Балкан

Мило:Курти си игра со оган, непромислен чин е насилното внесување на градоначалниците во Косово

Тој оцени дека Курти не може да побегне од времето и одговорноста да им претстави на меѓународните претставници план за Заедница на српски општини.

Поранешниот шеф на албанската дипломатија, еден од најпознатите историчари и универзитетски професор, Паскал Мило анализирајќи ја состојбата во северот на Косово, оценува дека дејствијата на косовските власти во четирите општини и судирите со тамошните Срби „можеби намерно ги направил премиерот Албин Курти поради тешката ситуација во која се наоѓа“.

Тој оцени дека Курти не може да побегне од времето и одговорноста да им претстави на меѓународните претставници план за Заедница на српски општини.

Тој нагласи дека секој план што ќе го претстави за Заедницата нема да може да ги задоволи меѓународните претсавници, но ќе предизвика незадоволство во Косово. И во овие услови, според него, премиерот на Косово си игра со оган.

-Не верувам дека Курти може да освои нешто, освен поддршката од симпатизерите на неговата партија и оние делови од населението на Косово кои бараат конфронтација и кои работат со националистички тези, без да го гледааат националниот интерес на сите на Косово. Сега му е потребна оваа поддршка бидејќи се соочува со деликатна одлука. Не може да избега од времето и одговорноста да ја даде својата верзија за Заедницата. Се очекуваше деновиве тој да ја достави верзијата на косовската влада за ЗСО наведува тој.

Како и да е, во секоја варијанта што ќе им ја достави на странците, посочува Мило, се подразбира дека тоа ќе биде меч со две острици, бидејќи нема да биде во согласност со она што западњаците сакаат да видат од Курти, а второ, што и да направи ќе предизвика незадоволство со ЗСО во Косово.

-Курти игра политички, но си игра и со оган. Не се знае како ќе се движи ситуацијата. Настаните се такви што имаме повторно затегнување на ситуацијата или во внатрешен план, во стабилност на целата земја или во меѓународен план, како што се додаваат прашалниците зад името на Курти. За начинот на кој води политика и колку е сигурен во односите со Соединетите Американски Држави. Во политиката има подеми и падови и никогаш нема долгорочна стабилност, рече Мило во гостување на Еуроњуз Албанија.

Според него „голем политички театар е она што се случи на северот на Косово пред два дена кога полицијата се судри со локалните Срби во обид да ги внесе во општинските згради новите градоначалници, што е целосно непромислен чекор на Курти“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед.

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

''Megan Fox'': Por la caripa que le quedó despues de tantas operaciones https://t.co/TceVR3CSNe
— Es tendencia en 𝕏 (@EsTendenciaEnX) October 8, 2026

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.