Деталите рано утринава ги соопштија челниците на Унијата информираа дека иако не бил постигнат консензус за планот „А’, односно за замразнатите руски средства, сепак украинските финансиски потреби за одбраната ќе бидат задоволени во наредните две години.

Според договореното, Украина долгот ќе го врати откако Русија ќе ги исплати репарациите за агресијата врз земјата. Најголемо противење за заемот имало од Унгарија, Словачка и Чешка кои според конечниот текст на договорот, ќе бидат ослободени од финансиските обврски и гаранциите на Унијата за кредитот.

-Ова ќе ги задоволи итните финансиски потребите на Украина. Украина ќе го отплати овој долг само откако Русија ќе ги плати репарациите. Единствениот начин да се доведе Русија на преговарачка маса e да се зајакне Украина,- - Антонио Кошта – Претседател на ЕС.

-Дотогаш, замрзнатите руски средства ќе останат замрзнати, а Унијата го задржува правото да користи готовински средства за финансирање на заемот,- - Урсула Фон дер Лајен – Претседателка на ЕК.

Украинскиот претседател Зеленски експресно го поздрави исходот и порача дека важно е на овој начин да се покаже дека светот ја поддржува борбата против руската агресија врз Украина.

-Тука е важен принципот, дека светот поддржува да се дадат пари како и различни замрзнати средства на Руската федерација за нивната агресија врз Украина и да и се дадат на Украина на еден или на друг начин,- - Володимир Зеленски – Претседател на Украина.

Руските власти во првите јавни реакции по одлуката во Брисел изразија задоволство што нивните средства нема да бидат засегнати. Заемот на Унијата беше и меѓу главните теми на годишната прес-конференција на рускиот претседател Путин кој одговарајќи на новинарско прашање обидите да се искористат замрзнатите средства на неговата земја ги нарече грабеж.

-Кражба“ не е вистинскиот термин. Кражбата е тајно одземање на сопствеништво. Но, овде се обидуваат да го сторат тоа отворено. Тоа е грабеж,- - Владимир Путин – Претседател на Русија.

Русија според информациите има околу 210 милијарди средства кои се замрзнати во Европската Унија. Од нив, дури 88 проценти се наоѓаат во клириншката банка во Брисел, а белгиските власти се противат на нивно користење за војната во Украина, предупредувајќи дека на тој начин би се создал опасен преседан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.