Според извештајот , околу 800 000 гласачи низ Европа нема да може да излезат на избортие за новиот состав на ЕП ,зашто им е одземено гласачмкото право поради загуба на правна способност, додека многу поголем број нема да гласаат поради различни технички и правни препреки.
Од одборот се загрижени зашто во девет земји членки на ЕУ лицата без правна способност автоматски го губат гласачкото право, а во седум земји за тоа решаваат судовите или докторите. Додека во некои земји оваа загуба на правото се однесува на тешко болните и неподвижни лица, во други земји лицата со инвалидитет се подвргнуваат на тестови , за да може да се покаже дека се способни за гласање и покрај физичкиот инвалидитет. Така , меѓу прашањата , кои треба да ги одговорат точно , овие лица треба да знаат која е брзината на светлоста или пак која била царицата Катерина.
Авторот на извештајот, Кшиштоф Патер спровел две анкети и вели дека податоците ја покажуваат грдата страна на Европа, далеку од мешународните правни акти и политичките декларации.
Така , на пример во 18 држави не ЕУ , слепите лица нема да може да гласаат сами. Во половина од земјите членки , нема регулиран пристап за инвалидизираните лица до гласачките места , а само во Шпанија , Луксембург и во Германија , сите може да гласаат и по пошта. Во Австрија , Ирска, Полска, Словенија и Шведска , сите кои не може да дојдат на гласачките места ќе може да гласаат по пошта.
Затоа, пак во 12 земји на инвалидизираните гласачи им е забрането да одберат гласачки места што им се достапни според нивниот инвалидитет. Нема да гласаат ниту оние кои се во болница. Во Бугарија се отвора гласачко место само доколку има над десет гласачи, во Полска 1 , а во Италија 200.
Во Хрватска и во Германија ќе има мобилни гласачки места , што на денот на изборите ќе ги посетуваат болниците и другите институции. Во Белгија , Грција и во Луксембург , гласањето е задолжително со закон , освен во Луксембург за оние над 75 години.
Во Белгија , секој што нема да излезе да гласа ќе плати казна од 40 до 80 евра за првото изостанување , а за следното казната е поголема и изнесува од 80 до 200 евра. Во Луксембург првата казна е од 100 до 250 евра , а следните казни се од 500 до 1 000 евра за неизлегување на избори.
Во Грција нема парични казни , па сепак со закон е задолжително излегувањето на избори.