Мицотакис: Пресретнувањето на иранските ракети во Саудиска Арабија од грчкиот систем Патриот беше строго одбранбена акција - Канал 5

Балкан

Мицотакис: Пресретнувањето на иранските ракети во Саудиска Арабија од грчкиот систем Патриот беше строго одбранбена акција

Станува збор за исклучиво одбранбена акција, во рамките на договорот со Саудиска Арабија.

Мицотакис: Пресретнувањето на иранските ракети во Саудиска Арабија од грчкиот систем Патриот беше строго одбранбена акција

Станува збор за исклучиво одбранбена акција, во рамките на договорот со Саудиска Арабија, која со години е стратешки партнер на нашата земја, посочи грчкиот премиер Кирјакос Мицотакис во однос на двете ирански ракети што вчера беа соборени од грчкиот систем Патриот, а се упатувале кон рафинерија во Саудиска Арабија, јави дописничката на МИА од Атина.

На прес-конференцијата по завршувањето на Самитот на ЕУ во Брисел, Мицотакис објасни дека системот Патриот е распореден во Саудиска Арабија од 2021 година со одлука на Владиниот совет за надворешна политика и одбрана, „во рамките на поширокиот напор за заштита на критични инфраструктури поврзани со безбедноста на снабдувањето со горива“ и нагласи дека вчерашното пресретнување „претставуваше строго одбранбена акција“ во рамките на билатералниот договор меѓу двете земји.

За критиките од опозицијата дека Владата ја вмешува земјата во војната, грчкиот премиер нагласи дека „не треба да се извлекуваат дополнителни заклучоци“.

- За оние кои се прашуваат „Добро како Грција има корист од ваква иницијатива?“, ќе кажам само едно: доколку овие рафинерии, една клучна рафинерија во Саудиска Арабија, навистина беше погодена, тогаш цената на нафтата денес ќе беше значително повисока. Затоа заштитата на клучните енергетски инфраструктури и од едната и од другата страни, треба да биде врвен приоритет. Грција и Франција имаа водечка улога и во Европскиот совет во потребата да се формулира предлог за мораториум што ќе исклучи какви било напади врз енергетски објекти, без разлика дали се наоѓаат во Иран или во земјите од Заливот, објасни Мицотакис.

Во однос на економските последици од кризата, посочи дека на Самитот имале детална дискусија, нагласи дека во заклучоците на Европски совет била вклучена формулација што „отвора порта за поголема флексибилност во донесувањето мерки и на национално и на европско ниво за справување со оваа вонредна криза“, но сепак додаде дека не може да открие повеќе детали.

- Ќе го повторам она што веќе го имам кажано, дека Владата е подготвена, во рамките на своите фискални можности, да се справи со последиците од зголемувањето на цените на горивата, а можеби и на електричната енергија. Но, сега не е време да говориме подетално за размислувањата што се во оваа насока, рече Мицотакис.

На новинарско прашање дали моменталната ситуација е енергетска криза или енергетски шок, објасни дека „засега станува збор за енергетски шок и треба да вложиме максимални напори за да гарантираме дека нема да прерасне во долгорочна енергетска криза“.

Во однос на бегалското прашање, уште еднаш повтори дека „Европската Унија како целина нема да ги повтори грешките од 2015 година“, нагласи дека Грција ги штити своите граници, но и дека „сите членки на Европскиот совет, преку заклучоците, јасно ставија до знаење дека нема да се дозволи масовен прилив на мигранти и бегалци во ЕУ“.

Тагови: Киријакос Мицотакис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Многу те сакам“: Лука Модриќ им ги разнежни срцата на фановите со нова објава

Лука Модриќ преку социјалните мрежи ѝ го честиташе деветтиот роденден на својата најмлада ќерка, Софија.

„Многу те сакам“: Лука Модриќ им ги разнежни срцата на фановите со нова објава

По тој повод, хрватскиот фудбалер сподели неколку фотографии на кои се заедно, придружени со кратка и емотивна порака.

На една од фотографиите, таткото и ќерката се насмеани додека позираат заедно, додека другите прикажуваат опуштени моменти од семејниот живот. На пример, на една фотографија се гледа како Софија седи на рамениците на татко ѝ, а на друга Модриќ ѝ помага да си ја исуши косата.

„Среќен роденден на мојата прекрасна и многу посебна мала принцеза! Многу те сакам!“, напиша Модриќ.

Најмладото од трите деца

Софија е најмладото дете на Лука и неговата сопруга, Вања Модриќ. Покрај неа, тие имаат син, Иван, и ќерка, Ема. Лука и Вања стапија во брак во 2010 година, а една година подоцна ја прославија и црковната венчавка во Загреб.

Модриќ честопати преку социјалните мрежи ги одбележува важните моменти од животот на своите деца, особено нивните родендени. Неговото семејство често го придружува на фудбалски настани. Сопругата и децата честопати го бодреле од трибините за време на клучни натпревари и му се придружувале во прославите по големите победи.

Извор: Индекс.хр

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов потег на Путин: Русите вежбаат со Кинезите, пристигна нуклеарно предупредување

Рускиот претседател Владимир Путин вчера присуствуваше на воена вежба на планините Урал, во која учествуваа војници од Кина и од неколку други земји.

Нов потег на Путин: Русите вежбаат со Кинезите, пристигна нуклеарно предупредување

Путин го посети воениот полигон во регионот Чељабинск за да ја следи завршната фаза од вежбата „Центар-2026“. Вежбата се одржа во склоп на вежбата „Интеракција-2026“, спроведена од членките на Организацијата на Договорот за колективна безбедност – безбедносен сојуз предводен од Москва, составен од неколку поранешни советски републики.

Путин изјави дека 47.000 војници учествуваат во вежбата „Центар-2026“, вежбајќи одбивање напади на 11 полигони и во Каспиското Море. Вежбата започна во понеделникот, а завршува денес.

Путин предупреди дека нема да се двоуми да употреби нуклеарно оружје за одбрана на Калининград.

„Околу 6.000 војници од Русија и од други земји учествуваа во завршната фаза на полигонот Чебаркул“, рече Путин.

YouTube video

Тој додаде дека делегации од 55 земји учествувале како набљудувачи.

Според извештаите на руските медиуми, во вежбата учествуваат воени единици од Белорусија, Киргистан и Таџикистан, заедно со војници од Кина, Монголија и Пакистан. За време на посетата, Путин изврши увид во различни видови вооружување, вклучително и новите беспилотни летала „Геран“ на млазен погон, кои руската војска ги користи во нападите врз Украина.

Посетата на Путин уследи еден ден откако Русија го предупреди НАТО дека нема да се двоуми да употреби нуклеарно оружје за одбрана на Калининград, доколку некоја членка на воениот сојуз се обиде да ја отсече таа руска ексклава на западот на земјата од остатокот на Русија.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер