Балкан

Мицотакис: Грција и Европа можат да работат заедно за справување со европските предизвици

Грција и Европа можат да работат заедно за да се соочат со европските предизвици, истакна грчкиот премиер Кирјакос Мицотакис во неговиот говор на крајот од тридневниот Конгрес на Нова демократија, јави дописничката на МИА од Атина.

Лидерот на владејачката партија и премиер на Грција детално се осврна на ситуацијата во земјата, на она што тие го постигнаа како Влада, говореше за европските предизвици, особено во пресрет на евроизборите во јуни.

Посочи дека Нова демократија е „партијата што ја задржа Грција во Европа кога беше во опасност и партијата што се обврза Грција да ја направи протагонист во Европа“, но и партијата која сега е подготвена да придонесе за новите европски предизвици.

Тој истакна дека голем демократски предизвик за Европа е одговорот на популизмот со кој веќе се соочуваат сите европски земји.

- Може да има различни имиња, може политички да е екстремно лев или радикално десен, но има потполно иста цел. Демагозите имаат само една цел: да ја скријат вистината, да ги оспорат институционалните столбови на демократијата и самата европска култура. И секогаш, сите популистички демагози сакаат да издигнат вештачки поделби, отворајќи го патот за авторитарни решенија и авторитарни лидерства. Тоа е нешто што Грција скапо го плати во минатото. Никогаш повеќе нема да дозволиме во Грција да се случи она што се случи во последната деценија, порача Мицотакис.

За европските избори потенцираше дека се одлучувачки и треба да се изберат европратеници со „европска логика“.

- Глас за Нова демократија на европските избори на 9 јуни значи „да“ за безбедноста, стабилноста и напредокот на земјата. Но, значи и уште нешто друго: значи „да“ за подобра Европа, која ќе биде заедно со нашата татковина, како што беше во последните пет години, истакна Мицотакис.

Тој додаде дека лично за него, секој глас на европските избори му дава „нова сила за се стреми кон она што ѝ е потребно на Грција“.

На последниот ден од Конгресот на Нова демократија што започна во петокот на делегатите им се обратија и кандидатката на Европската народна партија (ЕПП) за претседателката на ЕК, Урсула фон дер Лајен и претседателот на Република Кипар Никос Христодулидис.

Фон дер Лајен од Конгресот во Атина го означи и почетокот на нејзината кампања за европските избори во јуни.

Конгресот на Нова демократија оваа година е и јубилеен со оглед на тоа што партијата одбележува 50 години од формирањето, а се одржува во палатата Запио, каде што во 1979 година тогашниот премиер и лидер на НД Константинос Караманлис го потпиша протоколот за влез на Грција во европското семејство. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Нејзините раскошни облини и денес предизвикуваат воздишки

Таа беше и останува можеби најважниот топ-модел на 90-тите, нејзините раскошни облини и денес предизвикуваат воздишки

Хајди Клум уште еднаш докажа дека е мајка што изгледа супер привлечно и провокативно – особено кога носи бикини.

Со најновите фотографии, таа повторно ги „запали“ социјалните мрежи.

Позната по своите атрактивни изданија што измамуваат воздишки и погледи, манекенката Хајди Клум уште еднаш ги воодушеви своите верни обожаватели ширум светот. Таа неодамна позираше за најновата колекција костими за капење на брендот „Calzedonia“ и притоа покажа навистина многу.

Славната Хајди не се срамеше да ги покаже своите прекрасни облини на 54-годишна возраст и со тој потег предизвика восхит кај многумина. Како што може да се види, таа позираше во различни модели и дезени на бикини, но најголемо внимание привлече оној со животински дезен.

Инаку, овој модел на бикини е најголемиот летен хит и оваа година, а Хајди покажа како да се носи.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Започнува јавната анкета за Нацрт ДУП-от „Барутана“, граѓаните директно вклучени во одлучувањетo

Општина Центар започнува јавна анкета по Нацрт Деталниот урбанистички план за Градска четврт Ј 05 – Барутана, продолжувајќи ја практиката на транспарентно урбанистичко планирање и активно учество на граѓаните во процесите на донесување одлуки.

Градоначалникот Горан Герасимовски ги повика жителите активно да се вклучат и да достават свои предлози, мислења и забелешки.

„Ниту една одлука не е само моја, ниту само на Општината или Советот. Одлуките треба да ги носиме заедно со граѓаните. Затоа ги повикувам сите жители да се вклучат во јавната анкета, бидејќи секое мислење е важно и секој предлог заслужува внимание. Само преку отворен дијалог можеме да носиме одлуки што ќе бидат во интерес на граѓаните“, порача Герасимовски.

Јавната анкета ќе се спроведува во периодот од 13 август до 14 септември 2026 година.

Граѓаните ќе можат да пополнат анкетни листови во писмена форма, секој работен ден од 08:00 до 16:00 часот, во просториите на ООУ „Кочо Рацин“ (ул. „Салвадор Аљенде“ бр. 2), каде што нацрт-планот ќе биде изложен во хартиена форма.

Анкетните листови ќе бидат достапни и во електронска форма преку веб-страницата на Општина Центар www.centar.gov.mk, како и преку информацискиот систем е-урбанизам www.e-urbanizam.mk.

Дополнително, јавната презентација на Нацрт ДУП-от ќе се одржи на 3 септември 2026 година, со почеток во 12.00 часот, во просториите на Општина Центар (ул. „Михаил Цоков“ бр. 1), во сала за состаноци, барака 6.

Нацрт-Деталниот урбанистички план се однесува на Градска четврт Ј 05 – Барутана, за планскиот период 2025–2030 година.

Планскиот опфат е дефиниран на север, исток и запад по оска на новопланираната собирна улица „Јужна обиколница“, а на југ по границата на Генералниот урбанистички план на Град Скопје. Вкупната површина на планскиот опфат изнесува 6,89 хектари..

За дополнителни информации, граѓаните можат да се обратат на телефоните 02/3203-605 и 02/3203-660, или на е-пошта [email protected].

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп одговори на условите на Иран за мировен договор:иран да плати отштета за луѓето убиени во војни и протести

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Американскиот претседател Трамп вчера одговори на условите на Иран за мировен договор со свои барања иран да плати отштета за луѓето убиени во војни, напади и протести, во реторичка ескалација што веројатно ќе ги комплицира напорите за повторно отворање на Ормутскиот Теснец.

Предлогот на Трамп е одговор на барањата на Техеран за компензација и укинување на санкциите. Иранските барања беа во голема мера во согласност со условите на прелиминарниот мировен договор потпишан во јуни, кој пропадна.

Откако започна војната во февруари, Трамп постојано осцилира помеѓу заканите за ескалација и тврдењата дека мировниот договор е неизбежен.

„Ќе побараме пари за штетата што ја направија во период од 50 години“, рече Трамп во Белата куќа, велејќи дека исплатите ќе ги покријат смртните случаи и за цивилните демонстранти и за американските сили во регионот.

„Значи, ако има штети што треба да се платат, мислам дека иран треба да ги плати тие штети“, рече Трамп.

Цените на нафтата вчера се зголемија за 5% откако барањата ги намалија изгледите за договор за повторно отворање на Теснецот.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.