Живот

Мразот на Антарктикот се топи , измерени рекордни 20 степени Целзиусови

За прв пат во историјата на Антарктикот се измерени температури над 20 степени Целзиусови, а научниците кои ги следат мерењата, сметаат дека новиот рекорд е неверојатен и ненормален.

Бразилските научници на леденикот Сејмур забележале 20,75 степени Целзиусови на 9 февруари, скоро за еден степен повисоко од претходниот рекорд измерен на островот Синси во јануари 1982 година, од 19,8 степени Целзиусови, пренесува Гардијан.

Што се однесува до континенталниот Антарктик, аргентинската истражувачка станица измерила 18,3 степени Целзиусови кај Есперанци на 6 февруари, што претставува рекорд за оваа област.

Овие рекордни мерења допрва треба да бидат потврдени од Светската метеоролошка организација, но тие се совпаѓаат со трендовите забележани на Антарктикот, кои се загреани за над 3 степени Целзиусови во однос на пред-индустриското време. Тоа темпо на затоплување се смета меѓу најбрзите на планетата.

Бразилските научници веруваат дека тоа е под влијание на промените во океанските струи и климатскиот феномен Ел Нињо.

Регионот на Антарктикот зачувува околу 70 проценти од свежата вода на планетата во форма на снег и мраз. Кога сето ова би се стопило, нивото на морињата ќе се искачи од 50 до 60 метри, но за тоа ќе треба да поминат неколку генерации.

Научниците на ООН предвидуваат дека океаните ќе бидат за 30 до 110 сантиметри повисоки до крајот на овој век, во зависност од резултатите од човечките напори за намалување на емисиите на стакленички гасови што ја загреваат атмосферата на Земјата и чувствителната ледена обвивка.

Најпогодената област е полуостровот на Антарктик, кој достигнува до Аргентина. Видно е топење на глечерите кои се повлечени повеќе од 100 метри во заливот Дискавери, како и големи, голи делови од земја каде снегот се стопил за помалку од една недела. Бидејќи температурите пораснале побрзо последниве години, се верува дека овој феномен има ефект драматично да ги намали колониите на животни зависни од мразот , како што се пингвините. Овие колонии сега се повеќе од преполовени.

Регион

Видео: Атина „проголтана“ од сахарска прашина, градот обоен во портокалово

Атина и јужните делови на земјата вчера беа обвиени со сахарска прашина, со нијанси на жолта и портокалова боја што создава нереална атмосфера во градот.

Облаците од прашина, пренесени преку Средоземното море од северна Африка, го обвија акропол и другите знаменитости на Атина.. Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews. Метеоролозите најавуваа дека небото ќе се расчисти денеска поради промената на правецот на ветерот, поради што ќе паднат и температурите.

Свет

Кулеба ги пофали американските политичари за одобрувањето на пакетот воена помош за Украина

Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.

Министерот за надворешни работи на Украина, Дмитро Кулеба со ентузијазам ги пофали американските политичари за одобрувањето на долго одложуваниот пакет воена помош од 61 милијарда долари за Украина, но предупреди дека новите испораки нема веднаш да го свртат бранот на војната.

„Алелуја“, изјави Кулеба во интервју за „Гардијан“ на прашањето за реакцијата на вчерашното конечно гласање на американскиот Сенат. Тој рече дека „неговото верување е дека ќе има позитивен исход“, но Западот мора „да сфати дека ерата на мирот во Европа е завршена“ и да ја изгради својата одбранбена индустрија.

Говорејќи за „Гардијам“, Кулеба рече дека се надева оти Белата куќа ќе го претстави новиот пакет оружје „за неколку дена, можеби и часови“ и дека е „само прашање на логистика“ залихите да се префрлат на фронтот.

Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.

Кулеба, исто така, рече дека Украина идентификувала седум системи за воздушна одбрана „Патриот“ кои би можела да ги користи за заштита на цивилите во поголемите градови надвор од Киев. Еден е добиен од Германија, уште четири се лоцирани и преговорите се во тек, рече Кулеба, а на повидок се уште два. /МИА

Регион

Уапсен пратеникот кој физички нападна друг пратеник во грчкиот Парламент

Според претседателот на Парламентот, Константинос Тасулас, Кривичниот законик предвидува дека оној кој ќе изврши насилство врз пратеник се казнува со затворска казна до десет години.

Уапсен е независниот пратеник Константинос Флорос, кој претпладнево физички го нападна пратеникот од Грчко решение Василис Граменос пред салата во која се одржува пленарната седница во грчкиот Парламент, а за нападот може да му биде изречена затворска казна до десет години, јави дописничката на МИА од Атина.

Флорос, кој на изборите во јуни минатата година беше избран со малата радикално десничарска партија Спартанци, а неодамна ја напушти и стана независен пратеник, по предизвиканиот инцидент беше уапсен и пренесен во централната дирекција на грчката полиција и се товари за сторено кривично дело насилство врз пратеник при вршење на функцијата.

Според претседателот на Парламентот, Константинос Тасулас, Кривичниот законик предвидува дека оној кој ќе изврши насилство врз пратеник се казнува со затворска казна до десет години.

Како што претходно објави МИА, за време на денешната пленарна седница во Парламентот постоела вербална расправија меѓу двајцата пратеници, по што во ходникот се претворила во физичка кога Флорос со тупаници го нападнал пратеникот Граменос од Грчко решение.

На нападнатиот веднаш му била пружена прва помош од лекарот во Парламентот.

Медиумите во Грција коментираат дека станува збор за инцидент без преседан во Парламентот.

Малата радикално десничарска партија Спартанци се поврзува со поранешниот пратеник од Златна зора, Илиас Касидиарис, кој издржува затворска казна, а Врховниот суд на Грција попладнево ќе ја соопшти одлуката дали партијата ги исполнува критериумите за учество на европските избори во јуни. /МИА

притисни ентер