Тој беше осуден на доживотен затвор, што значи дека ќе биде ослободен само кога ќе се процени дека повеќе не претставува опасност за јавноста. Судијата му рече дека можеби никогаш нема да биде ослободен, објави Скај Њуз.

На 25 мај минатата година, Страхан следел тинејџерка која стоела на автобуска станица со фантомка на главата. Ѝ се заканил со нож и ја однел во подрум во Јорк Плејс, каде што ја силувал. Пред нападот, тој го изгребал ѕидот со сечилото на ножот. После тоа, ѝ се заканил да не кажува никому што се случило и ја натерал да му ја покаже автобуската карта за да може да го дознае нејзиното име и повторно да ја пронајде.

Тинејџерката ѝ раскажала сè на мајка си, а полицијата го уапсила Страхан неколку дена подоцна додека се криел во грмушки во градскиот кварт Далри. На судското рочиште во декември, Страхан се изјаснил за виновен за киднапирање и силување, но и за два други сериозни напади врз двајца мажи. Само неколку часа пред да ја силува тинејџерката, тој избодел еден маж повеќе пати во раката.

Страхан избегал од притвор во јануари

На 28 мај, тој нападнал друг маж удирајќи го во главата со столарски чекан. Жртвата останала да лежи полусвесна и да има напади, а подоцна било утврдено дека има скршеница на черепот и крварење во мозокот. Судијата ги опиша последиците од тој напад како катастрофални.

Страхан избегал од притвор по сослушувањето во Високиот суд во Единбург во јануари оваа година. Додека го воделе кон полициското комбе, ги симнал лисиците и се стрчал кон центарот на градот, но бил фатен неколку часа подоцна.

Судијата Мајкл О'Грејди претходно го споредил однесувањето на Страхан со однесувањето на „диво животно кое го демне својот плен“. За време на изрекувањето на пресудата, тој ја повторил својата проценка за предаторската природа на злосторството. „Зборот „предаторски“ можеби е премногу користен во овие судници, но тој е неизбежен придавка за да се опише ова навистина ѕверско злосторство.

„Ова е кошмар на секоја жена“

Излеговте од вашето скривалиште и тргнавте во потрага по ранлива жртва. Кога ја најдовте, ја следевте, ѝ се заканивте со нож, ја однесовте во темен подрум и ја силувавте“, рече судијата. Тој нагласи дека нема сомнение дека девојчето, додека Страхан ја водеше по улицата, „знаеше што ќе ѝ се случи“.

„Ова е кошмарот на секоја жена, на секое девојче, на секој родител што чека нивното дете да се врати безбедно. Ова дете не се врати безбедно“, заклучи О'Грејди. Страхан, кој беше врзан со лисици за време на изрекувањето на пресудата, не покажа никаква реакција. Покрај доживотната казна, тој беше трајно регистриран и во регистарот на сексуални престапници.

„За ова нема место во нашето општество“

Феј Кук, обвинителка за сексуални престапи во Високиот суд, рече дека постапките на Страхан биле пресметани и предаторски и предизвикале длабока штета. „Ваквите напади од непознати лица се ретки, а оваа пресуда ја одразува сериозноста на неговите злосторства и посветеноста на обвинителите и полицијата да го изведат пред лицето на правдата.

Сексуалното насилство и употребата на оружје за заплашување и повредување немаат место во нашето општество. Ќе продолжиме да преземаме мерки против сторителите, а воедно ќе ги поддржуваме жртвите во текот на целиот кривичен процес“, рече Кук.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.