Македонија

Министерката за енергетика уверува дека нема да има раст на цената на електричната енергија

Ќе има ли промени на сметките за струја откако ЕСМ од следната година повеќе нема целосно да ги покрива потребите на универзалниот снабдувач?

Од следната година АД ЕСМ нема целосно да ги покрива потребите со електрична енегрија на универзалниот снабдувач..Согласно новиот Закон за енергетика, уделот на струја што ќе го испорачува ЕСМ ќе биде ограничен на 70%, наместо досегашните 100. Министерката за енергетика Сања Божиновска објасни дека ова е последен чекор од исполнување на реформската агенда во енергетскиот сектор, но и дека тоа не значи поскапување на струјата. Според неа, поради пониските берзански цени на електричната енергија и зголеменото производство од обновливи извори не очекува раст на цената на струјата. Министерството за енергетика ќе се заложи и за евентуално укинување на блок-тарифите, но сепак како што изјави Божиновска, конечната одлука е во надлежност на Регулаторната комисија за енергетика.

„Ако ги гледаме цените како се нула во овој период и колку многу има повеќе електрична енергија и дека веќе Грција извезува, јас мислам дека може да се очекува намалување на овие цени, меѓутоа тоа е сепак берза што значи на берза може да има и скокови и падови, но некој тренд е дека сега имаме многу ниски цени и нули. Регулаторната комисија за енергетика е одговорна за блоковите, тие ги дефинираат, прават истражувања. Ако не повикаат ние секако ќе дадеме наше мислење, меѓутоа целта е една и единствена граѓаните да имаат пониски сметки. “

Божиновска истакна минатата година македонија била над европскиот просек односно околу 58% од инсталираните капацитети се од од обновливи извори. Таа очекува овој тренд да продолжи и во следниот период. На јавниот повик за изградба на енергетски објекти за 2027 година, до почетокот на месецов пристигнале над 800 иницијативи од приватни компании и институции

Божиновска на брифингот со медиумите соопшти и дека до министерството пристигнало решението од Државниот завод за индустриска сопственост, со кое официјално се заштитува македонскиот рубин како наш, уникатен полускапоцен камен, со што добива статус на заштитено национално минерално наследство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска Давкова од Анкара: Се чудам како во НАТО има разбирање, а ЕУ 20 години нè држи во лавиринтот

Македонија е кредибилен партнер на НАТО и очекувам да се надмине лавиринтот на патот кон Европската унија – порача претседателката гордана Сиљановска Давкова која откри и дека имала средба со бугарскиот претседател Румен Радев.

Шефот на дипломатијата Муцунски пак, од НАТО самитот во анкара информираше за билатералните средби, додека министерот за одбрана Мисајловски побара пораките од НАТО да бидат и за ЕУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Мицкоски - Кос во Владата: Пофалби за реформите, но и потврда дека уставните измени остануваа главен услов за ЕУ

Колку повеќе доверба имате толку полесно ќе напредувате во европскиот пристапен процес – порача еврокомесарката за проширување Марта Кос од денешната посета на Скопје.

За тоа како ќе се гради довербата со соседна Бугарија, според Кос нема готов рецепт, но повтори дека уставните измени остануваат услов за Македонија и посочи дека ЕУ не може да даде гаранции за понатамошниот тек на македонскиот евроинтегративен пат. За премиерот Христијан Мицкоски пак, секое трајно решение мора да подразбира заштита на националното достоинство.

- Усвојувањето на договоренит уставни измени останува неопходниот следен чекор за формално започнување на пристапните преговори и затоа уште еднаш ја охрабрувам Владата да го започне процесот кој што наскоро може да донесе измени во Уставот. // Проширувањето на ЕУ не е изградено на гаранции кои се даваат однапред туку се гради врз доверба, обврски, посветеност, нивно исполнување и работа. - Марта Кос, Еврокомесарка за проширување

-Очекуваме европската интеграција да остане процес кој се темели на јасни критериуми, на вредности, на исполнување на реформските обврски а не процес кој ќе биде оптоварен со билатерални прашања што создаваат неизвесност и фрустрација кај македонските граѓани. - Христијан Мицкоски, претседател на Влада

Кос високо го оцени исполнувањето на реформската агенда во Македонија, и не стави во првите три земји од регионот според реформскиот напредок, што значи дека за нас ќе бидат издвоени дополнителни средства од Планот за раст. Премиерот Мицкоски пак оцени дека за преостанатиот реформски чекор од јунскиот грејс период со финансиска вредност од 4,2 милиони евра, односно Изборниот законик, како што вели,во Собранието се вежба политичка гимнастика.

-Охрабрени сме и навистина среќни во Брисел што С.Македонија навистина направи еден ваков скок на првите позиции кога станува збор за спроведувањето на реформите од Планот за раст. // Иако во моментов С.Македонија не може да оди напред во пристапниот процес, тоа не значи дека вие или ние не испорачуваме. Вие испорачувате многу во реформската агенда. - Марта Кос, Еврокомесарка за проширување

-Се беше договорено, се беше завршено додека тој предлог не требаше да дојде во Парламент. И тогаш се појави втората политичка партија – СДСМ која рече дека па ако тие така се однесуваат и ние така ќе се однесуваме и најдоа причина зошто тоа да биде така. И едните и другите на отворена сцена од ова се обидуваат да направат естрада. - Христијан Мицкоски, претседател на Влада

Еврокомесарката Кос и порача на државава дека за нас има место како полноправна членка на ЕУ и дека Брисел се надева да ја види Македонија меѓу следните потенцијални членки до 2028-та година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 28 возачи за „безобѕирно управување возило“, 25 возеле без возачка дозвола

Во текот на изминатото деноноќие на целата територија на државата, полициските службеници лишија од слобода 28 возачи поради „безобѕирно управување возило“.

Од нив, 25 лица управувале возило без возачка дозвола (осум лица во Скопје, четири во Битола, по две лица во Велес, Свети Николе, Тетово и Кичево и по едно лице во Делчево, Кочани, Кавадарци, Неготино и Куманово). Иако имале активна забрана за управување патничко возило, затекнати се како управуваат возило по едно лице во Чашка и тетовско, додека со брзина поголема од дозволената управувало едно лице во гевгелиско. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.