Глогот е растение кое луѓето го користат стотици години, пред се поради неговите благотворни својства за срцето и варењето. Чајот од глог и неговите плодови се дел од традиционалната медицина, а зазема и посебно место во кинеската народна медицина уште од 7-миотвек.

Денес, благодарение на современите истражувања, се потврдува она што нашите предци интуитивно го знаеле – глогот е моќен сојузник на здравјето. Тој е богат со антиоксиданси, помага во снижување на високиот крвен притисок и холестеролот, при воспаленија, го подобрува варењето и го штити организмот од бројни хронични болести.

Најчесто, црвените плодови на глогот се користат за чај. Освен што благотворно делува на срцето и крвните садови, оваа билка делува смирувачки на организмот, па често се користи за ублажување на симптомите на стрес и несоница. Редовното пиење на чајот од глог може да биде едноставен чекор во природната заштита на здравјето.

Може да помогне во снижување на крвниот притисок

Во традиционалната кинеска медицина, глогот е често се препорачувал како природно средство за регулирање на крвниот притисок.

Анализа од истражување од 2020 г. покажала дека користењето глог во форма на таблети или течни капки може да го намали притисокот кај лица со почетен стадиум на хипертензија. Исто така, не се забележани сериозни несакани ефекти.

Сепак, потребни се повеќе студии за да се потврдат овие резултати.

Може да помогне во снижување на холестеролот

Некои истражувања укажуваат дека екстрактот од глогот може поволно да влијае на нивото на холестерол во крвта, благодарение на содржината на флавоноиди и пектин, видови билни влакна кои играат важна улога во метаболизмот на холестеролот.

Нарушени нивоа на холестерол во крвта, особено покачени триглицериди и низок HDL („добар“ холестерол), допринесува во развојот на атеросклероза – таложење наслаги на крвните садови. Доколку тие наслаги продолжат да се таложат, може да дојде до целосно зачепување на крвните садови, што го зголемува ризикот од срцев или мозочен удар.

Истражувањата покажуваат дека екстракт од глог може да помогне во намалување на вкупниот и на „лошиот“ холестерол (LDL). Сепак, потребни се дополнителни истражувања на луѓе за целосно да се потврдат овие придобивки.

Помага при проблеми со варењето

Плодовите од глог и нивниот екстракт со векови се користат за ублажување на дигестивните тегоби, особено подуеноста, лошото варење и болки во стомакот.

Плодовите содржат растителни влакна кои може да го помогнат варењето, проблемите со опстипација, а исто така делуваат како пребиотик. Пребиотиците се посебен вид несварливи влакна и други супстанци кои обезбедуваат соодветна средина во цревата за раст на корисните бактерии во цревната флора. Всушност, тие играат клучна улога во одржувањето на здравото варење, пишува Healthline.

Чај од глог

За овој напиток потребни ви се една до две лажички суви плодови од глог кои ќе ги прелиете со 250мл зовриена вода. Поклопете и оставете да отстои 10-15 мин. Поцедете го чајот и засладете по желба со мед.

Сепак, пред да го примените чајот од глог, посоветувајте се со вашиот лекар, особено ако пиете лекови за притисок и срце, поради можни негативни интеракции со медикаментите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.