Македонија

Мондолони: Франција е за старт на преговорите, но откако ќе бидат исполнети условите

„Преспанскиот договор е значителен чекор напред“.

Франција не е против започнување преговори за членство во ЕУ со Македонија и Албанија, но потребно е да се исполнат два услови, кои се многу важни прашања – за Македонија тоа е прашањето за Специјалното јавно обвинителство, а за Албанија правосудните реформи, изјави директорот за континентална Европа во француското Министерство за надворешни работи, Фредерик Мондолони за „Еуропеан Вестерн Балкан".

– Не станува збор само за француската позиција. Европскиот совет е поделен по ова прашање. Некои земји се залагаат за започнување на преговори со двете земји, а други сакаат отворање на преговори само со едната од нив. Некои земји вклучуваат и билатерални прашања во процесот, вели Мондолони одговарајќи на прашањето во врска со француското противење на започнувањето преговори со Македонија и Албанија.

Тој нагласува дека Франција, исто така, бара реформи и на процесот на преговори, особено во делот со владеењето на правото, што, како што вели, е сериозен проблем, не само со кандидатите за членство, туку и со некои земји членки на ЕУ.

– Потребни ни се реформи на таа политика и тоа е амбициозна програма, но исто и определба на францускиот претседател. Актуелниот француски претседател е посветен на европските перспективи, но тој бара тие да бидат кредибилни и сака Западниот Балкан да биде дел од еден функционален клуб, вели Мондолони.

Запрашан каква порака се испраќа до другите балкански земји со тоа што не е донесена одлука за старт на преговорите на Македонија, која направи значителен чекор напред со решавањето на спорот околу името со Грција, Мондолони вели дека земјата „треба да биде сериозна со реформите".

– Преспанскиот договор е значителен чекор напред. Ние тоа јасно го нагласивме, но тоа не беше единствениот услов што беше поставен во јуни 2018 година за отворање на пристапниот процес. Разговаравме за тоа прашање минатата година и повторно ќе го сториме тоа оваа година, вели Мондолони.

Тој нагласува дека „ова не е крај на приказната и не е крај на процесот" на проширување.

– Западниот Балкан има европска перспектива и ние работиме во таа насока. Мораме да бидеме кредибилни и одговорни, наведува Мондолони. /МИА

Шоу биз

Јелена Карлеуша најави што ќе објавува на „OnlyFans“: Тоа не е дозволено на „Instagram“

На „Instagram“  ја следат речиси два ипол милиони следбеници, но и покрај тоа, оваа социјална мрежа има многу ограничувања, кои се „проблем“ за Јелена Карлеуша.

Иако многумина се надеваа дека содржината на пејачката на „OnlyFans“ ќе биде многу поексплицитна, таа проговори на оваа тема и објасни за што всушност се работи.

„Instagram ги заостри правилата и ја санкционира секоја поексплицитна содржина, па дури и фотографии во бикини. Затоа сум на „OnlyFans“. Реакциите се како да најавив снимање на порно, секакви работи“, изјави Јелена Карлеуша за Информер. .

Извор: Аваз

Автомобилизам

Членките на ЕУ одобрија построги ограничувања за CO2 за камиони и автобуси

Земјите-членки на Европската унија денеска одобрија нов закон со кој ќе се заострат ограничувањата за емисиите на јаглерод диоксид (CO2) од тешките патни возила, како камиони и автобуси.

Како што пренесе ДПА, законот ќе ги прошири правилата согласно кои моментално се регулираат камионите со тешки товари за да ги опфатат урбаните автобуси, автобусите и приколките.

Просечните емисии на CO2 за големите патни возила треба да се намалат за 45 проценти до 2030 година, 65 отсто до 2035 година и 90 проценти до 2040 година, во споредба со нивоата од 2019 година. Урбаните автобуси не би требало воопшто да испуштаат CO2 до 2040 година и да ја исполнат целта за намалување од 90 отсто до 2030 година.

Ограничувањата беа привремено договорени во јануари од Белгија, дејствувајќи во име на земјите-членки на ЕУ и преговарачите за Европскиот парламент. Највисоките дипломати потоа му дадоа зелено светло на тој договор во февруари, отворајќи го патот за позитивно гласање во Европскиот парламент во април.

Денешната одлука на министрите од земјите-членки е последниот чекор. Се очекува Европската комисија да го разгледа влијанието на законот во 2027 година.

Во соопштението за печатот на ЕУ се вели дека тешките возила се одговорни за 25 отсто од емисиите на стакленички гасови од патниот транспорт во ЕУ. Првите ограничувања за такви возила беа поставени во 2019 година. /МИА

Свет

Британскиот крал Чарлс му предаде воена улога на принцот Вилијам

Британскиот крал Чарлс официјално му ја предаде улогата на врховен полковник на армискиот воздушен корпус на принцот Вилијам за време на посетата на аеродромот во Хемпшир.

Чарлс, кој е инаугуриран носител на оваа титула веќе 32 години, попладнево се сретна со својот најстар син во редок заеднички официјален ангажман во базата Мидл Валоп за да му ја пренесе улогата.

Воздухопловниот корпус на Армијата е старата единица на војводата од Сасекс, во која служеше како командант на хеликоптер Апачи и копилот-стрелец за време на неговата втора воена служба во Авганистан во 2012 година.

Одлуката на кралот да му ја предаде улогата на Вилијам се сметаше за удар за Хари кога беше објавена минатата година.

Кралот рече дека е „голема радост“ да се сретне со војниците, нивните семејства и ветерани при претходна посета на Музејот на военото воздухопловство, но додаде дека предавањето било „преплавено со голема тага“.

- Се надевам дека во иднина ќе бидете се поуспешни со принцот од Велс како ваш нов врховен полковник, рече крајот Чарлс.

- Одлична работа е што тој навистина е многу добар пилот – па тоа е охрабрувачки, додаде британскиот крал. /МИА

притисни ентер