Лидерот на ВМРО-ДПМНЕ Христијан Мицкоски тврди дека до него допираат информации оти во работната група за уставни измени се разговара не само за внесување на бугарското малцинство во Преамбулата, туку како што вели, и целосно редефинирање на Македонија. Да биде бинационална држава во која ќе постојат два народи, неколку заедници и трета категорија - малцинства. Според него, ова е пат кон федерализација на државата.

- Тоа што ме загрижува е дека до мене допираат информации дека не се зборува само за внесување на она минимално бугарско малцинство во Преамбулата туку се зборува и за целосно редефинирање на Македонија како држава. Да биде бинационална во која што ќе постојат два народи, неколку етнички заедници кои сега се дел од народ во рамките на Премабулата и сето останато над одреден процент поврзан со пописот да бидат малцинства. Уште фали да се исцртаат границите и Македонија и формално да биде федерална држава, изјави претседателот на ВМРО-ДПМНЕ, Христијан Мицкоски.

Време е за глас за Европа во македонското Собрание а не за нови бесмислени измислици кои немаат никаква врска со реалноста, одговорија од СДСМ, од каде изјавите на Мицкоски за редефинирање на државата ги оценија како бесмислени и уште еднаш го повикаа да одговори дали ќе се приклучи на европскиот блок.

- Сега наместо ВМРО-ДПМНЕ да одговори дали ќе се приклучи на европскиот блок или ќе остане во заложништво на Левица, Мицкоски измислува нова глупост за наводно редифинарање на државата. Очигледна е намерата Мицкоски и ВМРО-ДПМНЕ да побегнат од одлуката дали ќе се приклучат на проевропскиот блок или ќе останат со левица во анти ервопскиот. Стар и веќе виден пристап на сеење лаги, како што беше за бугаризација, асимилација, мигранти, кантонизација и што ли уште не, изјави Лазаревска од СДСМ.

Следната следница на работната група за уставните измени е закажана за во петок, на 26 мај. Претседателката на телото, Маргарита Цаца Николовска по последната средба минатата недела изјави дека нивен приоритет се уставните измени за внесување на Бугарите, како услов од договорот со ЕУ, а не и други барања кои провејуваат во јавноста.