Може ли да смета ВМРО-ДПМНЕ на поддршка од коалицискиот партнер ВРЕДИ во вториот круг? - Канал 5

Македонија

Може ли да смета ВМРО-ДПМНЕ на поддршка од коалицискиот партнер ВРЕДИ во вториот круг?

Може ли да смета ВМРО-ДПМНЕ на поддршка од коалицискиот партнер ВРЕДИ за нивните кандидати за градоначалници во вториот круг? 

Може ли да смета ВМРО-ДПМНЕ на поддршка од коалицискиот партнер ВРЕДИ во вториот круг?

Ова прашање се отвори во јавноста откако Биљал Касами во ТВ дебата на албанската телевизија Сири отворено и без ракавици изјави дека тие во Кичево ќе го поддржаат кандидатот на ДУИ Фатмир Дехари наместо кандидатот на ВМРО-ДПМНЕ, Александар Јованоски. Покрај за Кичево, Касами кажа дека и во другите места кадешто Албанци и Македонци влегоа во вториот круг, тие ќе ги поддржат кандидатите Албанци, а истото го очекува и до ДУИ.

-Дали ќе го поддржите кандидатот на ДУИ во Кичево? Да, сигурно. Во Кичево и на други места кадешто нашиот кандидат не помина. –Таму кадешто има кандидати Албанци вие ќе ги поддржите? Да, верувам дека и ДУИ ќе го направи истото во Брвеница, општина близу Тетово, каде што кандидатите на ВРЕДИ се во вториот круг со оние на ВМРО-ДПМНЕ. Во Долнени која е општина во Пелагонискиот регион во близина на Прилеп, каде што има кандидат на ВРЕДИ и на ВМРО-ДПМНЕ. Се надеваме дека ДУИ ќе ги поддржи нашите кандидати, изјави Касами.

Од ВМРО-ДПМНЕ со чија поддршка Касами победи во првиот круг на градоначалничката трка во Тетово, но и отворено ги поддржаа кандидатите на ВРЕДИ во Чаир, Сарај и Струга, за Канал 5 велат дека очекуваат зрело политичко однесување и обединување околу вредности, а не етнички прашања кои предизвикуваат поделби слично на како што велат, однесувањето на ДУИ.

-Ние сме за обединување околу вредности, наместо околу етнички прашања и теми кои предизвикуваат поделби. Тое го очекуваме од сите зрели политички фактори, затоа што секое спротивно однесување е слично на тоа на ДУИ кои се жестоко поразени, велат од ВМРО-ДПМНЕ за Канал 5.

Ова не е прв пат Касами да излезе со ваква реторика. Жестока реакција предизвика неговиот повик во изборната кампања до Албанците да се обединат за повторно да имаат градоначалник во општина Брвеница и како што рече, да си ја вратат општината назад, по што Мицкоски му одговори дека на ваков начин влегува во фоклорот на ДУИ.

Мицкоски во последното интервју кажа дека тие немаат формален договор, ниту со ВРЕДИ ниту со ЗНАМ, но очекува меѓусебно да се поддржат таму каде што е потребно.

-Ние немаме формален договор со никого. /// Ниту со ЗНАМ, ниту со нив, тогаш би биле во тие општини како коалиција. Ние сме рекле таму кадешто има потреба ќе се поддржуваме, дали ќе не поддржат претпоставувам да, дали ќе ги поддржиме, претпоставувам да., изјави тогаш Мицкоски.

Дел од политичките аналитичари пак со оценка дека членството и приврзаниците на ВРЕДИ нема јавно да дадат поддршка за кандидатите на ВМРО-ДПМНЕ во вториот круг од локалните, но зад параванот очекуваат да го дадат својот глас за нив.

-Јавно мислам дека нема да се произнесат. А не јавно ама мислам дека ќе се помага кандидатот на ВМРО-ДПМНЕ поради тоа што гласачите на СДСМ ќе одат кај кандидатот на ВМРО-ДПМНЕ, тие се некаде 5-6 посто ако не се лажам. И мислам дека луѓето имаат интереси, животот е интерес. И мислам дека многу блиску е кандидатот на ВМРО-ДПМНЕ да го добие Кичево, изјави Вејсели.

Сепак, дека етничката припадност е се уште главен фактор и определба при гласањето покажува исходот од првиот круг во општина Чашка, која за првпат доби градоначалник Албанец од ДУИ. Таму имаше уште двајца кандидати за градоначалници од СДСМ и ВМРО-ДПМНЕ, додека Вреди не номинираше нивен кандидат, со што македонските гласови се поделија, а албанските отидоа на контото на кандидатот од ДУИ, Суат Шаќиров.

Тагови: ВМРО - ДПМНЕ ВРЕДИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер