Мисајловски: Секој војник со 45 години ќе има можност да остане во МО, да замине во друга институција или да си земе отпремнина - Канал 5

Македонија

Мисајловски: Секој војник со 45 години ќе има можност да остане во МО, да замине во друга институција или да си земе отпремнина

Од 1 јануари сите ќе бидат задоволни, предвидуваме средства во новиот буџет за зголемување на платите во Армијата. 

Мисајловски: Секој војник со 45 години ќе има можност да остане во МО, да замине во друга институција или да си земе отпремнина

Очекувам следната недела да имаме пречистен текст на Колективниот договор со сите синдикати. Секој еден војник што навршува 45 години ќе има можност да остане во Министерството за одбрана, да замине во друга институција во државата или да си земе отпремнина, истакна министерот за одбрана Владо Мисајловски, во гостување во Вести Плус на ТВ Канал 5.

Во однос на стандардот на вработените, министерот најави покачување на примањата од почетокот на следната година и трајно решение за статусот на професионалните војници.

Европската колективна безбедност, нагласи Мисјаловски, е поврзана и прашањето за членство во ЕУ и НАТО мора да се гледа заеднички, посочувајќи дека на најголем дел од состаноците со европските лидери со коишто може да се сретне, но и со многу амбасади и слично, секогаш го отвора прашањето за ЕУ.

-Ако ние сме доволно способни и имаме целосен капацитет за НАТО, да бидеме рамноправни, да учествуваме на секоја една вежба, да бидеме повикувани за се што треба да помогнеме, тогаш апсолутно треба да бидеме дел од Европската Унија… И постојано еве, јас нема тоа да го кажам, сите претставници што доаѓаат во Македонија со позитивни, така би рекол, вести доаѓаат и за Армијата и за Министерството, но и за државата како помагаме во регионални планови, во вежби и така натака. Затоа можеме да бидеме едни од најдобрите во семејството, а во Европската Унија постојано да имаме, би рекол, кочници. Ова прашање мора паралелно да се разгледува и иако јас сум министер за одбрана, поврзано е. Европската колективна безбедност е поврзана, но затоа и паралелно Европската Унија ни дава огромен број на средства, морам да бидам искрен, и тие се разбира ни се најголеми овака сојузници бидејќи преку 40 милиони евра веќе добивме во опрема – изјави Мисјаловски.

Мисајловски, исто така, нагласи дека Армијата останува целосно мобилизирана на терен за помош на општините и граѓаните при справувањето со пожарите ширум земјата.

-Секаде каде што сме потребни, апсолутно, ако се работи за, би рекол, поголем број на пожари, апсолутно тука и Претседателката ќе помогне со дополнителни сили. На дневно ниво се координираме и да знае секој еден граѓанин дека Армијата ќе биде тука секогаш – изјави Мисајловски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешен конгресмен е во центар на скандал- ФБИ ја претресува неговата куќа поради сексуално недолично однесување

ФБИ изврши рација во домот на поранешниот демократски конгресмен Ерик Сволвел, истакнат критичар на американскиот претседател Доналд Трамп пред да поднесе оставка од Конгресот.

Поранешен конгресмен е во центар на скандал- ФБИ ја претресува неговата куќа поради сексуално недолично однесување

ФБИ изврши рација во домот на поранешниот демократски конгресмен Ерик Сволвел, истакнат критичар на американскиот претседател Доналд Трамп пред да поднесе оставка од Конгресот, како дел од истрагата за наводите за сексуално вознемирување, изјави извор на Ројтерс запознаен со истрагата.

Агенти на ФБИ ги запленија електронските уреди на Сволвел на меѓународниот аеродром во Сан Франциско и го претресоа неговиот дом во Вашингтон минатиот викенд, изјави изворот.

Адвокатот на Ерик Сволвел не одговори веднаш на барањето за коментар.

Сволвел поднесе оставка од своето конгресно место во април и се откажа од кандидатурата за гувернер на Калифорнија откако четири жени го обвинија за сексуално вознемирување, вклучително и сексуален напад и испраќање непосакувани експлицитни фотографии.

Сволвел се извини за „грешките во проценката“, но рече дека наводите се лажни и вети дека ќе се бори против нив.

Локалните власти во Њујорк и Лос Анџелес започнаа истраги за наводните напади, додека Министерството за внатрешна безбедност на САД соопшти дека ги истражува наводите дека Сволвел нелегално ангажирал дадилка од Бразил.

Сволвел, кој првпат беше избран во Конгресот во 2012 година, доби национално признание како еден од најгласните критичари на Трамп и кратко се кандидираше за претседател во 2019 година.

Тој се сметаше за водечки кандидат за гувернер на Калифорнија оваа година пред да се откаже од трката.

Тагови: конгресмен ФБИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Најсекси хокеарката на светот отвори OnlyFans, а сега ја поврзуваат со познат голфер (ФОТО)

Микаела Демојтер, поранешна канадска хокеарка која медиумите ја нарекоа „најсексипилна хокеарка во светот“, се најде во центарот на вниманието поради нејзината наводна врска со Брајсон Дешамбо, едно од најголемите имиња во LIV Golf.

Најсекси хокеарката на светот отвори OnlyFans, а сега ја поврзуваат со познат голфер (ФОТО)

Демојтер објави селфи на социјалните мрежи за време на еден од настаните на LIV Golf, а фановите забележаа детаљ во позадина: капа на Крашерс ГЦ, чиј капитен е Дешамбо.

Тоа беше доволно за да започнат шпекулации за нивната врска, но приказната дополнително ја разгоре американскиот „Ју-Ес Викли“, кој објави дека Демојтер и Дешамбо се во врска и дека се „многу среќни“ заедно.

- И двајцата се доста „затворени“ кога станува збор за врски - изјави извор близок до двојката, објавија странските медиуми.

Ни Демојтер ниту Дешамбо досега јавно не потврдија дека се заедно.

Демојтер некогаш беше голман на Блувотер Хокс во Онтарио, но повреда на предниот вкрстен лигамент ја принуди да ја заврши својата хокеарска кариера.

Оттогаш таа изгради успешна кариера како модел и инфлуенсер, и има милиони следбеници на социјалните мрежи. Таа, исто така, наплаќа речиси 17 долари месечно за своите услуги на мрежата „Onlyfans“.

ДеШамбо (32) оттогаш стана едно од најпознатите лица во светскиот голф. Тој освои два Отворени турнири на САД, а денес игра во голф лигата LIV како капитен на Крашерс ГЦ.

Тагови: OnlyFans хокеарка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Најстарата жена на светот го прослави 117. роденден- „сменила“ шест британски монарси

Британката Етел Катерхам, која денеска полни 117 години како најстарата личност на светот, изјави дека со нетрпение очекува да го помине роденденот со пријателите и семејството во дом за стари лица во Сари.

Најстарата жена на светот го прослави 117. роденден- „сменила“ шест британски монарси

Британката Етел Катерхам, која денеска полни 117 години како најстарата личност на светот, изјави дека со нетрпение очекува да го помине роденденот со пријателите и семејството во дом за стари лица во Сари и „се радува да види што носи следната година“.

Катерхам изјави дека средбата со британскиот крал Чарлс III, кој ја посети минатиот септември, веднаш откако наполни 116 години, била на врвот на нејзината листа на животни искуства, објави Би-би-си.

Кралот Чарлс III е шестата личност што седи на британскиот престол откако Етел Катерхам е родена во Хемпшир на 21 август 1909 година, пет години пред почетокот на Првата светска војна.

Таа е последната преживеана поданичка на британскиот крал Едвард VII, кој почина во мај 1910 година, а оттогаш тронот го наследија Џорџ V, Едвард VIII, Џорџ VI, Елизабета II, а сега и Чарлс III.

Етел Катерхам стана најстарата личност на светот во мај 2025 година, по смртта на 116-годишна бразилска калуѓерка.

Тагови: најстарата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер