Македонија

Мицкоски: Уставни измени во овој пратенички состав под бугарски диктат нема да има

Планот на власта за почеток на промената на Уставот од мај или јуни нема да успее, пораките од Борел и Вархеји ги цениме, но не може да делуваме под бугарски диктат- изјави лидерот на ВМРО-ДПМНЕ Христијан Мицкоски. 

По изјавите од Скопје на високиот претставник на ЕУ и еврокомесарот за проширување дека треба да помогнат сите македонски политичари и преговарачката рамка во иднина не може да се репреговара, Мицкоски побара од нив да имаат слух и за ставот на опозицијата. Според него условот од Бугарија е проблем создаден од СДСМ и ДУИ, а ВМРО-ДПМНЕ по следните избори е убеден дека ќе најде решение за продолжување на евроинтеграциите.

-Ние ги цениме изјавите и коментарите на европските дипломати и политичари, исто како што би ценеле пред да носат одлуки да не прашаат и нас како ВМРО-ДПМНЕ, но и да го прашаат народот дали се согласува../. ВМРО-ДПМНЕ не бега од разговори за иднината на македонскиот народ. - Христијан Мицкоски – претседател на ВМРО-ДПМНЕ

Со сличен став е и поранешниот амбасадор во Бугарија Марјан Ѓорчев, сега советник Мицкоски... Тој за Канал 5 вели дека е очекувано меѓуанродните претстваници да посакуваат успешно затворање на секој пробелм, без разлика на квалитетот на тоа решение..

-Изјавата на Борел дека никогаш повеќе нема да добиеме нова преговарачка рамка е малку чудна, знаејќи го процесот како се пристапува кон ЕУ. Нашата правна рамка е Спогодбата за стабилизација и асоцијација и Копенхашките критериуми, Борел и Вархеји сигурно многу добро знаат дека кон Македонија е пристапено како со држава со попреченост, е сега ние треба да одбереме дали сакаме да останеме така или пак да се избориме за понатамошно чекорење кон ЕУ како сите други држави кои станале членки. - Марјан Ѓорчев – поранешен амбасадор во Бугарија

Вчера по состанокот на Советот за стабилизација и асоцијација Борел и Вархеји изјавија и дека со вметнувањето на Бугарите во македонскиот устав нема да се загрози македонскиот идентитет. За очекувањата на власта Македонија да стане полноправна членка на унијата до 2030 година, еврокомесарот за проширување одговори дека е оптимист, но се зависи од напредокот на земјава.

Свет

Уапсени се 13 членови на „балканскиот картел“, шпанската полиција им влезе во бункерот (ВИДЕО)

Агенти на Националната полиција во Шпанија, во соработка со своите колеги од Србија, разбиле криминална организација со српско потекло во Барселона, која наводно се занимавала со меѓународен шверц на дрога.

По тој повод, како што јавија шпанските медиуми, откриени се пет плантажи со марихуана во кои се запленети повеќе од 37.000 растенија.

Во шест провинциски општини уапсени се 13 лица и извршени се шест претреси во кои се запленети 25 килограми пупки марихуана и 32.000 евра во кеш, пишува Блиц.

Насадите се наоѓале во населени места, далеку од урбаните центри, а најголемите ги сместиле во напуштен хостел, кој претходно го претвориле во бункер.

Како што се наведува понатаму, освен трговија со дрога, осомничените им доставувале и таканаречени растенија „бејби“ на продавачите во Барселона.

Истрагата започнала во јануари годинава како резултат на размена на информации меѓу српската и шпанската полиција за водачот на криминална група од српско потекло кои живееле во Шпанија и биле особено активни во трговијата со дрога со своите роднини од иста националност.

„Откако истражителите ги лоцирале и идентификувале сите членови на организацијата, откриле дека тие биле задолжени за управување со експлоатација на неколку насади со марихуана во различни делови на провинцијата Барселона. Организацијата била структурирана на пирамидален начин, со јасна распределба на функциите кои сите нејзини членови ги знаеле и ги извршувале координирано и подредено, со целосна дискреција во комуникацијата со цел да се гарантира нивната безбедност“, вели изворот за шпанскиот медиум. Покрај наведеното, полицијата конфискувала и три мобилни телефони и едно возило.

Шоу биз

Ева Лонгрија среде улица ги соблече високите сандали и одеше боса (ВИДЕО)

Ева Лонгорија била на настанот на американското издание на магазинот Elle во Лос Анџелес.

Таа за оваа прилика облече долг сребрен фустан кој го истакна нејзиното деколте и потпетиците во иста боја.

Но, изгледа дека чевлите не ѝ биле баш удобни. Додека се шетала со пријателките по настанот, Ева застанала на сред улица и ги соблекла штиклите, а папараците го снимиле тој момент. Остатокот од патот продолжи боса.

Во оваа ситуација можеа да се препознаат голем број жени бидејќи секоја од нив барем еднаш одела дома боса по ноќно излегување.

Потсетуваме дека оваа есен почина актерот Тајлер Кристофер, поранешниот сопруг на Ева, а многумина ја осудија актерката. Имено, наместо посвета на Кристофер, успехот кој го постигна актерката го сподели во магазинот Тајм. Додека едни ѝ честитаа за успехот, други беа лути што таа не му посветила објава на нејзиниот починат поранешен сопруг.

„А што е со Тајлер?“, „Таа не коментираше, а тој беше толку прекрасен човек“, „Би требало барем да напишеш нешто за бившиот“, „Тој не се ни олади, а ти се фалиш“. „Мислам дека Ева и Тајлер не беа во најдобри односи, па можеби сака да ги задржи чувствата за себе“, се дел од коментарите.

Да потсетиме, Кристофер беше во брак со ѕвездата од серијата „Очајни домаќинки“ од 2002 до 2004 година.

Живот

Сите бегаат од поплавите, а еден човек има друг проблем- снимката е хит (ВИДЕО)

Циклонот Михаунг предизвика големи поплави во Индија, а следното видео е снимено во областа Ченаи.

Многу жители на главниот град Тамил Наду се во сериозни проблеми поради поплавите. Сепак, среде хаосот, поединци се обидоа да го извлечат најдоброто од најлошото.

На социјалните мрежи кружи снимка од маж кој лови риба во надојдената вода. Наводно сѐ било снимено во населбата Тарамани, пренесува Times Now News.

Човек во кабаница уловил голема риба, но тешко ја контролирал. Корисниците најмногу на шега коментираа на сцената.

„Кога ќе добиеш поплава, оди на риболов“, напиша една личност.

Имало и такви кои изразиле загриженост за подводниот свет и опасноста што ги снашла.

„Поплавите предизвикаа многу проблеми, но долгорочно придонесуваат за опстанок на одредени видови. Оваа ситуација им дава можност да мигрираат во различни зони и да одржуваат генетска разновидност“, напишал еден човек.

притисни ентер