Мицкоски: Во недела излезете масовно и гласајте за Стојанчо Радичевски за да не дозволиме повторно да ни се случи СДС - Канал 5

Македонија

Мицкоски: Во недела излезете масовно и гласајте за Стојанчо Радичевски за да не дозволиме повторно да ни се случи СДС

„Браќа и сестри, да не дозволиме разликите да бидат посилни од она што не поврзува, да не дозволиме разочарувањата да бидат поголеми од надежта и да не дозволиме минатото да ја зароби иднината. 

Мицкоски: Во недела излезете масовно и гласајте за Стојанчо Радичевски за да не дозволиме повторно да ни се случи СДС

„Нема да не прашуваат колку политички противници сме победиле, туку колку проблеми сме решиле и нема да не паметат по функциите што сме ги имале, туку по делата што сме ги направиле“, порача претседателот на ВМРО-ДПМНЕ од завршниот митинг во општина Брвеница, во рамките на предвремените локални избори.

Мицкоски упати порака до родителите да се сетат на минатите години на власт на СДС кога учебници за нивните деца во училиште немаше и кога наставниците беа принудени да им диктираат лекции, за разлика од сега во период на Влада предводена од ВМРО-ДПМНЕ кога сите учебници се доставуваат до училиштата уште пред почетокот на учебната година.

„Сакам да упатам порака и до пензионерите. Сетете се кога пред неколку години пензијата се зголемуваше за 100, 150, 200 денари и денеска кога во овие 24,25 месеци од Владата предводена од ВМРО-ДПМНЕ и коалицијата, платата на работниците и пензијата на пензионерите се зголемуваше линеарно повеќе од 7.000 денари. Сетете се дека и тоа не е можеби доволно, но е многу повеќе од тоа што се случуваше претходно“, рече Мицкоски.

Мојата порака вечерва, додаде Мицкоски, е и до земјоделците да се сетат кога власта предводена од СДС им должеше две годинишни програми, а денеска без ни малку срам и чувство на вина излегуваат во Собранието и предлагаат небулозни закони, закони коишто ниту тие коишто ги предлагаат не можат да ги разберат онака како што ги напишале.

„И, додека тие мислат дека ние сме го изгубиле помнењето и дека не се сеќаваме за тоа што се случило, ние мораме да излеземе во недела масовно и да го заокружиме бројот 1 за Цоки и да им докажеме дека помниме и дека никогаш нема да дозволиме повторно тие да ни се случат“, порача Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ким Кардашијан позира на Филипините во фустан направен од јажиња (ФОТО)

Ким Кардашијан сподели серија фотографии на Инстаграм од нејзиното патување на Филипините, каде што замина пред својот 46-ти роденден, кој ќе го прослави следната недела.

Ким Кардашијан позира на Филипините во фустан направен од јажиња (ФОТО)

На сликите, кои таа ги опиша како „роденденска авантура“, се гледа како ужива во зајдисонце, романтична вечера, огномет и нуркање.

Една објава особено привлекува внимание: на неа таа носи фустан направен целосно од јажиња што ѝ ги покриваат градите. Ова е само една од неколкуте провокативни комбинации што таа ги сподели со своите следбеници.

Моменти поминати со нејзиното момче

На некои од фотографиите од Филипините, таа е во друштво на своето момче, возачот во Формула 1, Луис Хамилтон. Парот беше заедно и минатата недела во Сингапур, каде што Кардашијан го бодреше Хамилтон на една трка. Таа беше фотографирана облечена во полупроѕирен розов фустан.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Италија: Учениците и студентите се судрија со полицијата (ВИДЕО)

Антивладините протести на студенти и средношколци продолжија во голем број градови низ Италија, а за време на демонстрациите избувнаа неколку инциденти во кои незадоволните демонстранти се судрија со полицијата.

Хаос во Италија: Учениците и студентите се судрија со полицијата (ВИДЕО)

Средношколци и студенти, кои бараат државата да издвои повеќе средства за училиштата и универзитетите, фрлаа камења, јајца и ракети кон полицијата во Торино, јавува агенцијата ANSA.

Безбедносните сили активираа водни топови и солзавец, додека од градскиот плоштад одекнуваа скандирања „Сите ја мразат полицијата“. Полицијата ги потисна демонстрантите додека тие извикуваа слогани како „Пари за училишта, а не за војна“ и „Помалку оружје, повеќе права“.

Објавени се и снимки на кои се гледа како демонстрантите фрлаат огномет кон зградата на Министерството за образование во Рим. Знамињата на Соединетите Американски Држави (САД) и Израел беа запалени за време на студентскиот протест во тој град.

Меѓу демонстрантите во Рим, беа видени и демонстранти со качулки на главите, јавува агенцијата Adnkronos.

Почнувајќи од Пјаца дел Ескилино, студентите кои маршираа низ Рим за протестот „Ден без Мелони“ стигнаа до Виале Трастевере, каде што се наоѓа Министерството за образование, меѓу петарди, димни бомби и сирени. Студентите пееја и извикуваа „Валдитара, отвори ги вратите!“, според Аднкронос.

Протестниот марш во Болоња, во кој учествуваа околу илјада студенти, беше организиран на булеварите, со блокиран сообраќај на неколку места, а во близина на железничката станица, учесниците на протестот беа запрени од безбедносните сили во опрема за немири, објави италијанскиот јавен сервис РАИ.

Студентите запалија димни бомби и фрлаа шишиња, по што дојде до краток судир кога полицајците ги потиснаа со штитови.

По завршувањето на студентскиот протест во Милано, учесниците ја окупираа поранешната мртовечница на многу прометната Виа Франческо Сфорца, зад Државниот универзитет.

Во Верона утрово, група бунтовни ученици запалија контејнери на улица до стручно училиште, а 10 студенти беа испрашувани за инцидентот. Околу 2.000 студенти се собраа во Фиренца на протест, развевајќи голем транспарент на кој пишуваше „Ако ни ја одземете иднината, ќе ви ја блокираме сегашноста“.

Тагови: италија ученици

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелски рабин издаде верска наредба да се крадат палестинските маслинки (ВИДЕО)

Истакнат израелски рабин објави религиозен декрет со кој им се дозволува на израелските доселеници да берат маслинки од палестинските имоти на окупираниот Западен Брег. 

Израелски рабин издаде верска наредба да се крадат палестинските маслинки (ВИДЕО)

Според декретот на Дов Лиор, еден од највлијателните религиозни водачи меѓу доселеничката заедница, самата жетва „докажува еврејско сопствеништво врз таа земја“.

Лиор тврди во декретот дека Палестинците не ја поседуваат земјата на која живеат бидејќи не ја купиле од „израелскиот народ“ или од кој било Евреин. Тој ја опишува таа земја како „украден имот“. Тој се повикува на еврејските религиозни закони и наведува дека сопственоста врз земјата не може да се пренесе со кражба. Затоа, според него, палестинската земја останува сопственост на „израелскиот народ“.

Тој додава дека садењето маслинки не им дава на Палестинците право на земјата или нејзините плодови. Лиор верува дека Палестинците веќе добиле доволна компензација за садење дрвја бидејќи ја користеле културата со години, и вели дека и земјата и плодовите треба да се вратат на она што тој го нарекува „правилни сопственици“.

Регулатива во контекст на напади врз земјоделците

Одлуката беше објавена во време на зголемени напади од страна на доселениците врз Палестинците и нивниот имот, особено насочени кон земјоделците за време на сезоната на берба на маслинки. Нападите вклучуваат физичко насилство, забрана за пристап до полиња, уништување на дрвја и кражба на посеви. Вакви инциденти се повторуваат секоја година во октомври, а овој месец се забележува значително зголемување на нападите.

Уредбата на Лиор не е ограничена само на земјиште во близина на нелегални населби, туку им дозволува и на доселениците да земаат маслинки од подалечни палестински области.

Тврдења за неказнивост и правен статус

Палестинските, израелските и меѓународните организации за човекови права ги обвинуваат израелските власти дека не го спречуваат насилството на доселениците и не ги казнуваат сторителите. Тие истакнуваат дека целите на нападите се палестински домови, земјоделско земјиште и возила.

Според меѓународното право, израелските населби изградени на окупираната палестинска територија се сметаат за нелегални. Палестинците инсистираат на своето право на земјиштето и се спротивставуваат на обидите да им се одземе.

Тагови: рабин маслинки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер