Сојузот на синдикати на Македонија со ново барање за повисок минималец, на следниот состанок на Економско социјалниот совет ќе бараат 600 евра минимална плата – велат со месеци наназад минималната синдикална кошничка која ја пресметуваат со овие плати на работниците не може да се покрие.

Минимум 65 илјади денари месечно му се потребни на едно четири члено семејство само за основните потреби, доколку на ова се додадат трошоци за изнајмен стан од 60 квадрати тогаш сумата достигнвуа 80 500 денари – покажува последната пресметка на ССМ. Споредбено со претходниот месец минимлната синдикална кошничка бележи благо намалување од 370 денари главно во делот на храна и пијалаци, но од ССМ велат храната секојдневно е се поскапа и поскапа намалувањето во ноемвриската кошничка според потпретседателот на синдикатот Пешевски се должи пред се на акциски цени на сезонското овошје и зеленчук кои ги затекнале во маркетите.

„Има благо намалување кај портокалите, нешто зеленчук, но одо друга страна видовме дека јајцата како продукт се зголемени за 39 денари – кога ќе ставием се на кантар народски кажано повторно гледаме дека од ден во ден се е поскап животот на граѓаните и работниците и за таа цел ССМ направи истражување кое го презентиравме и на следната седница на ЕСС ќе бараме 600 евра минимална плата....“ - Иван Пешевски потпретседател на ССМ .

Во маркетите и на пазарите може да се забележи дека последниве две недели најголемо е поскапувањето кај јајцата - табла јајца достигна и 360 денари, а пакувањето од 6 или 10 јајца во одредени маркети се продава и по цени од 90 па се до 150 денари.... и последните податоци на статистика покажаа дека годишната инфлација изнесува 4,5 %...

Граѓаните кои ги анкетиравме сметаат дека надлежните треба да интервенираат со мерки за заштита на стандардот на граѓаните.

„Скапо е треба да се превземе нешто за да биде поевтино...Се е од увоз затоа, млечните производи се навистина скапи, еве сега земав сирење и стварно скапо е ....“

„Како за кого за некого се високи за некого не зависи кој колкви примања има... Треба да има секој да може да преживее....“

„Има квалитено ама за ова време скапо е... “

„Средно има и за богат има и за сиромав.. Табла јајца е од 300 до 350 денари... “

На последниот брифинг со новинарите министерот за економија Бесар Дурмиши рече дека во перидот кој следи ќе се анализираат цените на прехранбените поризводи, засега не се размислува за мерки, но ако има значително зголемување особено за време на празниците ќе интервенираат.

Во однос на минималецот дека согласно анализите кои ги направиле како министерство покажале дека во моментов нема никаква економска логика за нивно интервентно зголемување....

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.