Мицкоски: Растот на градежништвото охрабрува, очекуваме позитивно влијание врз БДП - Канал 5

Македонија

Мицкоски: Растот на градежништвото охрабрува, очекуваме позитивно влијание врз БДП

Економијата е еден од главните приоритети на оваа Влада. Како дел од економијата е и градежништвото, се разбира.

Мицкоски: Растот на градежништвото охрабрува, очекуваме позитивно влијание врз БДП

Претседателот на Владата на Република Македонија, Христијан Мицкоски, денеска, одговарајќи на новинарско прашање за последните податоци за градежништвото, рече дека доколку се погледнат сите параметри, ќе се дојде до заклучок дека градежништвото има раст од 30 проценти во делот на издадени одобренија за градење.

„Економијата е еден од главните приоритети на оваа Влада. Како дел од економијата е и градежништвото, се разбира. И кога ќе ги погледнете последните параметри, ќе дојдете до заклучок дека градежништвото расте со стапка поголема од 30% во делот на издадени одобренија за градење. Но, исто така, она коешто нас посебно нѐ охрабрува е и вредноста на работите коишто ќе се реализираат во градежништвото, којашто исто така е над 30% споредено со истиот период од минатата година. Еден од двигателите на економскиот развој е градежништвото и очекувам да има сериозно позитивен импакт, сериозно позитивно влијание врз растот на бруто-домашниот производ на државата.“

Мицкоски: За трипати пократок период имаме 120 милиони евра поголем раст на БДП

Претседателот на Владата, Христијан Мицкоски, денеска, одговарајќи на новинарско прашање каква е споредбата на растот на јавниот долг и БДП во двата периоди — на владеењето на Владата на СДСМ и ДУИ и Владата на ВМРО-ДПМНЕ, ВРЕДИ и ЗНАМ — истакна:

„Кога водите еден процес, и во политиката мора да правите компаративна анализа. Ако не правите компаративна анализа, тогаш лутате во магла и не знаете каде ќе стигнете. Јас се обидов вчера да направам една компаративна анализа на неколку клучни параметри во економијата: еден од нив е јавниот долг, а втор е БДП. Со БДП можете да ја оцените силината на една држава, а состојбата на бруто-јавниот долг е практично колку сте позајмиле и вистински сте ги вложиле тие пари за да генерирате подобри економски резултати. Што е заклучокот? Ако се спореди периодот на претходната влада на СДСМ и ДУИ со периодот на оваа Влада на ВМРО-ДПМНЕ, ВРЕДИ и ЗНАМ, тогаш ќе дојдеме до следните параметри: за трипати пократок период БДП пораснал за 120 милиони евра повеќе. Значи, за 120 милиони евра БДП за овие две години е поголем отколку за претходните шест години од претходната влада. Притоа, јавниот долг е зголемен за нешто помалку од трипати. За нешто помалку зголемен јавен долг, а за трипати пократок период имаме зголемен БДП. Со други зборови — три спрема еден. Отприлика таков е и односот на рејтинзите на политичките партии, но такви се и резултатите во економијата. Дали е тоа доволно? Не. Дали треба уште да се работи? Да. Но, имајќи предвид дека до пред три години бевме убедливо на дното во регионот, сега сме на прво или второ место кога станува збор за овие параметри.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Португалија ги забранува бурките на јавни места. Казни до 3.000 евра

Португалија усвои закон со кој се забранува покривање на лицето на јавни места, а за прекршување на одредбите се предвидени парични казни кои се движат од 150 до 3.000 евра.

Португалија ги забранува бурките на јавни места. Казни до 3.000 евра

Новите прописи – кои локалните медиуми ги нарекоа „закон за бурка“ – забрануваат носење облека што го крие лицето или оневозможува идентификација, пренесува „Еуроњуз“ (Euronews).

Законот исто така забранува принудување на други лица да го покриваат лицето врз основа на пол, религија, возраст или потекло. „Лицето мора да се смета за централен елемент на човечкиот идентитет и комуникацијата“, изјави португалскиот претседател Антонио Хозе Сегуро, признавајќи дека ова прашање вклучува „голема општествена и културна чувствителност“.

Исклучоци од забраната се предвидени за покривање на лицето од здравствени, професионални или уметнички причини, како и поради временските услови. Забраната не важи ниту за верски објекти, дипломатски претставништва или воздухоплови.

Законот беше усвоен во парламентот во јули со поддршка на владејачката десничарска коалиција и екстремно десничарските партии, додека левичарските партии гласаа против него. Предлогот, поднесен од десничарската партија „Чега“, наиде на негативни мислења од Португалската адвокатска комора, Високиот совет на Јавното обвинителство и Португалското здружение на адвокатки. Експертите исто така изразија загриженост дека законот би можел да биде неуставен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Го повикуваме ЈО да отвори случај по допрен глас, за молкот на Филипче кој како министер за здравство, не постапил за ниту една од 400 анализи кои му биле доставени за загадена вода

Го повикуваме ЈО да отвори случај по допрен глас за молкот на Филипче, кој како министер за здравство, не постапил за ниту една од 400 анализи кои му биле доставени за загадена вода во Гостивар и на територијата на Македонија. 

Лефков: Го повикуваме ЈО да отвори случај по допрен глас, за молкот на Филипче кој како министер за здравство, не постапил за ниту една од 400 анализи кои му биле доставени за загадена вода

Граѓаните со години конзумирале небезбедна вода во Гостивар, Филипче за тоа знаел, а не постапувал.

Документите кои ги добивме од свиркачи, за анализите и испитувањата за квалитетот на водата кои ги правеле надлежните институции, докажуваат дека Филипче како министер за здравство, не преземал ниту една мерка за нејзино решавање, а денеска како без срам обвинува за голготата која жителите на Гостивар ја поминаа токму поради него и неговите коалициски другари Ахмети и Таравари.

Обвинителството мора да постапи и да даде одговор на следните прашања:

Зошто со години граѓаните не биле известувани дека водата која ја користеле за пиење не била безбедна? Зошто со години не биле преземени чекори за санација на овој проблем? Зошто надлежните институции предводени од тогашната власт на СДС не постапувале по добиените извештаи? Зошто Филипче како министер за здравство молчел и не постапувал?

Граѓаните заслужуваат конечно да видат правда од страна на судско-обвинителскиот систем во државата. Доста беше штитење на поранешните функционери на СДС, поради нивната блискост со одредени поединци од правосудниот систем во државата.

Бараме ЈО да отвори случај по допрен глас и да ги истражи постапувањата на Филипче и тогашната власт на СДС.

Миле Лефков, член на ИК и пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Невреме во делови од Германија, една жена загина

Една жена загина, а друга се здоби со тешки повреди откако врз нив падна дрво за време на силно невреме, кое во текот на ноќта предизвика и големи штети во делови од Германија, соопшти полицијата.

Видео: Невреме во делови од Германија, една жена загина

Двете жени, на возраст од 58 и 47 години, шетале заедно во Валдорф, во западната покраина Рајнска област-Пфалц, на околу 50 километри јужно од Келн.

Како што се приближувало невремето, тие побарале засолниште под еден летен павилјон. Невремето откорнало дрво во близина и го соборило, при што тоа ги удрило двете жени.

58 годишната жена почина на самото место, соопшти портпарол на полицијата, додека 47-годишна жена со сериозни повреди е пренесена во болница.

Невремето оштети десетици куќи и урна дрвја во делови од западна и централна Германија. Според извештајот на противпожарната служба, во градот Вецлар, во сојузната покраина Хесен, оштетени се околу 60 куќи, додека неколку домови во блискиот град Золмс станале неупотребливи за живеење.

Полицијата наведува дека штетата можеби е предизвикана од виор. Инциденти поврзани со невремето се пријавени и во сојузните покраини Тирингија, Бранденбург и Баварија. Полицијата во Баварија соопшти дека паднати дрвја оштетиле неколку возила, но немало повредени лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер