Мирни протести во Србија поради уривањето на настрешницата: 11 месеци, нула одговорност (ВИДЕО) - Канал 5

Балкан

Мирни протести во Србија поради уривањето на настрешницата: 11 месеци, нула одговорност (ВИДЕО)

Илјадници луѓе денеска одржаа комеморативни маршеви во десетици српски градови во достоинствена тишина за да им оддадат почит на жртвите од трагедијата во Нови Сад.

Мирни протести во Србија поради уривањето на настрешницата: 11 месеци, нула одговорност (ВИДЕО)

Илјадници луѓе денеска одржаа комеморативни маршеви во десетици српски градови во достоинствена тишина за да им оддадат почит на жртвите од трагедијата во Нови Сад, одбележувајќи 11 месеци од падот на настрешницата на железничката станица под која загинаа 16 лица, претежно млади и деца, а едно лице беше повредено со трајни последици, пренесе Индекс.

Прошетката во тишина наречена „11 месеци - 0 одговорност“ беше свикана од студентското движење, родено во бран протести за време на кои во изминатите 11 месеци, поддржувачи на владата, а честопати директно членови на владејачката Српска напредна партија (СНС), напаѓаа и повредуваа демонстранти со бројни инциденти за време на 16-минутните комеморативни молчења и блокади на патиштата низ цела Србија, особено во Нови Сад и Белград.

Комеморација во Нови Сад

Голема поворка луѓе од Нови Сад пристигна на железничката станица и им оддадоа почит на жртвите со 16-минутно молчење.

Еден од студентите им рече на учесниците на парадата дека „единаесетмесечната борба вреди“ ако се води со желба жртвите да добијат правда и дека „поради ова, сеќавањата не смеат да избледат“.

Од парадата во Нови Сад, беше испратена покана до „цела Србија“ за голем комеморативен собир на 1 ноември во тој град, на годишнината од падот на настрешницата.

Собир во Белград

„Алчноста ја донесе нашата земја во сегашната состојба“, рече еден од студентите пред 16-минутното молчење вечерва на железничката станица во Нов Белград, каде што поворката пристигна во тишина од централната станица Белград Прокоп.

За време на вечервашниот мирен протест, во бројни градови беше одржано 16-минутно молчење за да им се оддаде почит на загинатите, со илјадници светилки на мобилните телефони, додека учесниците положуваа бела роза за секоја минута молчење, со видео проекции од 16 силуети што ги симболизираат жртвите од трагедијата во Нови Сад.

Најава за годишнината од трагедијата

Вечерва, студентите ги поканија сограѓаните и сонародниците да им оддадат почит на жртвите со масовен комеморативен протест во Нови Сад на 1 ноември, на годишнината од трагедијата во Нови Сад.

Меѓу учесниците на вечервашното одбележување беше и Дијана Хрка, мајка на еден од младите мажи кои загинаа при падот на настешницата на неодамна реновираната железничка станица во Нови Сад.

Барањата на студентското движење

„5.500 минути молчење и ниту една минута одговорност“, „Вучиќ разбира - нема да застанеме“, се некои од пораките на учесниците на комеморативните маршеви кои ја сметаат трагедијата во Нови Сад за „злосторство“ и резултат на корупција на највисоките нивоа на владејачкиот систем.

Студентското движење, кое со месеци ги предводи протестите, со масовна поддршка од академската заедница и бројни општествени групи, бара одговорно работење на институциите, достоинство и правда за жртвите и нивните семејства и решителна борба против корупцијата на сите нивоа на власта, која ја сметаат за клучна причина за падот на настрешницата поради небрежност и злоупотреба при извршувањето на работите.

Последното во низата барања е распишување предвремени избори, кои владата упорно избегнува да ги прифати.

„Сè станува сè потешко и потешко... Сè уште чекаме барем еден одговор од властите на нашите барања“, рече еден од учесниците на маршот во Ниш.

Според извештаите на белградските медиуми, протестните маршеви поминале без инциденти.

Тагови: настрешница србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер