Министерот Муцунски следната седмица ќе учествува на Делфи економскиот форум во Грција - Канал 5

Македонија

Министерот Муцунски следната седмица ќе учествува на Делфи економскиот форум во Грција

Муцунски ќе учествува на јубилејниот десетти Економски форум во Делфи што ќе се одржи од 9 до 12 април.

Министерот Муцунски следната седмица ќе учествува на Делфи економскиот форум во Грција

Министерот за надворешни работи и надворешна трговија Тимчо Муцунски ќе учествува на јубилејниот десетти Економски форум во Делфи што ќе се одржи од 9 до 12 април, а на кој најавени се над 1.000 говорници од 55 земји, јави дописничката на МИА од Атина.

Грчкиот планински град со античко и историско значење Делфи, како и секоја година ќе биде домаќин на политичари, претставници на влади, истакнати личности од повеќе области, кои ќе дискутираат за низа актуелни теми.

На прес-конференција во Атина, претседателот и потпретседателот на Делфи форумот, Симеон Цомокос и Јанис Томатис денеска ги презентираа деталите за годишната конференција, како и централните теми на кои ќе се фокусираат дискусиите, а одговарајќи на прашањето на дописничката на МИА од Атина посочија дека и оваа година нема да изостане Балканот, но не само од аспект на проширувањето на Европската Унија, туку и од аспект на енергетиката, а паралелно го потврдија и присуството на Муцунски на форумот.

Како што објасни Цомокос, за проширувањето на ЕУ со земјите од Балканот се очекува да говори шефот на грчката дипломатија Јоргос Герапетритис, но и да се одржи и посебна панел-дискусија во организација на фондацијата за европска и надворешна политика ЕЛИАМЕП, а дополнително, планирани се дискусии и за енергетските теми што се однесуваат на регионот.

Освен официјалниот дел и панел дискусиите, планирано е да се одржат и две затворени дебати, едната посветен на Блискиот Исток, другата на Балканот.

Министерот Муцунски е меѓу десетте шефови на дипломатиите што ќе бидат дел од форумот, а потврдено е учеството на министри од регионот, Европа и светот.

Вкупно ќе земат учество 1.018 говорници, од кои 617 се од Грција, а останатите од странство, а ќе има претставници од 55 земји.

На свеченото отворање на форумот, закажано за следната среда напладне, ќе се обратат претседателот на Грција Константинос Тасулас, претседателот на Бугарија Румен Радев, генералниот секретар на Организацијата за економска соработка и развој (ОЕЦД) Матијас Корман, како и заменикот-генерален секретар на ОН и висок претставник на Алијансата на цивилизациите на ОН Мигел Анхел Моратинос.

Од Грција, освен шефот на државата, под чие покровителство е форумот, во Делфи ќе биде и грчкиот премиер Кирјакос Мицотакис, голем број министри од Владата, како и лидери на опозициските партии.

Според организаторите, форумот ќе опфати повеќе теми како што се: геополитичката и меѓународната безбедност, светската економија, климатските промени, технологијата, како и граѓаните и општеството.

Делфи економскиот форум, што оваа година е десетти и јубилеен е независна, непрофитна организација со меѓународен карактер, каде секоја година се среќаваат престижни личности од економијата, политиката и академската заедница, а целта е да се прикаже реална рамка на цели и активности, да се бараат политики за справување со глобалните предизвици и да се најдат соодветни решенија за сложените прашања, како и да се промовираат иновативни идеи за одржлив и конкурентен раст за Европа и поширокиот регион на Источен Медитеран.

За министерот Муцунски, Економскиот форум во Делфи, ќе биде и негова прва посета на Грција од политички аспект, со оглед на тоа што пред две седмици беше во Солун, меѓутоа за да ги посети повредните во трагичниот пожар во Кочани, кои се хоспитализирани во две солунски болници.

Тагови: Тимчо Муцунски Делфи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Што гледаат луѓето пред смртта- научниците споредиле искуства на 50 лица

Од сите искуства поврзани со искуства блиску до смртта (NDEs), ниту едно не е толку познато како светлината на крајот од тунелот.

Што гледаат луѓето пред смртта- научниците споредиле искуства на 50 лица

Луѓето кои биле на работ на смртта, па дури и оние кои биле мртви неколку моменти, понекогаш опишуваат движење низ темнина, како тунел, кон портал на светлина, премин во друг свет, објавува ScienceAlert.

Сликата станала толку вкоренета во популарната култура што станала моќен симбол на крајот на животот.

Сепак, не сите преживеани блиску до смртта виделе тунел. Некои опишале огромен, осветлен простор, закривен хоризонт или чувство дека се опкружени со светлина, според студија на 50 преживеани блиску до смртта.

Истражувачот за неврофеноменологија Франс Лернер од Универзитетот во Хаифа во Израел и нејзините колеги сакале визуелно да пристапат кон прашањето, верувајќи дека тоа ќе открие обрасци што зборовите не можат, објави веб-страницата.

На учесниците им било кажано да нацртаат облик на простор што го паметат дека го доживеале и да опишат каде се доживуваат себеси во него, како се движат низ него и какви бои се сеќаваат. Потоа научниците составиле база на податоци од овие реконструкции и ги споредиле, барајќи сличности во геометријата на просторите. Откриле дека конусните простори, кои го вклучувале познатиот тунел, се повторувале често, како и широките, закривени простори како лакови.

Учесниците исто така често цртале простори кои изгледале како целосно да го опкружуваат набљудувачот, како што е внатрешноста на сфера или овал.

Од 28-те конусни простори што ги реконструирале учесниците, 22 биле црни, бели или сиви, или во светлина без препознатлива нијанса. Од друга страна, 27 од 31 широки, закривени простори биле перцепирани во боја.

Според Лернер и нејзините колеги, истражувањата за невронауката и перцепцијата веќе документирале некои слични визуелни односи.

Еден пример е тунелскиот вид, кој може да се појави кога е нарушено снабдувањето со кислород до мрежницата или мозокот, стеснувајќи го видното поле. Според неа, доминацијата на црната, белата и сивата боја во простори слични на тунел има научно објаснување поврзано со човечкиот вид.

Во услови на слаба осветленост, нашите очи стануваат помалку чувствителни на бои бидејќи клетките чувствителни на светлина одговорни за гледање во темнина преземаат контрола.

Иако истражувачите претходно идентификуваа повторливи карактеристики кај луѓе кои доживеале искуства близу до смртта, како што се тунели и светла, малку внимание е посветено на просторната структура на овие искуства или на тоа како луѓето се перцепираат себеси додека се движат низ нив.

Студијата е објавена во списанието „Frontiers in Psychology“.

Тагови: научниците смртта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Карикатурист е осуден на четири години затвор- нацртал карикатура на кралот на Мароко

Мароканскиот карикатурист Јасер Мунбир е осуден на четири години затвор за „навреда на кралот“ по објавувањето на карикатура од Мухамед VI, објави денес неговиот адвокат.

Карикатурист е осуден на четири години затвор- нацртал карикатура на кралот на Мароко

Судот во Казабланка, исто така, му наложи на карикатуристот да плати казна од 40.000 дирхами, или 3.600 евра.

Неговиот адвокат, Фарук Мехдауи, објави дека ќе поднесе жалба на пресудата.

Член 179 од мароканскиот кривичен законик забранува „клевета, навреда или нарушување на приватноста на кралот“, а таквите дела се казнуваат со затвор од шест месеци до две години.

Во случајот на 22-годишниот Јасер Мунбир, казната е двојно зголемена бидејќи цртежот е објавен онлајн, објави „Ле Фигаро“.

Мунбир беше уапсен во јуни откако цртал и објавил карикатура од кралот на Мароко на својот Инстаграм профил.

Мароканското здружение за човекови права (AMDH) побара негово ослободување.

Активистите за човекови права во Мароко побараа укинување на законите за кои велат дека ја ограничуваат слободата на изразување, како и помилување на осудените за објави на социјалните мрежи, пишува Фигаро.

Тагови: карикатура Мароко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Телефоните на германските министри и пратеници на удар на шпионски софтвер

Apple предупреди дека iPhone-ите на членовите на Бундестагот и членовите на федералната влада можеби биле цел на шпионски софтвер. 

Телефоните на германските министри и пратеници на удар на шпионски софтвер

Германскиот министер за дигитална администрација, Карстен Вилдбергер, изјави дека Федералната канцеларија за информациска безбедност (BSI) им советувала на засегнатите да претпостават дека нивните уреди се компромитирани за секој случај, бидејќи предупредувањето не укажувало дали нападот бил успешен.

Според BSI, овој вид шпионски софтвер може да им даде на напаѓачите пристап до пораки, вклучително и оние испратени преку шифрирани апликации, како и повици, контакти, календари и податоци за локација. Исто така, може да го вклучи микрофонот и камерата на телефоните.

Вилдбергер изјави за ARD дека „добивме известување од Apple дека одредени уреди можеби биле компромитирани од таканаречен шпионски софтвер“, објави Euronews.

Предупредувањата до засегнатите телефони почнаа да пристигнуваат на 29 октомври, според BSI, и тие наведоа дека Apple го открил нападот користејќи „шпионски софтвер“. Министерот рече дека BSI „реагирала супер брзо“ и ги известила засегнатите, со упатства за заштита. Вилдбергер не кажа колку политичари биле предупредени или кои биле цел. Ниту „Епл“, ниту германските власти не кажаа кој би можел да стои зад нападот.

Тагови: телефоните софтвер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер