Во моментов ИТА е во стопроцентна сопственост на државата Италија, застапувана од Министерството за економија и финансии.

ЕК во соопштението посочува дека ваквата одлука следи по длабинска истрага на предложената трансакција, при што е утврдено дека иако ИТА денес работи добро, нејзината долгорочната одржливост како самостоен превозник би била „многу неизвесна“ без ова преземање.

Во соопштението се посочува дека „Луфтханза“ и ИТА одржуваат широка мрежа на линии од нивните центри во Австрија, Белгија, Германија, Швајцарија и Италија, кои во значителна мера се комплементарни. Дополнително, „Луфтханза“ соработува со „Јунајтед ерлајнс“ и „Ер Канада“ на линии меѓу Европа и Северна Америка, како и со „Ол Нипон Ервејс“ (АНА) за летови до и од Јапонија.

- За време на својата длабинска истрага, Комисијата обезбеди опширни и повратни информации од учесниците во зделката и другите засегнати страни, вклучително и од ривалските авиокомпании, аеродромите, деловни клиенти, здруженија на потрошувачи и патници, како и од индивидуални потрошувачи, се наведува во соопштението.

Според ЕК, при истрагата постоела загриженост дека влезот на „Луфтханза“ во ИТА би придонел за намалување на конкуренцијата на одреден број линии меѓу Италија и земјите од Централна, како и меѓу Италија и САД и Канада, но би зајакнала и доминантната позиција на ИТА на аеродромот „Милано-Линате“, што може да им отежне на конкурентските авиокомпании да обезбедуваат услуги за патници од и до овој аеродром.

За да се отстрани ваквата загриженост на Комисијата, таа побара од „Луфтханза“ и италијанското Министерство за економија и финансии да им „стават на располагање средства“ на една или две конкурентски авиокомпании за да им овозможат редовни летови меѓу Рим или Милано и одредени аеродроми во Централна Европа, како и да склучат договори со конкурентите за да ја подобрат нивната конкурентност на долги линии. Дополнително, треба да им се овозможат рамноправи услови за слетување и полетување на конкурентските авиокомпании од аеродромот „Милано-Линате“.

Согласно договореното, „Луфтханза“ ќе може да преземе дел од сопственоста врз ИТА дури по исполнување на овие услови. /МИА

Пратеничката на ВМРО-ДПМНЕ Рашела Мизрахи денеска изјави дека досега се разрешени девет од вкупно 14 економски директори во клиничките болници, а за разрешување на останатите пет се очекува Владата до Собранието да ги испрати Предлог-измените на Законот за здравствена заштита.

- Економските директори во клиниките беа воведени пред 17 години. Во 2006 година, скопскиот Клинички центар беше поделен на 32 клиники, со 56 директори и 142 члена на управни одбори, што се покажа како дисфункционално, неодржливо и скапо решение. Денес е десетти ден од формирањето на новата Влада предводена од ВМРО-ДПМНЕ, а веќе предвидената мерка која беше и изборно ветување од програмата Платформа 1198 од страна 120, почна да се реализира, а гласи: Укинување на економските односно организационите директори на клиниките, а во цел укинување на дуализмот и лоцирање на одговорноста како и пренасочување на средствата за подобрување на здравствените услуги и инфраструктура и зголемување на транспарентноста и отчетноста, истакна Мизрахи.

Оваа мерка, оцени, ќе овозможи оптимизација на здравствениот систем, зајакнување на јавното здравство и подобрување на неговата функционална организација, преку елиминирање на врзаните потписи и сивата зона на одговорност во рамки на здравствените установи.

- Истовремено ќе се намалат непотребните и ќе се рационализираат административните трошоци преку пренасочување на средствата во сериозно потребната здравствена екипираност, континуирана едукација на кадрите и набавка на нова медицинска опрема. Ова ќе придонесе кон целосно подобрување на здравствената внатрешна и надворешна инфраструктура и здравствени услуги за сите граѓани. Здравствената нега е од витално значење за сите нас во одредено време, но јавното здравство е од витално значење за граѓаните во секое време, рече Мизрахи.

Психолозите во таа смисла истакнуваат пет видови реченици на коишто треба да се обрне внимание доколку има сомнеж за нарцис во врската, т.е. личност која ќе направи сѐ за да го понижи другиот и да ја одржи контролата. Стручњаците велат дека таквата личност се грижи само за себе и секогаш постои нешто што го / ја издава.

1. „Мојaтa поранешнa девојка беше луда.“

Кога партнерот ќе почне да зборува за поранешните партнери како „луди“, тоа може да биде знак дека се обидува да манипулира со Вашето мислење и да ги оправда евентуалните лоши свои постапки во иднина.

2. „Не барам драма. / Дали ова секогаш ќе ти биде проблем?

Оваа реченица, всушност, обично доаѓа од луѓе кои предизвикуваат драма. Не сакајќи да преземат одговорност за своите постапки, тие се обидуваат да ве претстават како виновник за нормална комуникација или за проблеми што може да се појават.

3. „Имаш среќа да го имаш / постигнеш тоа.“

Наместо да ја признае Вашата напорна работа и таленти, нарцисот го припишува Вашиот успех на среќата. Ова може да укажува на завист и недостаток на емпатија.

4. „Мојата поранешна ми е најдобар пријател. Никој нема да стои меѓу нас.“

Нарцисите често манипулираат со својата околина за да ја задржат контролата и своето „истакнато место“. Со создавање заштитни бариери околу своите пријатели од спротивниот пол, тие се обидуваат да предизвикаат љубомора и да добијат моќ над другиот во врската.

5. „Секогаш ги сфаќаш работите на погрешен начин. / Премногу си чувствителен. / Тоа е само шега. / Ми треба некој што не се сфаќа себеси сериозно.“

Овие реченици често се користат како изговор за емоционалната злоупотреба или за навреди. Нарцисите често користат „само шега“ како изговор за нивните нечувствителни коментари, однесување, или можните навреди.

Како што пишува порталот „Крстарица“, треба да се биде внимателен на овие знаци, бидејќи тие можеби укажуваат на подлабоки проблеми во врската и манипулативно однесување што може да биде штетно за севкупната емоционална благосостојба. /МИА