Мицкоски од Гевгелија: Пуштена е во употреба новата детска градинка „Сончогледи“ - Канал 5

Македонија

Мицкоски од Гевгелија: Пуштена е во употреба новата детска градинка „Сончогледи“

Четврта градинка од почетокот на годината, уште многу градинки коишто се почнати кон крајот на 24-та година и 25-та година во периодот што следи се привршуваат и ќе бидат ставени во функција.

Мицкоски од Гевгелија: Пуштена е во употреба новата детска градинка „Сончогледи“

„Добар ден и од мене. Јас би сакал да се надоврзам на тоа што го кажа и градоначалникот и заменик министерот во Министерството за социјална политика, демографија и млади, четврта градинка од почетокот на годината, уште многу градинки коишто се почнати кон крајот на 24-та година и 25-та година во периодот што следи се привршуваат и ќе бидат ставени во функција.

Многу од проблемите коишто во минатото ги пратеа овие проекти се отстранети, засилена е динамиката на реализација и изградба на самите објекти, но истовремено и примањето на нов кадар, лиценциран кадар, е исто така интензивирано, нешто што во минатото беше закочено. Така што, можам да кажам дека нашиот приоритет како Влада, а тоа е просемејната политика, грижата за најмилите, за најмладите продолжува и понатаму во периодот којшто следи, бидејќи останува на младите иднината, а ние сме тие коишто треба да ја направат таа иднина поперспективна и на овој начин мислам дека на голем број брачни парови им се олеснува начинот на функционирање, а истовремено и сите тие се охрабруваат да се одлучат за дете повеќе, се разбира за новороденче повеќе, за да можат овие објекти да бидат што е можно пополни.

И од она коешто во неврзан разговор го направивме пред да почнеме со отворањето на градинката, со градоначалникот и со луѓето тука од Гевгелија, тоа е дека со овој објект веќе нема да имаме листа на чекање, овде во Гевгелија или таа листа ќе биде многу мала.

Така што, јас му честитам на градоначалникот, на министерот и заменикот во Министерството за социјална политика, демографија и млади, на пратеничката, на советниците, на администрацијата во Општина Гевгелија коишто ја поддржуваат работата на градоначалникот и посакувам уште многу вакви убави проекти со коишто ќе додадеме квалитет во животите на гевгеличани.“, рече премиерот Христијан Мицкоски при денешната посета во Гевгелија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Трајков: Италија е значаен партнер во европскиот реформски процес

Заменик министерката за европски прашања, Викторија Трајков, оствари средба со амбасадорот на Република Италија, Паоло Палминтери и заменикот амбасадор Морено Зела, заменик-шеф на мисијата во Италијанската амбасада во Скопје.

Трајков: Италија е значаен партнер во европскиот реформски процес

Во фокусот на средбата беа реформите што Македонија ги реализира во рамки на Реформската агенда 2024–2027, како и тековните активности на институциите насочени кон исполнување на европските стандарди.

Заменик-министерката ги презентираше реализираните реформи и приоритетите за следниот период, истакнувајќи дека институционалната посветеност и конкретните резултати се од особено значење за напредокот во процесот на европска интеграција.

Соговорниците разговараа и за можностите за продлабочување на соработката и за искористување на искуствата и експертизата на Италија во областите релевантни за реформската агенда.

Беше потврдена заедничката определба за продолжување на отворениот дијалог и институционалната соработка во интерес на европската перспектива на Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Освојувачка на Вимблдон суспендирана до 2030 година сега ужива на Бали !

Чешката тенисерка Маркета Вондроушова, шампионка на Вимблдон во 2023 година, доби четиригодишна суспензија поради одбивање на допинг-тест надвор од натпреварување во декември 2025 година. 

Освојувачка на Вимблдон суспендирана до 2030 година сега ужива на Бали !

Меѓународната агенција за интегритет во тенисот ја објави одлуката на 22 јуни 2026 година, а суспензијата трае до 21 јуни 2030 година. Во меѓувреме, Вондроушова поднесе жалба до Судот за спортска арбитража, кој во август потврди дека ја примил нејзината жалба.

Причини за суспензијата Вондроушова објасни дека одбила да даде примерок бидејќи во тоа време била под значителен физички и психички стрес. Таа изјави дека службеното лице за тестирање пристигнало околу 20:00 часот и дека, поради околностите и – според нејзините зборови – недоволната идентификација, стравувала за својата безбедност.

Независен трибунал не ги прифати овие аргументи како доволно оправдување за одбивањето на тестот. За време на суспензијата, на Вондроушова ѝ е забрането да се натпреварува, да тренира играчи или да присуствува на официјални турнири под покровителство на ITF, WTA, ATP, Грен слем турнирите и националните федерации.

Додека го очекува исходот од својата жалба, Вондроушова слободното време го поминува на Бали. Таа објави фотографии од одморот на социјалните мрежи, вклучително и некои во бикини.

Овие слики особено ги истакнуваат бројните тетоважи на нејзиното тело – по кои чешката тенисерка е позната – како и нејзината одлично дефинирана фигура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски призна - следува тоа што го најавивме, нов ребаланс и ново задолжување

Само околу два месеца по последниот ребаланс, Мицкоски повторно најавува можност за ново прекројување на народната каса. Нема пари. 

СДСМ: Мицкоски призна - следува тоа што го најавивме, нов ребаланс и ново задолжување

Мицкоски признава дека има помалку пари од приходи, дека се зголемува дефицитот.

Обидот целиот буџетски проблем да се оправда со намалениот ДДВ за горивата е класична манипулација. Владата не се откажа од акцизата и не го намали ДДВ на горивата на 5%. Проблемот е многу поголем.

Затоа дефицитот на крајот на годината ќе биде над 900 милиони евра!

Претседателот Филипче веќе со месеци предупредува дека состојбата со државата каса е катастрофално лоша поради арамиските политики на Мицкоски и дека буџетската дупка се зголемува.

Тотален дебакл на сите економски политики на Мицкоски.

Очигледно следува нов ребаланс а со тоа со сигурност и ново задолжување, нов арамилук врз грбот на народот.

Сè што најавивме се случува. Задолжувањето од 1,3 милијарди евра е веќе на хартија.

За две години оваа власт го задолжи народот со 4 милијарди евра. Половина од долгот на државата во изминатите 35 години арамијата го направи за само 2 години. Јавниот долг е веќе околу 11 милијарди, околу 60 проценти од БДП-то.

Долговите растат а пари за поголеми плати и пензии нема. Граѓаните ја плаќаат цената за криминалната организирана група, ВМРО и арамијата Мицкоски.

Скопје, 01.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер