Мицкоски: Платите во здравствените работници ќе пораснат во април, буџетот во здравство е приближно 1 милијарда евра - Канал 5

Македонија

Мицкоски: Платите во здравствените работници ќе пораснат во април, буџетот во здравство е приближно 1 милијарда евра

Претседателот на Владата, Христијан Мицкоски на денешната седница за пратенички прашања истакна дека буџетот за здравство е приближно 1 милијарда евра, како и тоа дека оваа година платите на здравствените работници ќе растат.

Мицкоски: Платите во здравствените работници ќе пораснат во април, буџетот во здравство е приближно 1 милијарда евра

Претседателот на Владата, Христијан Мицкоски на денешната седница за пратенички прашања истакна дека буџетот за здравство е приближно 1 милијарда евра, како и тоа дека оваа година платите на здравствените работници ќе растат, а покрај тоа ќе продолжат и вложувањата во здравството, особено во инфраструктурата, иако состојбата која се наследи во здравството како последица на минатото и т.н. Стабри здравствени политики беше катаклизмична.

„Здравството претставува сериозен предизвик за оваа Влада од многу причини затоа што наследивме една катастрофална, катаклизмична состојба поради ужасно лошите криминални политики од минатото така наречени Стабри здравствени политики, кога во екот на корона пандемијата кога бевме најлоши и на крај завршивме во најлошите во справувањето со таа пандемија, тие кои го водеа тој сектор и таа политика наместо да се грижат за здравјето на граѓаните наместо да обезбедуваат неопходни медикаменти и материјали за да се спасат што е можно повеќе наши сограѓани, тие одлучија да склучуваат договори за интервентни набавки на вакцини од компанија регистрирана во Хонгконг чија што основна доминантна дејност била до тој момент трговија со јужно овошје“, изјави премиерот Мицкоски.

Премиерот Мицкоски појасни дека таа Стабри здравствена политика функционираше во услови на епската и најголема криза во здравството во државата и оставија енормно големи проблеми кои ги потпишувале и значат дополнителен товар посебно на клиниките во Клиничкиот центар Мајка Тереза.

„Лично заедно со министерот за здравство, со директорот на фондот работиме на решавање на проблемите кои не се од сега туку со децении останале таму. Знам колку работат министерот и директорот и лично мојот фокус е на здравството и здравствените политики и убеден сум дека голем дел од овие проблеми се решаваат и дел ќе бидат наскоро решени, а дел се решени, но важно е дека немаме нови проблеми. Од година во година буџетот во здравството расте, оваа година сме близу 1 милијарда евра отприлика. Во тој буџет се разбира се вкалкулирани и зголемувањето на платите за здравствените работници, еден од првите договори како влада ги потпишавме, покрај оној во образованието беше токму тој во здравството и оваа година во април треба таа бројка да порасне помеѓу 5 и 7 проценти, се анализираат расположливите средства, сите сме повеќе за горната граница, но треба да ги видиме моментално расположливите средства за зголемување на платата на здравствените работници и тој договор е со важност до 2028 година“, потенцираше премиерот Мицкоски.

Премиерот Мицкоски вели дека вложувањата во здравството нема да запрат и покрај големата светска енергетска криза и тоа што треба 2,5 милијарди евра да се обезбедат и вратат од буџетот како стари долгови од минатото, а воедно и посочи на злоупотреби од поединци во здравството каде некои си потпишуваат дежурства и стигнуваат до месечни примања од 10.000 евра, а прикажуваат дека работат 24 часа на ден, 31 ден во месецот дури и во месеци со 30 дена.

„Ја зголемивме капитацијата за општите лекари, односно за матичните лекари која не беше зголемена со години, ја зголемивме капитацијата и за гинеколозите и стоматолозите, истовремено вклучивме нови лекови на позитивната листа, отпочнавме процес со кој ќе инвестираме директно во инфраструктурата, а тоа е конечно да се заврши Клиничкиот центар во Штип заедно со студентскиот дом и нова зграда за медицинскиот факултет при Универзитетот Гоце Делчев, болницата во Кичево, Клиничката болница во Тетово и кога сето ова ќе се заврши успешно бидејќи процесот за барање на финансиска институција трае следен чекор е да влеземе во оној потфат, а тоа е Клинички центар во Скопје“, кажа премиерот, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ерик Трамп објави фотографија од својот татко, луѓето мислат дека е вештачка интелигенција

Објава од Ерик Трамп на Инстаграм, која требаше да прикаже семеен момент од неговиот татко Доналд Трамп со неговите внуци, предизвика бројни реакции поради необичен детаљ.

Ерик Трамп објави фотографија од својот татко, луѓето мислат дека е вештачка интелигенција

Корисниците на социјалните мрежи веруваат дека фотографијата е дигитално изменета, а некои од нив се сомневаат дека е создадена со помош на вештачка интелигенција.

Ерик Трамп објави неколку фотографии од турнирот „LIV Golf“ што се одржа минатиот викенд во Националниот голф клуб Трамп во Бедминстер, Њу Џерси. Тој се појави на турнирот со своите деца, а на една од фотографиите Доналд Трамп е со две внучиња. Оваа конкретна фотографија стана предмет на дискусија на социјалните мрежи.

Вниманието го привлече стапалото видливо во позадина, кое не е јасно кому му припаѓа. Корисниците почнаа да споделуваат зголемени верзии на фотографијата на социјалните мрежи и предупредија на други можни неправилности, како што се чудни контури на мебел и деформации на лицата и телата на луѓето.

Сомнежи за автентичноста на фотографијата

Реакциите беа бројни. „Чија е таа нога?“ беше еден од коментарите на социјалната мрежа „X“, додека профилот „PatriotTakes“ праша: „Кој е избришан од фотографијата?“

Некои корисници веруваат дека станува збор за лошо уредување во Фотошоп. Други пак се сомневаат дека фотографијата е изменета со помош на алатки за вештачка интелигенција. Досега нема официјална потврда дали фотографијата е обработена, ниту пак имало независна проверка дали е креирана со помош на технологијата на вештачка интелигенција.

И уште една фотографија од Трамп под лупа

Во текот на истиот викенд, беше дискутирано и за друга фотографија од Доналд Трамп од голф теренот. Споредувајќи ја таа објава со други фотографии од настанот, некои корисници тврдеа дека изгледот на Трамп е дигитално изменет за да изгледа помлад, потенок и поелегантен.

Ерик Трамп не коментираше за деталите од семејната фотографија. Затоа, останува нејасно дали станува збор за дигитална обработка, употреба на вештачка интелигенција или само необичен агол на снимање.

Извор: Индекс.хр

Тагови: Доналд Трамп фотографија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Етна исфрла пепел и лава, аеродромот во Катанија е затворен

Илјадници туристи денес беа блокирани на Сицилија, бидејќи Етна продолжи да исфрла облаци од пепел по ерупцијата од минатата недела. Многу малку авиони успеаја да полетаат или слетат на најголемиот аеродром на островот во Катанија, јужно од Етна.

Етна исфрла пепел и лава, аеродромот во Катанија е затворен

Воздушниот сообраќај во Катанија е целосно прекинат до утре во 11 часот. Повеќе од 200 летови мораа да бидат пренасочени или откажани. Воздушниот сообраќај е во прекин петти ден во средината на туристичката сезона, а воздухопловните власти донесуваат одлуки за летовите со кратко известување. Аеродромот во Катанија моментално е под највисоко, црвено, ниво на тревога.

Патниците се обидуваат да се префрлат на аеродромот во Палермо. Се проценува дека околу 30.000 луѓе моментално се погодени. Многу туристи мораа да го продолжат својот престој на Сицилија, а сместувањето на островот е целосно резервирано. Некои спијат на аеродромот.

Италијанскиот актер Филипо Лагана објави на Инстаграм дека шатл-автобусот од Катанија до Палермо наплаќа 700 евра за патување од 200 километри. Возовите до Палермо, каде што е полесно да се фатат меѓународни летови, се преполни.

Етна исфрла пепел, камења и лава од петок

Најактивниот вулкан во Европа исфрла големи количини пепел и врели камења од петок. Според италијанскиот Национален институт за геофизика и вулканологија (INGV), густи лавински текови еруптираат од два отвори на надморска височина од 2.360 и 2.750 метри.

Нов отвор се отвори преку ноќ на надморска височина од околу 1.900 метри. Етна, која е висока повеќе од 3.300 метри, е внимателно следена поради нејзините чести ерупции.

Извор: Индекс.хр

Тагови: Етна Катанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН предупредува: 2,4 милиони девојчиња во Авганистан немаат право на образование

Пет години откако Талибанците ја презедоа власта во Авганистан, околу 2,4 милиони девојчиња сè уште немаат пристап до средно образование.

ОН предупредува: 2,4 милиони девојчиња во Авганистан немаат право на образование

Обединетите нации го обновија својот повик за итно враќање на нивното право на образование, а УНЕСКО, агенцијата за образование на ОН, вели дека исклучувањето на жените и девојчињата од образовниот систем е сериозно кршење на нивните фундаментални права, објавува АП.

Хода Џаберијан, координаторка на УНЕСКО за образование во вонредни ситуации, го објасни обемот на проблемот на видеоконференција со новинарите. „Авганистан останува единствената земја во светот каде што на девојчињата и жените официјално им е забрането да посетуваат средно училиште и универзитет. Пет години не се само привремено прекинување на образованието, туку речиси целото средно училиште на едно дете“, рече таа денес.

„УНЕСКО продолжува да повикува на итно и безусловно враќање на правата на девојчињата и жените на средно и високо образование. Ова е непроменливо. Тоа е фундаментално човеково право и, повторуваме, нема замена за него“, нагласи Џаберијан.

Две децении напредок се превртени

Талибанците ја презедоа власта на 15 август 2021 година, за време на повлекувањето на силите на САД и НАТО по дваесет години војна. Тие брзо им забранија на девојчињата да одат во средни училишта, а потоа ги проширија ограничувањата на високото образование, вработувањето и другите сектори, речиси целосно исклучувајќи ги жените од јавниот живот. Тие ја задржаа оваа забрана и покрај апелите од ОН, хуманитарните организации и неколку исламски земји, објаснувајќи дека тоа е внатрешно прашање на државата.

Џабериан потсети дека овие ограничувања го превртеа две деценискиот напредок во образованието. Додека пристапот до образование за девојчињата беше исклучително ограничен во 2001 година, до 2021 година речиси еден милион девојчиња беа запишани во средни училишта. „Авганистан постигна огромен напредок во проширувањето на пристапот до образование за девојчињата. За жал, голем дел од тој напредок сега е целосно избришан“, рече таа.

Учење базирано во заедницата како алтернатива

И покрај ограничувањата, УНЕСКО продолжува да го поддржува образованието во Авганистан преку програми за писменост и развој на вештини што се спроведуваат во рамките на локалните заедници. Часовите често се одржуваат на јавни места или во домовите на наставниците. На терен работат повеќе од 1.000 наставници по писменост, од кои повеќето се обучени од УНЕСКО и неговите партнери.

„Додека се во сила ограничувањата, не смееме да ги напуштаме учениците во Авганистан. УНЕСКО работи со заедниците и нашите локални партнери за да го зачува секој можен пат кон учење“, рече Џабериан.

Извор: Индекс.хр

Тагови: Авганистан образование ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер