Таа му откри на водителот на емисијата, Робин Роберт, дека дошла на идеја да ја напише оваа книга како резултат на обидот да разбере што се случува во нејзиниот дом, околу неа, во нејзината земја и на крајот во нејзината глава. Додека таа ја пишувала книгата, изби пандемијата на коронавирус и САД се соочија со големи предизвици.

View this post on Instagram

A post shared by Michelle Obama (@michelleobama)

„Седев дома и размислував каде сме, се обидував да разберам што се случува со нашата земја, нашиот свет. Се обидував, како и многу луѓе, да разберам како на прво место влеговме во овој хаос и како да излеземе од него“, рече Обама и потоа продолжи.

„Луѓето се обидуваа да сфатат како да имаат смисла од овие работи и поради некоја причина бараа одговор од мене“, рече поранешната прва дама која во времето на изолација почнала да се сомнева во сето она што таа и нејзиниот сопруг го направиле до сега.

„Тоа беше губење на надежта. Размислувам, дали сето ова беше важно? Сите жртви кои ги направивме моето семејство, мојот сопруг и јас, дали сето тоа беше важно? И дали е важно?“ - се запраша Обама. „Мислам дека ако немате алатки за да излезете од тоа, можете само да тонете сѐ подлабоко и подлабоко“, нагласила таа.

Во новата книга Обама зборува за тоа како успеала да ги надмине тешките времиња во последните години, но и во текот на целиот живот, а еден од нејзините главни совети е доброто партнерство со нејзиниот сопруг. Мишел и Барак Обама се заедно 30 години и неодамна ја прославија годишнината од бракот, а Обама откри во емисијата на кој начин.

Семејството Обама решило повторно да го доживее медениот месец за 30-годишнината од бракот. „Се смеевме и се сеќававме како немавме пари првиот пат кога го направивме тоа. Повторно возевме покрај брегот на автопатот 1. Застанавме во Биг Сур и Кармел, исто како и на медениот месец. Тој дел од земјата има едно од најубавите брегови на светот“, рече Мишел.

Со тоа Обама ги демантира гласините дека нивниот брак е во криза, а патем зборуваше и за ќерките Малија и Саша, кои своите најчувствителни години ги поминале во Белата куќа, практично без никаква приватност. Обама вели дека ѝ е драго што гледа како сега растат нејзините ќерки и го евоцира сеќавањето како нејзините ќерки ги угостиле неа и нејзиниот сопруг Барак во нивниот стан.

„Не поканија да пиеме коктели пред вечера и подготвија послужавник со филети и се обидоа да направат две многу ретки мартини. Тие сфатија дека немаат ниту една од состојките, но се обидоа, нѐ угостија и забавно е да ги гледаме што станаа тоа што се“, рече Обама.

Да напоменеме дека книгата The Light We Carry ќе биде објавена на 15 ноември 2022 година и ќе биде преведена на 14 јазици во 27 земји во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.