Милиони Шпанци во транс: Конечно е извлечена „Ел Гордо“, најбогатата лотарија на светот - Канал 5

Забава

Милиони Шпанци во транс: Конечно е извлечена „Ел Гордо“, најбогатата лотарија на светот

На милиони Шпанци им требаше многу среќа и трпение оваа година кога на шпанската божиќна лотарија денеска беа извлечени среќните џекпот броеви на Ел Гордо.

Милиони Шпанци во транс: Конечно е извлечена „Ел Гордо“, најбогатата лотарија на светот

Главната премија Ел Гордо, по која е именувана лотаријата, изнесува четири милиони евра. Џекпотот е извлечен само на крајот на настанот, кој трае повеќе од четири часа, објавија шпанските медиуми.

Но, чекањето вредеше за среќните купувачи на тикетот со број 88008. Тие ќе имаат право да поделат парична награда во износ од четири милиони евра, без данок. За билет од 20 евра, среќните добитници имаат право на 400.000 евра или околу 328.000 евра по 20 отсто даночен одбиток.

Ритуалот на Ел Гордо е годишен настан кој следи воспоставена шема на пренос во живо со прикажани сите детали. Овогодинешното извлекување во живо започна утрово во девет часот во мадридскиот Театро Реал. Учениците од училиштето Илдефонсо како и секоја година на 22 декември ги објавуваа броевите на билетите и соодветните износи на награди.

Броевите се извлечени од две големи проѕирни топки: едната содржи 100.000 мали дрвени топчиња со петцифрени броеви, додека другата содржи 1907 топки со отпечатени награди. Топката потоа паѓа од двете сфери во исто време, а дури во 13:15 часот момчето ја извикува главната награда. Лотаријата е стара повеќе од 200 години, а секоја година се доделуваат голем број награди.

Со оглед на тоа што повеќето купуваат десетина билети за 20 евра, главните награди обично се 400 евра, минус 20 отсто данок, што значи дека големиот добитник е всушност државата. Вкупно имало тикети во вредност од 3,7 милијарди евра, а речиси 2,6 милијарди треба да се исплатат како добивка годинава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Судир во Анкара: Солзавец, апсења на протестот пред самитот на НАТО

Повеќе од 100 лица беа приведени во Анкара на протестот против НАТО организиран од Комунистичката партија на Турција, додека полицијата употреби солзавец за да го растури собирот.

Судир во Анкара: Солзавец, апсења на протестот пред самитот на НАТО

Турските власти приведоа повеќе од 100 лица кои учествуваа на протестот против НАТО организиран од Комунистичката партија на Турција (ТКП) во Анкара, пред самитот на алијансата во градот следната недела, соопшти ТКП.

Во соопштението, ТКП вели дека организирала протести против НАТО во Анкара и Истанбул во понеделник, објави Ројтерс. Полицијата употреби солзавец за да го растури протестот на централниот плоштад Кизилај во Анкара, приведувајќи повеќе од 100 членови на партијата, вклучувајќи администратори, додека немаше судири меѓу демонстрантите и полицијата на протестот во Истанбул, кој се одржа на плоштадот Таксим.

Снимките од протестите во Анкара покажаа демонстранти кои држат знамиња и извикуваат слогани како „Убиецу НАТО, напушти ја земјата“ и „Нема премин за НАТО“.

„Денес се собравме во многу делови од Турција за да протестираме против НАТО. Рековме дека нема да ја предадеме Анкара на поддржувачите на НАТО, дека нема да дозволиме Анкара да молчи. Го исполнивме тоа ветување“, изјави генералниот секретар на ТКП, Кемал Окутан, во Истанбул.

Турција ќе биде домаќин на лидери од 32 сојузнички земји во Анкара како претставници на НАТО партнери на самитот на НАТО на 7 и 8 јули. Властите ја зајакнаа безбедноста низ турската престолнина пред состанокот на НАТО, а протестите се забранети.

Извор: Б92

Тагови: Анкара НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пустинска тврдина: Египет направи воен комплекс поголем од Пентагон (ВИДЕО)

Египет го отвори „Октагонот“, нов штаб на своите вооружени сили кој се смета за најголем воен комплекс во светот, со присуство на претседателот ал-Сиси и голема воена церемонија.

Пустинска тврдина: Египет направи воен комплекс поголем од Пентагон (ВИДЕО)

Египет го отвори новиот штаб на своите вооружени сили во недела, кој се смета за најголем во светот. Претседателот Абдел Фатах ал-Сиси присуствуваше на отворањето, во ретко јавно појавување во воена униформа.

Комплексот „Октагон“ се состои од осум згради, секоја во форма на осмоаголник, и се протега на околу 90 квадратни километри - површина приближно со големина на Лисабон.

Објектот е значително поголем од Пентагон, седиштето на Министерството за одбрана на САД, што го прави најголемиот воено-административен комплекс во светот.

Ал-Сиси на отворањето рече дека комплексот е „доказ за волјата на една нација која знае дека ништо не е невозможно“.

Претседателот беше придружуван до комплексот со борбени хеликоптери.

Комплексот се наоѓа источно од Каиро, во новиот административен главен град во пустината. Проценките покажуваат дека изградбата чинела околу 50 милијарди евра, што го прави еден од најскапите проекти откако ал-Сиси дојде на власт. Во меѓувреме, Египет се соочува со една од најтешките економски кризи во последните децении, со надворешен долг од околу 143 милијарди евра.

Тагови: Египет Пентагон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Алчноста за пари на Апасиев пред реформите, Левица го блокира Изборниот законик

Апасиев повторно го погази зборот, алчни само за пари Левица го блокираат Изборниот законик.

ВМРО-ДПМНЕ: Алчноста за пари на Апасиев пред реформите, Левица го блокира Изборниот законик

Левица и Димитар Апасиев докажаа дека нивните зборови не вредат ништо кога ќе дојде време да се преземе одговорност.

Иако со консенсуз од сите политички партии беше прифатено она што Димитар Апасиев и Левица го бараа, а тоа е повеќе пари за финансирање на кампањата од Буџетот, квази левичарите денес тој договор го поништуваат.

Левица со денови јавно зборува за принципи, демократија и една изборна единица, а кога на маса беше ставен договор во кој беа прифатени нивните барања, решија да го блокираат процесот и Изборниот законик.

Левица на чело со Апасиев потврди дека нивната политика не се темели на принципи, туку на дневен политички маркетинг и пресметана конфронтација.

Левица избра да прави политички театар

И вештачки кризи со цел да соберат политички поен плус наместо напредок, реформи и современ и функционален Изборен законик.

Левица избра да се служи со провиден политички маневр иако фактите се јасни, беше постигнат широк политички консензус и беа прифатени решенија кои ги бараше и Левица.

Левица избега од договореното, Апасиев се повлече и одлучи да го блокираат процесот.

Граѓаните на дело го видоа лицемерието и двојните стандарди на Апасиев и Левица.

Единствено што му е важно на Апасиев се повеќе пари, Апасиев едно зборува пред камерите, друго прави зад затворени врати глумејќи тврдокорен.

Левица нуди само популизам. Левица нема решенија, Апасиев нуди само блокади.

На Македонија и се потребни институции што функционираат и политичари што стојат зад својот збор, а не политички претстави и евтини маневри како тие на Апасиев и Левица кои заедно со Венко Заев и СДС ги кочат реформите.

Граѓаните не им веруваат на квази политичари кои ги интересираат само сопствени интереси и пари, впрочем за тоа говорат и анкетите каде СДС и Левица ја губат поддршката од народот.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер