Мицкоски: Очекувам новиот јавен обвинител да истражи како Катица Јанева ги предаде случаите од затвор, како се судеа луѓе за тероризам и се делеа бонуси во СЈО - Канал 5

Македонија

Мицкоски: Очекувам новиот јавен обвинител да истражи како Катица Јанева ги предаде случаите од затвор, како се судеа луѓе за тероризам и се делеа бонуси во СЈО

Премиерот Христијан Мицкоски, одговарајќи на пратенички прашања, од собраниската говорница истакна дека од новиот државен јавен обвинител Ненад Савески има големи очекувања.

Мицкоски: Очекувам новиот јавен обвинител да истражи како Катица Јанева ги предаде случаите од затвор, како се судеа луѓе за тероризам и се делеа бонуси во СЈО

Премиерот Христијан Мицкоски, одговарајќи на пратенички прашања, од собраниската говорница истакна дека од новиот државен јавен обвинител Ненад Савески има големи очекувања и оти очекува повторно актуализирање на случаите на, како што рече, тогаш затвореничката Катица Јанева и однесувањето на одредени обвинители и специјални јавни обвинители во делот на обвинителската служба

- Ова се тие две работи, што верувајте, мора, и јас очекувам лично од новиот државен јавен обвинител да излезе со јасна информација во јавноста. Значи, тој и тој ден тоа се случило. Ако овој јавен обвинител тоа не го направи, ние ќе продолжиме да живееме во држава во која одредена група граѓани ќе биде повластена, а повеќето од нашите граѓани ќе бидат тие што ќе живеат во очај, ќе живеат во разочарување дека правдата не важи за сите - истакна Мицкоски.

Премиерот се осврна на фактот дека голем дел предмети и претставки, кои, како што појасни, некои од институциите како резултат на внатрешната ревизија ги имаат испратено до канцеларијата на државниот јавен обивнител, стојат или во фиоката или се на дното од приоритетите и не се извадени.

- Честопати на седница на Влада имаме точка на која ја анализираме работата на институциите врз основа на извештаи што Државниот завод за ревизија ги доставува до Владата. И до сега јас лично можеби стотина пати имам прашано, добро, ако ова го констатирал Државниот завод за ревизија за сите овие недостатоци, дали ова некаде е процесирано. Одговорот е, без исклучок, да, процесирано е до канцеларијата на јавниот обвинител - рече Мицкоски.

Очекува сите тие предмети да бидат извадени и да се стават во обработка, да се види дали таму има основано сомнение за сторен криминал од тие институции, односно од луѓето што ги воделе.

- И, верувајте ми, неколку стотици се такви затоа што јавноста со право честопати е критички настроена кон Владата - „И вие сте исти. Овие од претходно сите знаевме дека се криминалци. Ништо не направивте“. Јас не можем да го користам тој збор и да кажам знаевме дека се криминалци, но имаше основано сомнение дека имало сторен криминал во многу институции. И за волја на вистината, врз основа на тие извештаи од ДЗР може да заклучиме дека во тие институции, да, има основано сомнение дека е сторен криминалец. Зошто тоа не е досега истражено, зошто не е направена истрага, детаљна анализа, тоа не знам. Може да претпоставиме - нагласи премиерот Мицкоски.

Изрази надеж дека сега со новиот јавен обвинител ќе има детаљна анализа и врз основа на таа анализа јавноста ќе може да зборува малку повеќе поврзано со ова прашање.

Првата работа, како што нагласи, е, како магично тогаш затвореничката Катица Јанева предметите што биле дел од специјалното јавано обвинителство ги доставила повторно во судската пракса.

- Лично очекувам најмалку уште две работи, кои се многу важни во историска смисла на зборот за иднината на оваа држава. Ако не ја откриеме вистината за тие две работи, тогаш цело време ќе живееме во илузија. Првата работа е како магично тогаш затвореничката Катица Јанева предметите што беа дел од СЈО ги достави повторно во судската пракса. На ова прашање мора да најдеме одговор. Тоа е важно за иднината на оваа држава и за правосудниот систем и владеењето на правото. И, второ, исто така, според мене, многу важно, ако сакаме вистинска иднина, а ова ќе го поделиме на две подгрупи, како им се судеше на група луѓе за тероризам и врз основа на кои докази и како се изнудуваа изјави од тогаш таканаречените заштитени сведоци и втората подгрупа прашања за колкави дополнителни примања и бонуси станува збор за таканаречените специјални јавни обвинители и зошто се плашат овој предмет да влезе во фаза на истрага и во судовите - рече Мицкоски.

Ова, рече тој, се многу важни работи во името на вистината и во името на иднината на оваа држава и во името на владеењето на право.

- За овие две работи мора јавноста да ја дозае вистината ако сакаме да имаме правна држава. Сè друго е дневна борба против криминалот и корупцијата. Извештаите на Државниот завод за ревизија, внатрешните ревизии, што некои институти си ги направија и така натаму. Сето тоа, сето тоа е многу нешто, кое е дневна тековна работа - истакна Мицкоски.

На собраниската седница за пратенички прашања, одговарајќи на прашање на Силвана Ангелевска од ВМРО-ДПМНЕ, тој упати апел за кого и да постои основано сомнение дека сторил криминал, вклучително и за актуелната Влада, јавниот обвинител да отвори истрага и да ја истурка до крај. Според него, не смее да има повластени.

- Не постои за една нација, за една држава, поголема Ахилова петица од луѓе што носат одлуки во името на таа нација и таа држава, а се корумпирани, затоа што тие веќе не се свои и стравувам дека одлуките што ги носат може да бидат на штата на целата нација, на сите граѓани, на штета на самата државата. Затоа е подобро да се спречи отколку потоа да се лечи. Затоа мојата порака, еве од тука, од оваа говорница во Собранието, до државниот јавен обвинител е: нема повластени. Кој сака нека биде. Доколку постои основано сомнение за криминал, да се истражи. Има инструменти, предистрага, истрага и така натаму и сето тоа да се обелодени пред јавноста и таа мора тоа да го знае. Само така ќе можеме постепено да ја вратиме довербата кај граѓаните. Во спротивно и ние нема да успееме, ќе бидеме една од многуте влади, кои, за жал, не успале. Ние сме Влада која што со своите постапки до сега покажува дека доколку постови еклатантен доказ за злоупотреба, постапува веднаш, без разлика за кого станува збор. И така да очекувам, така и да се однесува и новиот државен јавен обвинител, подвлече Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ерик Трамп објави фотографија од својот татко, луѓето мислат дека е вештачка интелигенција

Објава од Ерик Трамп на Инстаграм, која требаше да прикаже семеен момент од неговиот татко Доналд Трамп со неговите внуци, предизвика бројни реакции поради необичен детаљ.

Ерик Трамп објави фотографија од својот татко, луѓето мислат дека е вештачка интелигенција

Корисниците на социјалните мрежи веруваат дека фотографијата е дигитално изменета, а некои од нив се сомневаат дека е создадена со помош на вештачка интелигенција.

Ерик Трамп објави неколку фотографии од турнирот „LIV Golf“ што се одржа минатиот викенд во Националниот голф клуб Трамп во Бедминстер, Њу Џерси. Тој се појави на турнирот со своите деца, а на една од фотографиите Доналд Трамп е со две внучиња. Оваа конкретна фотографија стана предмет на дискусија на социјалните мрежи.

Вниманието го привлече стапалото видливо во позадина, кое не е јасно кому му припаѓа. Корисниците почнаа да споделуваат зголемени верзии на фотографијата на социјалните мрежи и предупредија на други можни неправилности, како што се чудни контури на мебел и деформации на лицата и телата на луѓето.

Сомнежи за автентичноста на фотографијата

Реакциите беа бројни. „Чија е таа нога?“ беше еден од коментарите на социјалната мрежа „X“, додека профилот „PatriotTakes“ праша: „Кој е избришан од фотографијата?“

Некои корисници веруваат дека станува збор за лошо уредување во Фотошоп. Други пак се сомневаат дека фотографијата е изменета со помош на алатки за вештачка интелигенција. Досега нема официјална потврда дали фотографијата е обработена, ниту пак имало независна проверка дали е креирана со помош на технологијата на вештачка интелигенција.

И уште една фотографија од Трамп под лупа

Во текот на истиот викенд, беше дискутирано и за друга фотографија од Доналд Трамп од голф теренот. Споредувајќи ја таа објава со други фотографии од настанот, некои корисници тврдеа дека изгледот на Трамп е дигитално изменет за да изгледа помлад, потенок и поелегантен.

Ерик Трамп не коментираше за деталите од семејната фотографија. Затоа, останува нејасно дали станува збор за дигитална обработка, употреба на вештачка интелигенција или само необичен агол на снимање.

Извор: Индекс.хр

Тагови: Доналд Трамп фотографија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Етна исфрла пепел и лава, аеродромот во Катанија е затворен

Илјадници туристи денес беа блокирани на Сицилија, бидејќи Етна продолжи да исфрла облаци од пепел по ерупцијата од минатата недела. Многу малку авиони успеаја да полетаат или слетат на најголемиот аеродром на островот во Катанија, јужно од Етна.

Етна исфрла пепел и лава, аеродромот во Катанија е затворен

Воздушниот сообраќај во Катанија е целосно прекинат до утре во 11 часот. Повеќе од 200 летови мораа да бидат пренасочени или откажани. Воздушниот сообраќај е во прекин петти ден во средината на туристичката сезона, а воздухопловните власти донесуваат одлуки за летовите со кратко известување. Аеродромот во Катанија моментално е под највисоко, црвено, ниво на тревога.

Патниците се обидуваат да се префрлат на аеродромот во Палермо. Се проценува дека околу 30.000 луѓе моментално се погодени. Многу туристи мораа да го продолжат својот престој на Сицилија, а сместувањето на островот е целосно резервирано. Некои спијат на аеродромот.

Италијанскиот актер Филипо Лагана објави на Инстаграм дека шатл-автобусот од Катанија до Палермо наплаќа 700 евра за патување од 200 километри. Возовите до Палермо, каде што е полесно да се фатат меѓународни летови, се преполни.

Етна исфрла пепел, камења и лава од петок

Најактивниот вулкан во Европа исфрла големи количини пепел и врели камења од петок. Според италијанскиот Национален институт за геофизика и вулканологија (INGV), густи лавински текови еруптираат од два отвори на надморска височина од 2.360 и 2.750 метри.

Нов отвор се отвори преку ноќ на надморска височина од околу 1.900 метри. Етна, која е висока повеќе од 3.300 метри, е внимателно следена поради нејзините чести ерупции.

Извор: Индекс.хр

Тагови: Етна Катанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН предупредува: 2,4 милиони девојчиња во Авганистан немаат право на образование

Пет години откако Талибанците ја презедоа власта во Авганистан, околу 2,4 милиони девојчиња сè уште немаат пристап до средно образование.

ОН предупредува: 2,4 милиони девојчиња во Авганистан немаат право на образование

Обединетите нации го обновија својот повик за итно враќање на нивното право на образование, а УНЕСКО, агенцијата за образование на ОН, вели дека исклучувањето на жените и девојчињата од образовниот систем е сериозно кршење на нивните фундаментални права, објавува АП.

Хода Џаберијан, координаторка на УНЕСКО за образование во вонредни ситуации, го објасни обемот на проблемот на видеоконференција со новинарите. „Авганистан останува единствената земја во светот каде што на девојчињата и жените официјално им е забрането да посетуваат средно училиште и универзитет. Пет години не се само привремено прекинување на образованието, туку речиси целото средно училиште на едно дете“, рече таа денес.

„УНЕСКО продолжува да повикува на итно и безусловно враќање на правата на девојчињата и жените на средно и високо образование. Ова е непроменливо. Тоа е фундаментално човеково право и, повторуваме, нема замена за него“, нагласи Џаберијан.

Две децении напредок се превртени

Талибанците ја презедоа власта на 15 август 2021 година, за време на повлекувањето на силите на САД и НАТО по дваесет години војна. Тие брзо им забранија на девојчињата да одат во средни училишта, а потоа ги проширија ограничувањата на високото образование, вработувањето и другите сектори, речиси целосно исклучувајќи ги жените од јавниот живот. Тие ја задржаа оваа забрана и покрај апелите од ОН, хуманитарните организации и неколку исламски земји, објаснувајќи дека тоа е внатрешно прашање на државата.

Џабериан потсети дека овие ограничувања го превртеа две деценискиот напредок во образованието. Додека пристапот до образование за девојчињата беше исклучително ограничен во 2001 година, до 2021 година речиси еден милион девојчиња беа запишани во средни училишта. „Авганистан постигна огромен напредок во проширувањето на пристапот до образование за девојчињата. За жал, голем дел од тој напредок сега е целосно избришан“, рече таа.

Учење базирано во заедницата како алтернатива

И покрај ограничувањата, УНЕСКО продолжува да го поддржува образованието во Авганистан преку програми за писменост и развој на вештини што се спроведуваат во рамките на локалните заедници. Часовите често се одржуваат на јавни места или во домовите на наставниците. На терен работат повеќе од 1.000 наставници по писменост, од кои повеќето се обучени од УНЕСКО и неговите партнери.

„Додека се во сила ограничувањата, не смееме да ги напуштаме учениците во Авганистан. УНЕСКО работи со заедниците и нашите локални партнери за да го зачува секој можен пат кон учење“, рече Џабериан.

Извор: Индекс.хр

Тагови: Авганистан образование ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер