопшти дека нуди награда од 8.500 евра за информации или враќање на возилото.

YouTube video

Шак соработува со полицијата

Шек соработува со полицијата во потрагата по неговиот црн, направен по нарачка Ренџ Ровер. Шак е познат како страствен љубител на автомобили, а неговата колекција се проценува дека вреди до 3,5 милиони евра. Вклучува модели како Ferrari 355 F1 Spider од 2018 година, Bentley Azure, Lamborghini Gallardo и Vaydor, од кои многу се специјално прилагодени на неговата висина.

Познатиот кошаркар еднаш изјави дека поседува 40 автомобили, додавајќи: „Не знам зошто“. Се чини дека сега има 39. Полицијата сè уште не го коментирала случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер