Економија

Министерството за економија до 20 мај ќе одлучува дали се потребни нови мерки за цените на храната

До 20ти мај министерството за економија ќе ги анализира цените на прехранбените производи па после тоа ќе се знае дали ќе има мерки или не.

Повеќе од 30 тимови на Државниот пазарен инспекторат деновиве вршат контроли. Ресорниот министер Бесар Дурмиши вели кризите во минатото покажале дека трговците, дистрибутерите и производителите ги злоупотрребувале ситуациите и не секогаш оправдано ги зголемувале маржите и токму во тој дел се сега насочени и контролите. Ако има девијантно однесување Дурмиши вели ќе има и казни, а како министерство доколку е потребно на владата ќе и предложат намалување на ДДВ то кај храната од 5 на 0 %.

Според Дурмиши цените на овошјето и зеленчукот се намалени, но вели ќе го чекаат кончниот извештај по кој ќе имаат појасна слика за движењето на цените, и уште еднаш повтори Македонија е увозно зависна земја и во тој дел не можат да влијаат...

„Цената може да се зголеми кај оние кои се увезни. Таа маржа што ја имаат внатрешните трговци таа и ќе ја употребуваат. Во делот каде што ќе гледаме како минатиот пат дека кога правевме анлизи и гледавме маржата на внатрешните трговци беше 20, 30 % тогаш беше девијантно однесување и тогаш одевме со мерки таа маржа ние ја гледаме. Во минатитот месец да имаше згоелмување кај цените но имаше намалување кај маржата. Немаме основ по кој да постапуваме.. “- Бесар Дурмиши – министер за економија и труд .

Иако вели во моментов како министерство се посветени на исполнување на реформаската агедна Дурмиши очекува до крајот на јуни да се донесе и владината потрошувачка кошничка која веќе е доставена и разгледана од сите засегнати.

„Тие критики забелешки што ги имаат они ние сме ги разгледале ги обработуваме кога ќе имаме нареден пат ЕСС по исполнување на чекорите од реформската агенда ќе се фокусираме да ги отстраниме тие забелешки...“ - Бесар Дурмиши – министер за економија и труд.

Според ресорниот министер доколку не се случела војната на блискиот исток инфлацијата во земјава ќе била многу пониска, но вели остануваат внимателно да ја следат состојбата. Во меѓувреме до понедленик на сила се мерките за намалени акцизи за дериватите и повластена стапка на ДДВ од 10 % само за бенизните.

Тагови: инфлација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Обвинителството да отвори истрага за Мицкоски и Клековски - го загрозија здравјето на граѓаните на Гостивар

Владата сѐ уште не достави официјален документ со кој се потврдува дека водата што граѓаните на Гостивар ја користат повеќе од една недела е технички исправна.

Повторно ново ветување.

Повторно неисполнето.

Повторно водата не е чиста, ниту техничка.

Владата сѐ уште не достави официјален документ со кој се потврдува дека водата што граѓаните на Гостивар ја користат повеќе од една недела е технички исправна.

Единствена „потврда“ беше изјавата на Мицкоски.

Ништо повеќе.

Денес повторно се врши хиперхлорирање.

Кога се прави хиперхлорирање - капењето не е дозволено.

Но никој не смее тоа јавно да им го каже на граѓаните, затоа што тогаш ќе се открие дека Мицкоски лажеше.

А лажењето и навредите се единствениот начин на комуникација што тој го познава.

Министерот Клековски најави дека од оваа недела водата ќе може да се пие.

Мицкоски рече дека има бактерија.

Денес официјално е потврдено: присутна е опасната бактерија Pseudomonas aeruginosa, која има сериозни последици по здравјето на човекот.

Тоа значи дека капењето не било дозволено, а граѓаните се капеа.

Ова е страшна информација што власта се обидува да ја прикрие.

За ова мораат кривично да одговараат:

• Христијан Мицкоски

• министерот Клековски

• и сите одговорни лица од институциите што молчеа додека се загрозуваше здравјето на граѓаните на Гостивар.

Ова сѐ уште трае.

Одговорноста не може и не смее да се избегне.

Го повикуваме Савевски барем еднаш да постапи согласно законот и да застане во одбрана на граѓаните. Знаеме дека е под команда на Мицкоски, но овојпат се во прашање животите на граѓаните и нивното здравје.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расветлено насилството во Гостивар, следува соодветна пријава (ВИДЕО)

Идентификувани се лицата инволвирани во насилниот настан во Гостивар, откако полициските службеници од ОВР Гостивар, веднаш по објавеното видео на социјалните мрежи, презедоа низа мерки и активности за целосно расчистување на случајот.

На 02.08.2026 година во 22:20 часот во ОВР Гостивар, А.В.(22) од Гостивар пријавил дека истиот ден околу 02:30 часот на ул. „Борче Јованоски“ во Гостивар, тој и неговиот пријател Л.Е. биле физички нападнати од три непознати машки лица, кои при нападот употребиле тврди и дрвени предмети.

За настанот веднаш бил известен дежурен јавен обвинител, по чии насоки и во координација со надлежен обвинител, полициските службеници од ОВР Гостивар по преземени мерки и активности ги идентификуваа тројцата учесници во насилниот настан.

Во полициска станица на службен разговор се повикани двајца малолетници од Гостивар, на кои, по наредба на јавен обвинител, им се одземени патните исправи. Третото лице е В.Д.(20) од Скопје, за кого е испратена телеграма до СВР Скопје за понатамошно постапување.

По целосно документирање на случајот, во текот на денешниот ден, по брза постапка, лицата со соодветен поднесок ќе бидат изведени пред надлежен судија на претходна постапка.

Тагови: мвр насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица под истрага, пукале со три пиштоли и пушка на семејна прослава

Четири лица се осомничени за пукањето на семејната прослава во Добри Дол гостиварско, што се случи на 31 јули.

За време на прославата, осомничените со три пиштоли и една пушка пукале во воздух, со што, ги довеле во опасност животите на поголем број присутни. Постапката е поведена по поднесена кривична пријава од страна на МВР. Од ОЈО Гостивар наведуваат дека поради опасност од бегство на осомничените, меѓу кои еден кој има македонско и словенечко државјанство, доставиле предлог за определување притвор.

Од МВР претходно сопоштија дека привеле шест лица , а едно било повикано на службен разговор во врска со пукањето. За време на претресите на повеќе локации во Добри Дол, полицијата пронашла и одзела оружје и муниција

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.