Македонија

Министерката Божиновска e еден од говорниците на конференција во Вашингтон

Министерката за енергетика, рударство и минерални суровини Сања Божиновска учествуваше на 9. издание на Годишната конференција за енергетска безбедност на Централна и Источна Европа.

Министерката за енергетика, рударство и минерални суровини Сања Божиновска учествуваше на 9. издание на Годишната конференција за енергетска безбедност на Централна и Источна Европа, организирана од Глобалниот енергетски центар на Атлантскиот совет. Настанот се одржа на 10 септември 2024 година, во Вашингтон, а на него присуствуваа истакнати лидери и носители на политики за решавање на клучните предизвици во енергетската безбедност, трансатлантската соработка и енергетската иднина на Европа, поддржано од САД.

Како еден од клучните говорници на конференцијата, министерката Божиновска, заедно со американски и европски претставници за енергетика, даде свој осврт на темите од значајност за секторот и енергетската безбедност во Европа. Учеството на министер од нашата држава на конференција од ваков калибар го потенцира активниот ангажман во унапредувањето на енергетската безбедност и негувањето на соработката со глобалните партнери.

„Конференцијата за енергетска безбедност на Централна и Источна Европа е платформа за интеракција со клучните глобални енергетски лидери, а истовремено и можност за зајакнување на нашето влијание во регионалните енергетски дискусии. Со фокус на усогласување на енергетските политики на земјата со пошироките трансатлантски стратегии, преку зајакнување на партнерствата со американските и европските лидери и привлекување на потенцијални инвестиции, во пракса ја реализираме посветеноста на енергетската безбедност и одржливост, што всушност е и еден од приоритетите за кои потенцирав дека ќе се фокусираме како Министерство. На овој начин и со активно вклучување ќе добиеме рамноправен статус и третман при обликувањето на политиките што се однесуваат на геополитичките предизвици кои влијаат на регионот.“ - изјави Министерката Божиновска.

Во излагањето Министерката Божиновска потенцираше дека Министерството за енергетика, рударство и минерални суровини активно работи на зајакнување на партнерствата во меѓународните институции кои соработуваат со државата во полето на енергетиката, како што се Европската банка за реконструкција и развој и Европската инвестициска банка. Исто така, подвлече дека покрај економската соработка исто така важна е и размената на знаење и добри практики од соседството и поширокиот регион. Покрај ова, исто така изјави дека зелената транзиција не е пожелна, туку неопходна за Македонија и за целиот регион, и дека истата претставува заедничка иницијатива која има за фокус подобра иднина на целиот регион.

Овој етаблиран настан претставува можност за приказ на енергетските приоритети на нашата држава на глобалната сцена и инволвираност во дискусиите за енергетската политика, безбедноста на снабдувањето и закрепнувањето на енергетскиот сектор во време на економска криза. Додека регионот продолжува да навигира помеѓу сложените геополитички тензии и тековната енергетска транзиција, оваа конференција обезбедува платформа за Македонија дополнително да ги зацврсти партнерствата во обликувањето на енергетската иднина на Европа.

Шоу биз

Актерката позната по хит серијата од 90-тите се разведува по 18 години брак

Кортни Торн-Смит, позната по улогата во серијата од 90-тите „Мелроуз Плејс“, поднесе барање за развод од сопругот Роџер Фишман по 18 години брак.

Како што откри американското списание „Пипл“, Торн-Смит (57) ги поднела документите без адвокат, наведувајќи „непомирливи разлики“ како причина за разводот.

Тие имаат син

Актерката побарала заедничко старателство над својот 17-годишен син, Џејкоб Емерсон.

Двојката се венчала на 1 јануари 2007 година, а според судските документи, тие живеат одвоено од септември 2021 година. Ова бил втор брак на Кортни Торн-Смит. Таа првпат била во брак со генетичарот Ендру Конрад од 2000 до 2001 година, со кого немала деца.

Нејзината кариера

Нејзината кариера започна во средината на 80-тите години, а таа се прослави со улогата на Алисон Паркер во серијата „Мелроуз Плејс“, каде што глумеше во 163 епизоди. Таа улога ѝ го донесе статусот на една од најпрепознатливите ТВ актерки од таа деценија.

После тоа, таа ја постигна значајната улога на Џорџи Јорк во серијата „Али МекБил“, каде што глумеше од 1997 до 2002 година. Нејзиниот лик беше спротивен на ексцентричната Али, што дополнително го истакна актерскиот опсег на Торн-Смит. Публиката ја памети и како Шерил од долгогодишната ситком серија „Како ќе каже Џим“, во која глумеше заедно со Џим Белуши од 2001 до 2009 година. Таа серија беше голем хит во американскиот ударен термин и се емитуваше цели осум сезони.

Покрај телевизијата, таа се појави во неколку филмови.

Покрај глумата, таа се занимаваше и со пишување - во 2007 година го објави романот „ Outside In “, лесна фикција за животот на една млада жена во Холивуд.

Извор: Индекс.хр

Фудбал

Милан бара од 15 до 18 милиони евра за Мората

Италијанскиот фудбалски гигант Милан одреди цена за својот напаѓач Алваро Мората, а заинтересираните клубови ќе мора да платат помеѓу 15 и 18 милиони евра за неговите услуги, објавија денеска италијанските медиуми.

Милан ја одреди цената по шпекулациите дека Комо е заинтересиран за Мората.

Мората е на позајмица во турскиот шампион Галатасарај до јануари 2026 година.

Медиумите наведуваат дека Милан ќесе обиде да го ангажира Мојзе Кин од Фиорентина и оти откупната клаузула која ќе се активира на 1 јули изнесува 52 милиони евра.

Манчестер Јунајтед, исто така, е заинтересиран за напаѓачот на Фиорентина.

Изминатата сезона Кин ја заврши на второто место на листата на стрелци о 19 голови./МИА

Тагови: Милан Мората

Свет

Утре вонреден состанок на МААЕ поради нападите на САД врз иранските објекти

-Со оглед на сè посериозната ситуација во врска со нуклеарната безбедност, Одборот на гувернери ќе се состане на вонредна седница утре, на која ќе зборувам, рече Гроси.

Генералниот директор на Меѓународната агенција за атомска енергија (МААЕ), Рафаел Маријано Гроси, денеска објави дека ќе свика вонреден состанок на Одборот на гувернери на МААЕ утре во 10 часот во седиштето на агенцијата во ОН во Виена поради „вонредната ситуација“ во Иран „по најновите напади врз нуклеарните објекти“, се вели на веб-страницата на организацијата.

-Со оглед на сè посериозната ситуација во врска со нуклеарната безбедност, Одборот на гувернери ќе се состане на вонредна седница утре, на која ќе зборувам, рече Гроси.

Генералниот директор рече дека иранските регулаторни власти ја информирале МААЕ дека нема зголемување на нивоата на зрачење надвор од тие локации по неодамнешните напади врз три ирански нуклеарни објекти, вклучувајќи го и објектот за збогатување ураниум во Фордо.

-Не очекуваме никакви здравствени последици за луѓето или животната средина надвор од целните локации, рече тој. „Ќе продолжиме да ја следиме и проценуваме ситуацијата во Иран и ќе обезбедиме дополнителни информации штом ќе бидат достапни“, рече Гроси.

Според најновите информации потврдени од МААЕ пред почетокот на израелскиот напад врз Иран на 13 јуни, трите локации што беа цел на САД синоќа - вклучувајќи ги Исфахан и Натанц - содржеа нуклеарен материјал во форма на ураниум збогатен до различен степен, што може да предизвика радиоактивна и хемиска контаминација во објектите што беа погодени, соопшти МААЕ.

Тагови: Иран МААЕ САД