Министерството за финансии не размислува за укинување на повратот на ДДВ - Канал 5

Економија

Министерството за финансии не размислува за укинување на повратот на ДДВ

Ниту се разговарало на темата МОј ДДВ ниту се размислува за негово укинување – уверува министерката за финансии Гордана Димитриевска Кочоска

Министерството за финансии не размислува за укинување на повратот на ДДВ

Ниту се разговарало на темата МОј ДДВ ниту се размислува за негово укинување – уверува министерката за финансии Гордана Димитриевска Кочоска, откако вчера директорката на УЈП, Елена Петрова рече дека мерката не го дала очекуваниот ефект. Кочоска одговарајќи на новинарско прашање рече дека законот останува таков каков што е.

„Немав прилика и да ја слушнам директортката бидејќи како некаков извештај или некаква информација да добиеме во МФ нема ниту пак сме разговарале на тема дека ќе го менуваме законот или воопшто ќе дискутираме околу „Мој ДДВ“ и не можам да кажам дека ќе има било какви промени туку напротив останува се како што е сега....“ - Гордана Димитриевска Кочоска – министерка за финансии.

Во однос на солидарниот данок пак, кој компаниите го платија како еднократна давачка во 2023 година, а со одлука на Уставен суд државата треба да им ги врати парите направена е конечната листа на фирми, кај најголем дел ќе се враќа на 2 рати, а првата исплата ќе биде во март годинава, посочи министерката за финансии на прес конференцијата посветена на издавањето на 10тата еврообрвзница, со која Македонија вчера се задолжи за една милијарда евра.

Еврообрзницата се издаде во две транши од по 500 милиони евра, со рок на отплата од 4 и 8 години, што според Кочоска се нема случено во последните 20 години. За траншата со рок од 4 години каматата изнесува 3,87% додека за онаа од 8 години каматата е 4,75%.

„Интересот беше голем, само еден час по обајвување на почетните каматни стапки побарувачката достигна 2 милијарди евра. Пред отварање на американскиот пазар книгата на инвеститори надмина 3 милијарди евра, а по негово отварање вкупната понуда достигна повеќе од 4 миллијарди евра. Ова претставува јасен доказ за нашата фискална стратегија... Има инвеститори кои прв пат инвестираат во Македонија....Ме радува и фактот што има многу инвеститори кои се и пензиски фондови кои што не планираат да ги купуваат нашите обврзници за потоа да ги продаваат на секундарниот пазар туку да ги чуваат до нивно доспевање....“ - Гордана Димитриевска Кочоска – министерка за финансии.

Со овие средства како што посочи Кочоска ќе врати еврообврзницата од 700 милиони евра издадена во 2020 година, но и сервисирање на останатите обрвски кои доспеваат во тековната година. Според опозициската СДСМ – Владата со овој потег ја признала буџетската дупка од милијарда евра, за која како што велат од партијата, алармирале уште минатата година.

YouTube video

Тагови: Министерство за финансии Мој ДДВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер