Мицкоски за односите со Бугарија: Нема брзоплети чекори, потребни се доверба, гаранции и присуство на ЕУ - Канал 5

Македонија

Мицкоски за односите со Бугарија: Нема брзоплети чекори, потребни се доверба, гаранции и присуство на ЕУ

Без брзоплети одлуки и без нов процес чиј крај не е однапред предвидлив – премиерот Христијан Мицкоски од Вашингтон испрати јасна порака за натамошните чекори на Македонија во спорот со Бугарија. 

Мицкоски за односите со Бугарија: Нема брзоплети чекори, потребни се доверба, гаранции и присуство на ЕУ

Вели дека е свесен за политичката реалност, но и за последиците од политиките на претходните влади. Во интервју за МИА, Мицкоски открива дека односите со Софија се неизбежна тема во разговорите во САД, особено на средбите со претставници на Советот и Комисијата.

Мицкоски оценува дека македонските позиции веќе привлекуваат внимание кај меѓународните партнери, особено во Европа, но посочува дека пред почетокот на каков било нов процес, најпрво мора да се изгради меѓусебна доверба.

„Подготвени сме да аргументираме, а ако аргументите на соговорникот се посилни од нашите, подготвени сме и да ги прифатиме. Не се инаетиме и не сме тврдоглави. Нашата цел е македонската вистина и стратегија да ги претставиме на најдобар можен начин. Никогаш нема да влезам во процес без да имам предвидлив крај. За да дојдеме до таков процес, најпрвин треба да изградиме доверба, а за тоа мора да разговараме. Желбата треба да постои од двете страни, бидејќи ова е двонасочна улица“, рече Мицкоски.

Пораките на премиерот доаѓаат откако еврокомесарката за проширување Марта Кос повтори дека уставните измени мора да се случат за земјава да продолжи напред во евроинтегративниот процес.

Во нејзиниот последен јавен настап, вчера за време на посетата на Финска, Кос призна дека Македонија предолго чека пред вратите на Европската Унија. Таа порача дека, како Словенка која и самата живеела надвор од ЕУ, добро го разбира долгото чекање и дека е подготвена да работи на забрзување на европската интеграција на земјите од поранешна Југославија.

„Многу земји, како Македонија, се кандидати од 2005 година и сè уште не сме почнале вистински. Живеев надвор од ЕУ и знам колку копнеевме толку години. Копнеевме, имавме желба да станеме земја членка. Сега сум подготвена да направам сè за да им овозможиме на другите земји, особено од територијата на поранешна Југославија.“- изјави Марта Кос – еврокомесарка за проширување.

Дека македонското чекање трае предолго порача и финскиот министер за европски прашања Јоаким Странд.

„Не можеме да имаме случаи како Македонија, која чека на редот за влез во ЕУ повеќе од 20 години. Бидејќи младата популација која сака да ја види иднината во Европа, наместо на друго место, нема да биде млада и мотивирана 25 години.“ изјави Јоаким Странд – фински министер за европски прашања.

Инаку планот за раст и напредокот на земјите кандидатки ќе бидат во фокусот и на претстојната посета на претседателката на Европската комисија Урсула фон дер Лајен, во рамки на нејзината тридневна балканска турнеја. Европската комисија потврди дека Фон дер Лајен од 30 септември ќе ги посети Албанија, Косово, Црна Гора и Македонија. Според најавената агенда, посетата на Скопје се очекува на 2 октомври.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер