МИЈАЧКО ЧЕВЛИЧЕ

РЕЦЕПТ НА СТЕВЧЕ НАУМОВСКИ.

Потребни состојки: 2 модри домати, 400 гр.мелено месо, 1 главица кромид, 2 чешни лук, 200 гр. кашкавал, 100 гр. кајмак, масло по потреба, сол, бибер и зачин од сув зеленчук по вкус.

Постапка:

Модрите домати се сечат на половина, се зачинуваат со сол и се пржат во масло од исечената страна.

Откако ќе се испржат се оставаат да се исцедат од маслото.

За тоа време во тава со загреано масло се става мелено месо да се пржи.

Откако меленото месо ќе добие златна боја се додава сечкан кромид и сечкан лук.

Се зачинува со сол, бибер и зачин од сув зеленчук по вкус и со продолжува со пржењето уште неколку минути.

Модрите домати се длабат и се полнат со меленото месо.

Се печат во загреана рерна околу 25 минути.

Потоа врз секој исполнет модар домат се става едно парче кашкавал и 1 лажица кајмак и се продолжува уште малку со печењето.

притисни ентер