Мицкоски со повик до партиите да застанат во одбрана на македонските национални интереси - Канал 5

Македонија

Мицкоски со повик до партиите да застанат во одбрана на македонските национални интереси

Сите политички чинители да се обединат и да застанат во одбрана на македонските национални интереси, повика премиерот Мицкоски, во пресрет на дебатата во Европскиот Парламент за една недела во Стразбур

Мицкоски со повик до партиите да застанат во одбрана на македонските национални интереси

Сите политички чинители да се обединат и да застанат во одбрана на македонските национални интереси, повика премиерот Мицкоски, во пресрет на дебатата во Европскиот Парламент за една недела во Стразбур, на чиј дневен ред е извештајот за напредокот на Македонија.

Според информациите, во документот во неколку наврати експлицитно се потврдува постоење на вековен посебен македонски идентитет и јазик, формулација која ѝ боде очи на Бугарија, а која веќе најави дипломатска офанзива и дома и надвор. Мицкоски најавува дека уште вечерва ќе се подготви стратегија и преку директни средби со европратеници да се одбрани нацрт текстот на резолуцијата.

-За жал, повторно од исток стигнуваат поинакви коментари и гласови. Но да видиме како ова ќе заврши. Ги повикувам сите политички чинители во Македонија да се обединат и да почнат од денеска да вртат на своите сестрински парти кои имаа евроопратеници во ЕП. Знам дека СДСМ е дел од такво семејство, исто и политичката партија ЛДП. Очекувам европратениците едногласно да го усвојат овој извештај во кој се потврудва многувековниот посебен идентитет и посебниот јазик. , изјави Христијан Мицкоски, претседател на владата.

Дека во Стразбур се подготвувал извештај кој не е по мерка на Софија, алармираше пратеникот од владеачката „Има таков народ“, Станислав Балабанов, кој го обвини го известувачот за Македонија Томас Вајц и автор на извештајот за антибугарски ставови. Воедно ги повика сите бугарски европарламентарци, но и бугарскиот државен врв да се активираат.

-Нашиот претставник во ЕП, Ивајчо Валчев испрати писмо од претседателката на ЕП, Роберта Мецола, во кое посочува за загрижувачки факти за начинот на кој се воделе состановите за извештајот за напредокот на Македонија и дава примиери за голем број дејствија од самиот главен известувач. , изјави Станислав Балабанов, пратеник од „Има таков народ“.

Мицкоски денеска информираше дека засега нема никаков коментар од кабинетот на Радев во однос на иницијативата за средба со македонската претседателка Сиљановска Давкова на НАТО Самитот во Хаг, но ако се судело според изјавата на бугарскиот европратеник Андреј Ковачев дека на Софија не ѝ е потребна медијација, отворената понуда на Австрија веројатно се смета за одбиена.

Тагови: евроинтеграциските процеси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Посетата на Претседателот на Европскиот совет, Антонио Кошта, претставува значајна потврда дека Република Македонија успешно ја спроведува реформската агенда и испорачува конкретни резултати во процесот на европска интеграција.

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Движењето ЗНАМ за Наша Македонија ја поздравува пораката што произлегува од оваа посета, дека реформите се препознаени, а напредокот на државата е видлив и признаен од европските институции.

Тоа е потврда дека Македонија чекори во вистинска насока и дека вложените напори даваат резултати.

Денес Македонија е препознаена како една од најуспешните земји во регионот во спроведувањето на реформските процеси. Особено значајно е што токму ресорите предводени од кадри на ЗНАМ се меѓу клучните носители на реформскиот напредок, институционалната модернизација и ефикасното спроведување на владините политики.

Министерството за правда и Министерството за јавна администрација, предводени од министри на ЗНАМ, покажаа дека реформите не се само декларативна заложба, туку конкретна акција што носи мерливи резултати.

Со професионален пристап, одговорност и јасна визија, тие успеаја да реализираат политики кои ја зајакнуваат правната држава, ја модернизираат администрацијата и ги доближуваат институциите до европските стандарди.

Овие резултати денес се препознаени и од нашите европски партнери, што претставува дополнителен поттик за уште посилно темпо на реформи и развој.

Но едновремено, како што реформите и резултатите не смеат да бидат доведени во прашање, така не смеат да бидат доведени во прашање ниту македонското достоинство, идентитет и националните интереси.

Токму затоа заштитата на националното достоинство останува нашата црвена линија.

Остануваме доследни на ставот дека европската интеграција мора да биде процес заснован на вредности, критериуми и заслуги, а не процес на постојани билатерални условувања.

Македонија припаѓа во Европската Унија поради својата европска определба, својата култура, историја и вредности, но пред се заради реформите што ги спроведува и резултатите што ги постигнува.

Движењето ЗНАМ цврсто стои на позицијата дека членството во Европската Унија мора да биде резултат на исполнети критериуми и успешни реформи, а не на нови политички барања кои ги надминуваат европските принципи и стандарди.

Нашата поддршка за европската иднина на Македонија е недвосмислена, но исто така недвосмислена е и нашата определба дека нема да прифатиме политика на уцени, диктати и бесконечно поместување на целта.

Македонија останува посветена на европскиот пат, со крената глава и со самодоверба. Ќе продолжиме да спроведуваме реформи, да испорачуваме резултати и да ја градиме европската иднина на државата, но едновремено ќе останеме цврсти во одбраната на националното достоинство, кое за нас претставува непремостлива црвена линија.

Движењето ЗНАМ за Наша Македонија ќе продолжи да биде двигател на реформите, чувар на националните интереси и силен глас за европска Македонија која напредува врз основа на сопствените успеси, а не под товарот на нови условувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер