Мистериозна порака пронашле археолозите на влез во стара црква (ФОТО) - Канал 5

Живот

Мистериозна порака пронашле археолозите на влез во стара црква (ФОТО)

За време на ископувањата на древно наоѓалиште во Турција, археолозите наишле на мистериозен натпис кој привлече особено внимание.

Мистериозна порака пронашле археолозите на влез во стара црква (ФОТО)

Тие ги истражувале остатоците од црквата број 1 во југозападниот град Олимпос кога откриле порака во мозаик, оставена за секој што ќе одлучи да влезе во поранешното христијанско светилиште.

Богатство од уметнички детали

Археолозите веруваат дека пораката имала за цел да го води однесувањето на оние што влегувале во просторот и да ги одврати оние што не ги следеле одредените учења.

Мозаикот јасно вели: „Само оние што се на вистинскиот пат можат да влезат тука“.

Покрај натписот, пронајдени се и други мозаици со геометриски и растителни мотиви, што укажува на богатство од уметнички детали во црквата од 5 век.

На истата локација се откриени и остатоци од семејна куќа, која била изградена на местото на поранешни римски гробишта, објавува Дејли меил.

Порака од обоени плочки

Доцентот на Универзитетот Памуккале и директор на ископувањата, Гокчен Кутулуш Озтаскин, истакнува дека ова ја потврдува важноста на локацијата, како една од најбогатите во регионот во однос на мозаиците.

Предупредувачката порака била направена од обоени плочки и поставена на влезот во христијанското светилиште. Покрај овој натпис, пронајдени се и мозаици со имиња на добротвори.

Патем, истражувањата на локацијата траат од 2006 година.

Што пронајдоа археолозите?

Олимп, град во древна Ликија, а подоцна дел од Римското Царство, бил важен центар за време на раното ширење на христијанството во областа.

Во текот на 5 век, христијанските цркви и станбени згради биле изградени на местото на поранешни пагански и римски градби, што покажува транзиција на градот кон христијански идентитет.

Покрај античката црква, археолозите откриле остатоци од други значајни градби, вклучувајќи епископска палата, мавзолеј и монументални гробници, што укажува на нејзината богата историја и сложеност.

Тагови: порака Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер