Кошарка

МКФ се обрати до јавноста за состојбата во македонската кошарка

Македонската кошаркарска федерација денеска преку соопштение ја информира јавноста за моменталната состојба во Мак-баскетот, по одлуката за новиот ценовник за издавање на лиценци за сите учесници (кошаркари,кошаркарки,тренери, судии, делегати....).

Во продолжение го пренесуваме во целост соопштението на МКФ:

- Со иницијативата на раководството на МКФ за намалување на бројот на странците, која што започна уште минатата година, а кулминираше годинава во јуни месец со дописно Собрание на МКФ, каде што се искористи и последната можност, правно да се овозможи промена на ова правило (за настап на шест странци во Првата лига), за кои предлог исклучително може да одлучува само Собранието, а нашето барање на ова дописно Собрание, гласеше „ако остане правилото на шест странци, во секој момент на теренот да има најмалку двајца домашни кошаркари“.Идејата за ова правило ни беше се со цел да им се овозможи поголем простор за настап на домашните кошаркари, со цел за континуиран напредок на истите, а воедно и за што подобар успех на репрезентативните селекции.

За жал на дописното Собрание и оваа наша последна заложба не беше прифатена од мнозинството членки. Поради тоа преку последните мерки на У.О на МКФ , користејќи го своето законско право за делување, донесовме одлука за зголемување на таксите за издавање на лиценци, пред се значително зголемување на таксите за регистрација на странските кошаркари, за првиот, вториот, третиот и четвртиот странски кошаркар се плаќа лиценца од 850 евра во денарска противвредност, петтиот чини 1500 евра , а лиценцата за шестиот изнесува 3000 евра во денарска противвредност, од оваа сума 250 евра МКФ плаќа на сметката на ФИБА за секој странец поединечно. Реалното зголемување на таксите за лиценци на секој клуб, во случај истиот да регистрира максимален број, шест странски кошаркари би изнесувал на годишно ниво 6400 евра , во денарска противвредност.

Ова правило не е воведено за прв пат во Македонската кошарка, слични мерки се применувале и во 1998 и 1999 година.

Исто така на Управниот одбор на МКФ се донесе и одлука за зголемување на таксата за издавање на линеци и во младинските категории. За У-14, 50 денари на месечно ниво, за У-16 и У-18, 75 денари, а за У-20 , 100 денари на месечно ниво. Со напомена дека клубовите имаат обврска да платат за издавање на лиценца само за оние кошаркари кои плаќаат месечна членарина. Додека пак клубот се ослободува целосно од плаќање на лиценца за оние кошаркари кои не плаќаат членарина и други трошоци во клубот за негово усовршување и развој, како и за сите младински репрезентативци кои настапиле во тековната сезона на Европските првенства во организација на ФИБА во дресот на Македонија.

И покрај ваквата одлука на УО на МКФ за зголемување на таксата за регистрација на кошаркари ,раководството на федерацијата изрази подготвеност за некакво прифатливо решенија со сите претставници на Здруженијата и нивните членови, меѓутоа ставот на истите Здруженија е се уште цврст и непроменет, не нудат никаков предлог за решавање на ова прашање , туку бараат издавањето на лиценци да биде бесплатно.

Управниот одбор на МКФ инаку одлуката за зголемување на таксата за регистрација на странски кошаркари, не ја донесе поради зголемување на платите на вработените во Македонската кошаркарска федерација, туку исклучително наменски, за развој на младинската кошарка и создавање на млади кошаркари, кошаркарки и тренери кои во иднина би биле столб на националната селекција.

За таа цел уште од јануари годинава започнавме неколку проекти и активности за развој и усовршување на младите кошаркари, кошаркарки и тренери.

Прокетот „Заедно до 16 години“, веќе ги даде и првите резултати. Македонската селекција до 15 години го освои треттото место на силниот Меѓународен Турнир во Италија, во конкуренција на врсниците од Италија, Германија, Русија, Хрватска, ...

Како и селекцијата за кошаркари до 14 години, која на Турнирот во Словенија под капата на ФИБА забележа значително подобри резултати од претходните учества. Проектите за развој и усовршување на млади кошаркари ги продолжуваме и во новата сезона и целосно остануваме концентрирани и посветени во работата и надградбата на најмладите генерации, се вели во соопштението од МКФ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Меган Маркл објави сника од кујната, сите ја исмеваат

Промотивната фотографија од Меган Маркл, направена по повод новата колекција на нејзиниот бренд за животен стил, предизвика дебата на социјалните мрежи.

Корисниците забележаа детал на фотографијата што им се чинеше неубедлив, а набрзо стана главна тема на коментари.

Фотографијата беше објавена на Инстаграм профилот на брендот As Ever со најавата за празничната колекција „Празничната колекција: Поглавје еден“, која ќе биде достапна на 6 октомври. Иако коментарите под објавата беа исклучени, фотографијата се прошири низ платформата X, каде што бројни корисници го забележаа истиот детал.

Што не е во ред со шпоретот?

На фотографијата, Меган позира во кујната до шпоретот, а токму оваа сцена предизвика најмногу реакции.

„Ако веќе се преправате дека готвите на гас, направете барем две паметни работи. Прво, проверете дали шпоретот е воопшто вклучен, копчињата дури и не се свртени. Второ, обидете се барем да изгледа како да гори пламен под тенџерето“, напиша еден корисник.

Други, исто така, забележаа дека нема видлив пламен под тенџерето. „Сето тоа е само претстава“, заклучи еден корисник, додека друг праша: „Дали Меган Маркл знае дека шпоретот мора да се вклучи пред готвење?“

Некои се потсмеваа на целата ситуација, а еден корисник ја опиша сцената како подготовка на „чорба од имагинацијата“. На фотографијата, не можете навистина да го видите пламенот под тенџерето, додека копчињата за контрола на температурата се чини дека се во исклучена положба.

Некои корисници застанаа во нејзина одбрана

Не беа сите убедени дека станува збор за пропуст. Некои корисници веруваат дека фотографијата е едноставно изрежана за потребите на кампањата и дека Меган не требало навистина да готви.

„Жената само се преправаше дека готви за фотосесија“, напиша еден корисник. Друг понуди многу едноставно објаснување за тоа што шпоретот е исклучен: „Глупаво. Шпоретот може да се исклучи затоа што храната е готова и треба само повремено да се меша пред сервирање.“

Имаше и такви кои не се занимаваа со спорниот детаљ, туку го пофалија изгледот на кујната. Некои, исто така, потсетија дека адвент календарот што Меган неодамна го лансираше е веќе распродаден.

Што носи новата колекција?

Новата празнична колекција се промовира под слоганот „Веселба во изработка“. Понудата ќе вклучува кошничка за домаќините и сет карти за играње, како и три вида чоколадо со вкусови на ѓумбир и лимон, лаванда и мед, и хибискус и роза.

Колекцијата следи луксузен адвент календар кој чини околу 112 фунти.

„Празниците нè потсетуваат колку радост може да се најде во моментите што го сочинуваат животот. Тие нè покануваат да се зближиме, да создаваме со свои раце, внимателно да ја поставуваме масата и да бидеме дарежливи кон оние што ги сакаме“, се вели во описот на новата колекција.

Тагови: Меган Маркл

Свет

Трамп ја одобри егзекуцијата на напаѓачот од Форт худ кој усмрти 13 лица

Американскиот претседател, Доналд Трамп, ја одобри смртната казна за Нидал Малик Хасан, осуден за масовното убиство во воената база „Форт худ“ во Тексас во 2009 година кога загинаа 13 лица.

Американскиот претседател, Доналд Трамп, ја одобри смртната казна за Нидал Малик Хасан, осуден за масовното убиство во воената база „Форт худ“ во Тексас во 2009 година кога загинаа 13 лица, соопшти портпаролот на Пентагон, Шон Парнел, на социјалната мрежа „Икс“..

Американскиот министер за одбрана Пит Хегсет „препорача, а претседателот Доналд Трамп одобри осудениот терорист, Хасан, да биде погубен од стрелачки одред на американската армија, соопшти Парнел.

Датумот и местото на егзекуцијата ќе бидат одредени подоцна, додава тој.. Хасан, кој е роден во САД и има палестинско потекло во 2009-та година пукаше кон војници во медицински центар во базата „Форт худ“, со намера да ги спречи да учествуваат во, како што ги сметал, „незаконските“ војни во Авганистан и Ирак.. Сметан за „осамен волк“ на Ал Каеда, тој притоа уби 13 лица, меѓу кои 12 војници, и рани десетици други.

Економија

Официјално: Заврши спојувањето на холивудските гиганти- создадена е империја вредна 110 милијарди долари

„Парамаунт Скајденс“ денеска ја заврши мега-аквизицијата со „Ворнер Брос Дискавери“ за 110 милијарди долари, создавајќи го холивудскиот гигант наречен „Скајденс“.

„Парамаунт Скајденс“ денеска ја заврши мега-аквизицијата со „Ворнер Брос Дискавери“ за 110 милијарди долари, создавајќи го холивудскиот гигант наречен „Скајденс“, додека на извршниот директор Дејвид Елисон му ја предаде контролата врз една од најголемите компании за забава во светот.

Договорот ги спојува студијата зад франшизите „Невозможна мисија“, „Хари Потер“ и „Ди Си Студиос“, заедно со водечките телевизиски и стриминг мрежи како што се „ЦБС“, „Си-Ен-Ен“, „Парамаунт+“ и „ХБО Макс“ - создавајќи огромна империја за забава што опфаќа филм, телевизија и вести.

Акциите на комбинираната компанија беа префрлени од „Насдак“ на њујоршката берза (NYSE) во вторник, каде што ќе се тргуваат под симболот „SKYD“.

Неодамнешните спогодби со коалиција на американски држави и Здружението на писатели на Холивуд ги отстранија големите правни пречки за спојувањето, едно од најголемите во историјата на медиумите. Спојувањето доаѓа во време кога Холивуд се бори со намалувањето на претплатите за кабелска телевизија, високите трошоци за натпреварување за публика на стриминг платформите и постојаниот синдикален притисок врз работните места и правата на креативните работници, објави „НБЦ њуз“.

Елисон минатата недела изјави дека името Skydance е избрано за да се зачуваат индивидуалните идентитети на студијата на Paramount и Warner Bros., наместо да се спојат под сосема нов бренд.

Но, аналитичарите велат дека името дополнително го нагласува степенот на контрола на Елисон, што сугерира дека тој сега има на располагање некои од најзначајните брендови во Холивуд, како и платформа за наметнување на сопствената стратегија и култура.

За само 16 години, Skydance од независно студио се претвори во центар на една од најголемите борби за моќ во Холивуд. Основано во 2010 година од синот на ко-основачот на Oracle, Лари Елисон, студиото ја изгради својата репутација како финансиер и продуцент на хит-филмот на Paramount „Top Gun: Maverick“.

По спојувањето со Paramount минатата година, Skydance го таргетира Warner Bros., влегувајќи во жестока конкуренција со Netflix, со интерес од други потенцијални купувачи, вклучувајќи го и Comcast.

Елисон го назначи поранешниот извршен директор на „Мател“, Инон Крајз, за копретседател на „Скајденс“, кој ќе ги води секојдневните операции и ќе го надгледува процесот на интеграција, додека самиот Елисон ќе го надгледува креативниот правец и целокупната стратегија.

Дуото се соочува со задачата да ги спои двете големи компании со проектирани заштеди од 6 милијарди долари, а „Парамаунт“ вели дека голем дел од намалувањето ќе дојде од „неоперативни извори“ - комбинирање на технологиите за стриминг и давателите на услуги во облак на двете компании. Сепак, се очекува обемот на намалувањата да влијае на работните места низ Холивуд.

Се очекува и дека комбинираната компанија ќе има долг од околу 80 милијарди долари, што ќе изврши притисок врз Елисон да го зголеми стримингот, да го зачува паричниот тек од кабелските мрежи и да ги подобри резултатите од својот бизнис за кино дистрибуција.