Мис Јамајка заврши на интензивна по пад од сцената на Мис Универзум (ВИДЕО) - Канал 5

Шоу биз

Мис Јамајка заврши на интензивна по пад од сцената на Мис Универзум (ВИДЕО)

Објавени се нови информации за состојбата на учесничката на Мис Универзум, која по сериозен пад за време на изборот, заврши на интензивна нега.

Мис Јамајка заврши на интензивна по пад од сцената на Мис Универзум (ВИДЕО)

Мис Јамајка, д-р Габриел Хенри, сè уште се опоравува во болница во Тајланд.

28-годишната Хенри е во болница неколку дена откако падна од сцената за време на прелиминарните избори за вечерна облека на 19 ноември. Додека одеше по пистата во портокалова облека, пропушти чекор и падна. На видеата што кружат на социјалните мрежи може да се види како членовите на организацијата веднаш ѝ доаѓаат на помош, по што таа е имобилизирана на носилка и однесена зад сцената.

@mumx2025 Dios mío, oremos porque esté bien nuestra querida Miss Universe Jamaica #missuniverse #missuniversemexico2025 #missuniversejamaica2025 ♬ sonido original - MUMX 2025 Fatima Bosch

Организацијата на Мис Универзум Јамајка тогаш објави дека таа е итно префрлена во болницата Паоло Рангсит, каде што лекарите потврдија дека „нема повреди опасни по живот“, но дека ќе се подложи на дополнителни тестови. Сопственикот на изборот за Мис Универзум, Раул Роча, објави на Инстаграм дека ја посетил и дека е под грижа на врвни експерти.

Ситуацијата е посериозна отколку што се мислеше првично

Во најновото соопштение од 21 ноември, Организацијата за Мис Универзум Јамајка откри дека состојбата на Габриел не се подобрува со очекуваното темпо. Нејзината сестра, д-р Филиција Хенри-Самуелс, која патуваше во Тајланд со нивната мајка Морен Хенри, изјави за People: „За жал, Габи не се опоравува толку добро колку што се надевавме, но болницата продолжува да обезбедува секаков потребен третман“.

Исто така, беше потврдено дека натпреварувачката ќе мора да остане на интензивна нега најмалку седум дена, додека лекарите продолжуваат внимателно да ја следат и да ѝ обезбедуваат специјализирана нега.

Организацијата ја замоли јавноста за молитви и поддршка. „Љубезно ги молиме граѓаните и корисниците на социјалните мрежи да се воздржат од ширење негативни коментари, дезинформации или шпекулации што би можеле дополнително да го оптоварат семејството“, се вели во соопштението. „Нашиот главен фокус е закрепнувањето на Габриел и благосостојбата на нејзините најблиски. Ве молиме за континуирано сочувство, внимание и почитување на приватноста во текот на ова предизвикувачко време“.

Тагови: Јамајка Мис Универзум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер