Македонија

Мицкоски на ФБ : Споменот за Илинденците е жив, тлее и се негува

Споменот за Илинденците е жив, тлее и се негува, напиша лидерот на ВМРО – ДПМНЕ , Христијан Мицкоски на неговиот фејсбук профил , откако коњаницирте тргнаа кон Крушево од црквата св. Петар и Павле во Горно Лисиче.

Се додека има луѓе на кои срцето им трепери за нашата земја, Македонија ќе постои.

Среќен пат за коњаниците од Илинденскиот марш. Знам дека вашиот мотив за сето ова е поголем од се друго, зошто на крајот и почетокот на се е нашата Македонија! , напиша Мицкоски , кој во Долно Лисиче беше придружуван од раководството на партијата.

Свет

Истрели во близина на Амбасадата на Израел во Стокхолм

Шведската полиција приведе неколку лица и блокира голема област во Стокхолм откако патролата слушнала сомнителни истрели.

Полицијата ја блокира областа помеѓу мостот Диргарден во главниот град, Нобеловиот парк и црквата Оскар. Во оваа област е лоцирана Амбасадата на Израел.

Започната е истрага под сомнение за сериозни прекршоци со оружје.

Македонија

Без струја дел од скопските општини Илинден и Кисела Вод

Поради технички зафати во дистрибутивната електромрежа, денеска без електрична енергија ќе останат дел од корисниците од скопските општини Илинден и Кисела Вода, соопшти РЦУК - Скопје.

Во периодот од 08:30 до 09:30 часот без електрична енергија ќе бидат корисниците од улицата „34“ во населбата Илинден, а од 09:00 до 13:00 часот корисниците од улицата „Востаничка“ во општина Кисела Вода.

Македонија

Во Скопје санкционирани 108 возачи

На територија на град Скопје во текот на вчерашниот ден изречени се 108 мерки за прекршоци во областа на сообраќајот, соопшти денеска Министерството за внатрешни работи.

Од нив, девет мерки се за возење без возачка дозвола, четири санкции за минување на црвено светло, седум мерки за користење на мобилен телефон при возење, осум санкции за некористење на сигурносен појас...