Мило Ѓукановиќ во паника - Канал 5

Балкан

Мило Ѓукановиќ во паника

Почна апсењето на крупните риби во Црна Гора

Мило Ѓукановиќ во паника

Директорот на управата за недвижнини на Црна Гора, Драган Ковачевиќ, кој беше уапсен вчера по наредба на Специјалното државно обвинителство, би можел да биде заштитен сведок во евентуалното судење против Мило Ѓукановиќ, бидејќи тој е човек кој ги знае сите тајни на црногорскиот претседател, сметаат соговорниците на Српски телеграф.

Ковачевиќ, инаку е член на Главниот одбор на Социјалдемократската партија, тој беше уапсен за изградба на куќа во морската зона, а зад решетки заврши и раководителката на Подрачната единицата на управата во Тиват, Ана Лакичевиќ. Акцијата ја спроведе специјален полициски тим.

- Правдата ќе тропне на вратите на сите што го прекршиле законот - напиша на својот профил на Твитер координаторот на сите безбедносни служби Дритан Абазовиќ и додаде дека борбата на новата влада против корупцијата е започната.

Професорот по меѓународно право Дејан Мировиќ за српски Телеграф вели дека ова е само почеток за пресметката со големиот криминал.

- Господинот кој беше уапсен треба да им ги објасни на истражните органи врските со поранешниот претседател на собранието, Иван Брајовиќ, а потоа сè до самиот врв, односно Мило Ѓукановиќ. Доколку обвиненијата се докажат, тој би можел да биде соработник сведок и да ни ја објасни улогата на Брајовиќ во сите криминални активности на Ѓукановиќ. Мислам дека постои политичка волја да се расчисти сè, бидејќи има многу луѓе во опкружувањето на Мило Ѓукановиќ кои треба да бидат приведени. Мислам дека следниот е господинот Брајовиќ, бидејќи тој не беше само политички шеф на Ковачевиќ, туку и претседател на Собранието и некој што е во најблискиот круг на Ѓукановиќ. Само на тој начин ќе се дојде до главата на криминалниот октопод на Мило - проценува Мировиќ.

Првото големо апсење беше одобрено од мнозинството на Црна Гора, иако има и такви кои стравуваат дека се работи за „замачкување очи“ бидејќи на чело на Специјалното обвинителство сè уште е Миливоје Катниќ, за кого опозицијата бараше смена поради лојалноста кон сегашниот режим и монтирање на случајот „државен удар“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На папата Лав XIV му е дијагностициран рак на белите дробови, но успешно е опериран соопшти Ватикан

На Папата Лав 14 му е дијагностициран рак на белите дробови, но успешно е опериран соопшти Ватикан .

На папата Лав XIV му е дијагностициран рак на белите дробови, но успешно е опериран соопшти Ватикан

71-годишниот папа бил подложен на 90-минутна операција во вторникот во болницата „Џемели“ во Рим, каде му бил дијагностициран аденокарцином на белите дробови.

„Операцијата беше успешна и немаше никакви компликации“, соопшти Ватикан. „По операцијата, папата се разбуди нормално и се врати по краток период на набљудување во својата соба“, додаде Ватикан. Грутката првпат била откриена за време на она што Ватикан го опиша како „рутински проверки“.

Се очекува папата да остане во болница околу една недела. Претходно, големи толпи чекаа со часови пред болницата на папата.Тие го поздравуваа со радосни поздрави и му посакуваа добро здравје додека поминуваше. Во своето соопштение, Ватикан соопшти дека целиот долен лобус на десниот белодроб на папата бил отстранет „за да се осигури дека постапката е успешна “. Извор од Ватикан изјави за новинската агенција „Франс прес“ дека се спроведуваат дополнителни тестови за да се види дали има некакви знаци дека ракот се проширил.

Папата во неделата ја објави веста за својата операција на светот, зборувајќи од балконот на плоштадот „Свети Петар“ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нема промена кај цените на горивата

Нема промена на цените на бензините и дизелот. Со најновата одлука на Регулаторната комисија за енергетика, Еуросупер БС-95 останува 98,50 денари за литар, Еуросупер БС-98 се продава по 100,50 денари, а дизелот по 97 денари за литар.

Нема промена кај цените на горивата

Единствено поскапува мазутот, за 2,14 денари и сега чини 51,74 денари за килограм. Во актуелните цени на горивата се вклучени владините мерки за намалено ДДВ на дизелот од 18 на 10%, како и намалената акциза за бензините и дизелот за 4 денари по литар..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР распиша меѓународна потерница по Ива Михаилова

Министерството за внатрешни работи распиша потерница по 23-годишната Ива Михаилова, по барање на Основниот суд во Кочани..

МВР распиша меѓународна потерница по Ива Михаилова

Лицето е барано по централна и меѓународна потерница по барање на Основен суд Кочани за кривично дело по член 300 став 4 и член 297 став 3 од кривичниот законик, објави МВР, откако Михаилова пред три дена побегна во Бугарија и беше утврдено дека таа нелегално ја напуштила земјава..

Претходно, судот во Кочани и одреди 30-дневен притвор на Михаилова, која е обвинета за предизвикување сообраќајна несреќа со смртни последици..

Иако таа и нејзиниот адвокат за бугарските медиуми изјавија дека легално ја поминале границата, од МВР соопштија дека на ниту еден граничен премин не е евидентиран нивни излез од Македонија, ниту влез во Бугарија..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер