Можно ли е вистинско обединување околу националните интереси? - Канал 5

Македонија

Можно ли е вистинско обединување околу националните интереси?

Обединување на власта и опозицијата за националните прашања е неопходно, но тоа треба да биде искрено, а не за дневно политички фолклор, децидни се политичките аналитичари. 

Можно ли е вистинско обединување околу националните интереси?

По повиците од премиерот Мицкоски за обединување и експресното отфрлање од СДСМ и Филипче препознавајќи во нив изговор за изолација на државата и неспроведување на уставните измени, дел од аналитичарите со препорака до партиите посериозно да ја сфатат неопходноста од национално обединување за државните прашања и евроинтегративниот пат. Според Марко Трошановски ветувачка беше лидерската средба меѓу Мицкоски и Филипче по изборот на новата Влада, но се покажа, дека нема политичка волја за дијалогот да продолжи.

-Ние немаме луксуз да се делиме. Тоа на сите ни е јасно и гледаме дека веќе 30 години ненаоѓањето на консензус околу стратешките цели не врти во место. Ситуацијата од тогаш па натаму е се повлошена. Дали тоа беше стратегија на СДСМ во стилот на ВМРО-ДПМНЕ кога беше опозиција да опонира на секоја идеја за обединување и консензус или, пак, е повеќе ригидноста на ВМРО-ДПМНЕ да ги прифати ставовите на СДСМ, во секој случај партиите мора да излезат над дневно партиската култура на поделби преку која што жнеат омраза на некој начин кај граѓаните и да ги делат. Мојата препорака би била да не биде тоа дневен фолклор како што е сега и да не се декларативни изјави туку и едната и другата страна имаат експерти коишто можат да продонесат за реформската агенда, с,ета Трошановски.

Повиците за обединување се добредојдени, но тие различно се отфрлаат зависно кој е власт или опозиција, вели Благојче Атанасовски. Според него политичките елити не успеаја да изградат национален консензус, а за тоа да се случи, вели, потребно е партиите да го сменат својот дискурс и реторика за нормален политички дијалог.

-За жал Македонија покажа преку практиката и преку искуството дека политичките елити не најдоа и не смогнаа сили да направат т.н национален консензус околу националните и државни интереси. Сето ова сме го гледале многу пати во минатото, без разлика дали ВМРО-ДПМНЕ или СДСМ биле на власт, секогаш имало некоја подадена рака, за жал во минатото сме гледале ситуации во кои едната или другата политичка партија од позиција на опозиција тоа не го смета дека е искрена подадена рака и на крај се сведува дека е дневно политички фолклор. Апсолутно без разлика дали доаѓаат од опозиција или од власта се добредојдени. Но ќе бидам умерен оптимист или реален песимист дека и од оваа најава може навистина да се случат суштински промени, изјави Атанасовски.

И покрај дијаметрално спротивставените позиции на ВМРО-ДПМНЕ и СДСМ во моментов и Трошановски и Атанасовски очекуваат поголема свесност од лидерите и партиите за приоритетите на државата и граѓаните.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Пола Македонија отруена а одговорни сè уште нема

Неофицијално, хемикалија за производство на детергенти ги побелела Лепенец и Вардар.

СДСМ: Пола Македонија отруена а одговорни сè уште нема

А од Државниот инспекторат за животна средина велат дека сè уште ги немаат податоците кои треба да ги споредат.

Колку дена поминаа откако Орце леташе со дрон?

Колку дена се потребни за да се докаже што ја отру водата? Дали ова се прави намерно?

Пола Македонија е отруена.

Седум градови и неколку села немаат вода за пиење.

Во Гостивар епидемија на жолтица што Мицкоски сака да ја прикрие.

А одговорен сè уште нема. Ниту еден. Министерствата и Владата молчат.

Мицкоски и Клековски - секој со своја приказна.

Едниот вели дека од петок може да се пие. Другиот вели дека има нова бактерија.

Мицкоски стана бактериолог, а Клековски не е ништо, освен задолжен за напади на професори и доктори.

Тошковски се занимава со хиперхлорирање, бидејќи корупција и криминал не може да гони - би морал да се уапси себеси, Мицкоски и целата организирана криминална група ВМРО. Затоа стана полицаец-водоводџија.

Сè ова би било смешно да не е во прашање здравјето на граѓаните и да не се меша вода за пиење со фекалии.

Затоа е многу сериозно.

На Мицкоски и ВМРО им е важен само рејтингот.

Здравјето на граѓаните - не.

Уште малку, кога ќе тргнат Орбановите медиуми со засилување од Србија - со „Ало“ и „Информер“, плус Еуроњуз со лиценца од Вучиќ што ја водат Латас и Ивона - граѓаните повеќе нема ни да чујат дека водата е отруена.

Македонија е изолирана. Во медиумски мрак. Без вода за пиење. А во позадина минуваат криминалните тендери.

Така изгледа програмата на ВМРО-ОКГ и на Христијан Мицкоски.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Рашфорд се прости од Барса

Англискиот фудбалер Маркус Рашфорд се прости од Барселона,  и по подолг период се враќа на Олд Трафорд, ќе му се приклучи на тимот на Манчестер Јунајтед во подготовките за новата сезона.

Рашфорд се прости од Барса

28 годишниот Рашфорд е член на Манчестер Јунајтед, а минатата сезона ја помина на позајмица во Барселона.

Тој одигра 49 натпревари за каталонскиот клуб, при што постигна 14 гола и запиша 14 асистенции. Барселона одлучи да не ја активира клаузулата за откуп на англискиот фудбалер.

„Исклучително сум им благодарен на сите во клубот што го направија мојот престој овде толку позитивно и незаборавно искуство. Уживав во секој момент и ќе ги носам тие посебни спомени со себе. На клубот и на сите негови навивачи им посакувам многу среќа и успех во претстојната сезона“, објави Рашфорд на социјалните мрежи.

Англичанецот сега ќе се обиде да избори место во тимот на Мајкл Керик, кој минатата сезона го освои третото место во Премиер лигата.

Тагови: БАРСЕЛОНА Манчестер Јунајтед Рашфорд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Свечената промоција на новите полициски службеници од генерацијата, 2025/2026 година

Министерот за внатрешни работи Панче Тошковски утринава се обрати на свечената промоција на новите полициски службеници од генерацијата, 2025/2026 година.

Свечената промоција на новите полициски службеници од генерацијата, 2025/2026 година

Новата генерација полициски службеници треба ќе го зајакне безбедносниот систем и да ги унапреди полициските капацитети.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер