Хантли беше пронајден во локва крв откако беше нападнат од друг затвореник и беше однесен во болница. Тој отслужува доживотна казна затвор во затворот Франкленд во округот Дарам, објави Скај њуз.

Портпаролот на полицијата во Дарам го потврди инцидентот. „Полицијата беше повикана за напад во затворот Франкленд утрово. Еден затвореник претрпе сериозни повреди за време на инцидентот и е однесен во болница. Полициските истраги се во тек за околностите на инцидентот, а детективите се во контакт со затворскиот персонал“, рече тој.

„Добивме повик во 9:23 часот наутро во четврток, 26 февруари, за инцидент во затворот Франкленд. Две екипи на брза помош беа испратени на местото на настанот и беше повикана службата за брза помош „Грејт Норт Ер“. Еден пациент беше однесен во болница по пат“, се вели во соопштението на службата за брза помош на Североисток.

Затворската служба, исто така, издаде кратко соопштение: „Затвореник добива медицинска помош по инцидентот во затворот Франкленд во четврток наутро. Би било несоодветно да се коментира понатаму додека полицијата истражува.“

Ова не е прв пат монструмот да биде нападнат во затворот Франкленд. Во 2011 година, затвореникот Демиен Фокс беше осуден на доживотен затвор за пресекување на грлото на Хантли со импровизиран нож во март 2010 година. Фокс беше осуден на минимум 20 години затвор за обид за убиство на Хантли и убиство на друг затвореник, Колин Хеч.

Фокс го остави Хантли со рана од 18 см (7 инчи) на вратот, а на судот му беше кажано дека е „чиста среќа“ што сечилото ги промашило виталните органи.

Иан Хантли ја шокираше британската јавност во 2002 година со убиствата на 10-годишни девојчиња во Сохам, Кембриџшир. Тој ги убил девојчињата во август истата година откако тие излегле од семејна скара за да купат слатки, а потоа ги фрлиле нивните тела во канал. Хантли бил домар во нивното училиште и откако девојчињата исчезнале, тој учествувал во потрагата, давајќи изјави за новинарите пред камера. 13-дневната потрага е опишана како една од најобемните во британската криминална историја.

Тој бил осуден за убиствата на двете девојчиња на 17 декември 2003 година и добил две доживотни казни затвор, со минимална казна од 40 години. Неговата тогашна девојка, Максин Кар, која била асистент на убиените девојчиња, свесно му дала лажно алиби. Таа била осудена на три и пол години затвор за попречување на правдата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.