Мохамед Салах објасни зошто не се откажува од високите барања за плата во Ливерпул

Магазинот GQ објави огромно интервју со ѕвездата на Ливерпул Мохамед Салах.

Во разговорот кој се случил во ноември најмногу се зборувало за неговиот живот и кариера, но египетскиот напаѓач се осврнал и на неговата иднина во Ливерпул.

Неговиот договор истекува во летото 2023 година. Салах веќе подолго време кажува дека сака да остане, но управата се уште не се согласила со неговите барања за плата. Според некои информации, Салах бара двојно поголема плата од онаа досега, а неговите претставници не го демантираат тоа, но потенцираат дека не е точно дека според сегашниот договор тој добива 10,4 милиони фунти годишно (околу 12,5 милиони евра).

"Сакам да останам, но тоа не е во мои раце. Тие знаат што сакам. Не барам ништо лудо", изјавил Салах за GQ.

„Работата е во тоа што ако барате нешто, а тие ви покажат дека можат да ви го дадат, тогаш треба затоа што ќе покажат дека го ценат тоа што го направивте за клубот. Јас сум тука пет години. многу добро го познавам клубот, ги сакам навивачите и тие ме сакаат мене. Но, управата знае каква е ситуацијата и се` е во нејзини раце“, објасни Салах дека парите не му се толку важни како почитта.

Но, тоа не го менува фактот дека удвојувањето на бројката што ја шират англиските медиуми ќе го направи еден од најплатените фудбалери на светот. Тоа во никој случај не би било незаслужено, но сопствениците на Ливерпул, Фенвеј Спортс Груп, се познати како тешки за одобрување високи плати на ѕвездите од сите клубови што ги контролираат, како што се бејзбол тимот Бостон Ред Сокс или хокеј играчите на Питсбург Пингвинс.

АА: Транспаренси интернешнал потврди дека Македонија е меѓу најкорумпираните земји

Транспаренси интернешнал денеска и официјално го потврди тоа што Алијанса за Албанците постојано го предупредуваше. 

Сегашниот режим е еден од најкорумпираните во светот и во овогодинешното рангирање е рангиран во групата земји како Танзанија, Суринам, Мароко, Гвајана, Етиопија, Колумбија, итн. За да биде иронијата поголема, земјите кои до вчера важеа за најкорумпирани, денес се во многу подобра позиција од нашата земја, додека далеку од Северна Македонија се диктаторските земји како Куба.

Оваа состојба има само еден виновник, хибридниот режим кој ги заробил правдата и обвинителството и инсталираше корупција во секоја сфера и институција. Да потсетиме дека во ова рангирање придонесоа пасошите за светските криминалци, ослободувањето на локалните криминалци и затворањето на невините граѓани кои немаат пари да ја купат слободата иако им припаѓа.

АЛИЈАНСА ЗА АЛБАНЦИТЕ

Во Крушево одбележан роденденот на Тоше, ќе полнеше 41 година

Родното Крушево на балканската музичка ѕвезда Троше Проески на неговиот 41 роденден  сака овој ден да не биде само ден на хуманоста во градот.

Туку 25 јануари да биде ден на хуманоста во Македонија. Така како што денеска десетици негови сограѓани и подржувачи од Балканот се хумани и доследни кон неговиот животен пат. Зашто Тоше пред се беше човек кој ширеше љубов топлина и разбирање.

Со богата музичко сценска изведба во спомен куќата на Гумење и во неговииот вечен дом. Секој посетител имаше прилика да ја почуствува тагата и болката. Но и внатрешната потреба да напише некој убав збор.

Над милион посетители со својот пишан збор дале придонес тој вечно да биде меѓу нас.

Со својот ангелски глас го освои Балканот. Игри без граници и многу негови хитови уште долго ќе се пејат а во спомен куќата за него свои изведби имаа камерниот оркестар од Битола. Солисти од Македонската опера и балет. Како и групата Мелем и Никола Зацески а беше изведен и музичкиот перформанс на Горан Папаз.

Целосно е исчистена дивата депонија на кејот на реката Вардар во општина Гази Баба

Екипите на Град Скопје денеска завршија со чистење и целосно е исчистена дивата депонија кај кејот на реката Вардар во општина Гази Баба, која зафаќаше површина од над 13.000 квадратни метри. 

Собрани се над 4.000 кубни метри комунален отпад и градежен шут што секојдневно ја загадуваше животната средина и го загрозуваше здравјето на жителите од оваа општина.

Градот Скопје интензивно работи на чистење на депонии во населбата Лисиче, Ново Село во општина Ѓорче Петров, како и целосно чистење на дива депонија во населено место Брњарци, општина Гази Баба.

Чистење на сите диви депонии во Скопје е приоритет, со цел превенција на загадување на воздухот, почвата и водите и заштита на здравјето на граѓаните. Ги охрабруваме граѓаните да се вклучат во оваа акција на Градот, со тоа што ќе пријавуваат диви депонии, но пред се, да бидеме совесни граѓани кои се однесуваат еколошки одговорно и се грижат за својот град и за животната средина.

Град Скопје

притисни ентер