Македонија

Мицкоски : На државата и треба лидерство кое ќе донесе стабилност и развој

Претседателот на ВМРО-ДПМНЕ, Христијан Мицкоски се обрати на отворењето на семинарот со наслов „Рефлектирање за минатото, планирање за иднината" во организација на ВМРО-ДПМНЕ и Националниот демократски институт (НДИ).

Ми преставува особена чест и задоволство што повторно, по подолга пауза практично обновуваме едно пријателство и заедничка соработка со нашите партнери од Националниот демократски институт од Америка и што заеднички организираме еден работен престој кој што е добра прилика за размена на искуства, пренесување на знаења и втемелување на нови форми на соработка.

Искрено се надевам дека ова е почетокот на едно обновено суштинско пријателство кое убеден сум дека ќе донесе плодоносни резултати и ќе ни помогне за зголемување на нашите капацитети и реализација на нашите стратешки приоритети како политичка партија, што всушност се и приоритети и стратешки цели споделени со Република Македонија.

Искрено сум убеден дека се поставуваат основите за една долгорочна соработка која ќе донесе одлични резултати.

Ваквиот работен престој е прилика да се направи една ретроспектива за анализа на она што преставува и наслов на овој заеднички собир „Рефлектирање за минатото, планирање за иднината“.

Ова е дотолку повеќе важно затоа што она што сега ќе го испланираме, изградиме како заеднички капацитет во партиските структури ќе биде она што, уверен сум во еден извесен брз период треба да се преслика како раководење на институциите, нивно управување и менаџирање. И потполно треба да бидеме свесни дека граѓаните со право, ќе очекуваат резултати, исполнета работа и драстична разлика кон подобро. Ние сме тие кои ќе ја имаме задачата тоа да го донесеме и да не ги разочараме нивните очекувања што е првенствената обврска во се она што го правиме. Не смееме и нема да ги изневериме очекувањата на граѓаните!

Но патот до таму треба да се изоди. И ништо нема да дојде незаслужено, и ние треба да бидеме подобри од било која друга политичка сила сега и во минатото. Како што рекол американскиот претседател Абрахам Линкон она што и треба на секоја една демократија е владеење на народот, од народот, за народот. И ние тоа треба заеднички да го изградиме, преку отвореност, со неверојатен слух за потребите на граѓаните, зајакнување на демократските капацитети и да се водиме од интересите на Република Македонија и нејзините стратешки цели.

Секоја смена на власт носи своја порака. Како што тоа таквата смена ќе биде порака за оваа актуелната, така и ние добивавме во минатото пораки од граѓаните. И веројатно за тоа, и таквите нивни одлуки граѓаните имале добри причини. Наша должност е да ги признаеме нашите слабости, да ги oстраниме и надминеме, зајакнеме нашите капацитети, и понудиме она што им треба на граѓаните. И ние тоа го правиме.

На државата и треба лидерство кое ќе донесе стабилност и развој. После 28 години независност нам ни треба овозможување на сигурност на граѓаните и конечна верба во демократските принципи, во почитување на волјата на граѓаните која не секогаш во минатото била водилка за политичарите, а тогаш кога не била, се правеле грешки кои нашата држава ја чинеле скапа цена. И конечно на граѓаните им треба сигурност, верба во правната држава и владеењето на правото, каква во моментов за жал немаме. Но она што сега го имаме како фактичка состојба во државата е слаб институционален капацитет, разочарани очекувања, имаме поделено општество и тоа по повеќе основи. Станавме држава во која и поставувањето на директори на средни училишта предизвикува поделби, бидејќи истото е резултат на политички интереси и договори, а не последица на заслуги и минат труд. А поделеноста дезинтегрира, но нам ни е потреба интеграција. Еднакви можности за сите. Правна држава и конечно владеењето на правото

Имаме стратешки интереси кои треба да се одбранат, но и исполнат. Ние сега сме опозиција која е гласен коректив на власта. И за се она што денес критикуваме, треба утре да го исправиме и исполниме. И сум уверен дека тоа ќе го направиме. Пратеничката група, членовите на Извршниот и Централниот комитет, како секој еден член треба да знае дека оние капацитети што ќе ги изградиме сега, ќе бидат капацитети кои ќе управуваат утре и ќе имаат одговорност. Јас верувам дека ВМРО-ДПМНЕ секогаш било и ќе остане прогресивната сила која ги носела промените и секогаш била во служба на целите на Република Македонија. ВМРО-ДПМНЕ ја обединува енергијата на прогресивноста, на современиот патриотизам, и отвореноста да се рушат бариерите. И ќе го донесеме она што и потребно на нашата земја, промени, нова надеж и подобра иднина за сите.

Овој работен престој ќе помогне во зајакнување на внатре партиските капацитети. На крај дозволете да се заблагодарам и на луѓето од НДИ и мојот кабинет кои непосредно беа вклучени во неговото организирање. На сите овде Ви посакуваме пријатен работни мигови, висока ангажираност и мотивираност во текот на обуките , рече Мицкоски во говорот во Струга .

Фудбал

Фернандеш: Ако не му требам на Манчестер јунајтед, ќе си заминам

Фудбалерот од средниот ред на Манчестер јунајтед, Бруно Фернандеш изрази подготвеност да го напушти клубот доколку тоа се побара од него.

- Може ли да го напуштам клубот на лето? Секогаш сум велел дека сакам да бидам овде. Но, ако поради некоја причина на Јунајтед не му требам, ќе си заминам, изјави Фернадес, за „Дејли мејл“.

Претходно во англиските медиуми се појави информација дека Манчестер јунајтед е подготвен да го продаде Португалецот.

Фернандеш игра за „црвените ѓаволи“ од јануари 2020 година. Вкупно за клубот одигра 230 натпревари, постигна 79 гола и 64 асистенции. Неговиот договор е до летото 2026 година.

Порталот „Трансфермаркт“ ја проценува вредноста на фудбалерот на 70 милиони евра.

Свет

Си и Путин се согласуваат за потребата од „политичко решение“ за конфликтот во Украина

Кинескиот лидер Си Џинпинг изјави денеска дека тој и рускиот колега Владимир Путин се согласиле за потребата од „политичко решение“ за војната во Украина, по разговорите меѓу двајцата претседатели во Пекинг.

„Двете страни се согласуваат дека политичкото решение за украинската криза е правилна насока“, изјави Си за медиумите заедно со Путин на заедничката прес-конференција што ја емитуваше Руската телевизија.

Регион

РС против единствен број за итни повици, БиХ останува без милијарда евра

Босна и Херцеговина треба да добие најмалку милијарда евра за развојни проекти од ЕУ преку Планот за раст.

ХРТ/Хина

Босна и Херцеговина треба да добие најмалку милијарда евра за развојни проекти од ЕУ преку Планот за раст, но засега нема ништо затоа што властите на Република Српска одбиваат да прифатат пакет од 113 мерки за спроведување и тоа затоа што не сакаат БиХ да добие единствен број за итни телефонски повици.

Ова го потврди и премиерот на РС, Радован Вишковиќ, кој рече дека во тој ентитет не сакаат во сараево да биде единствениот позивен центар за итни повици иако тоа е практика во сите држави.

Босна и Херцеговина е единствената земја во Европа каде што не постои единствен број што може да се повика во итни случаи, бидејќи РС упорно се противи на тоа, инсистирајќи секој ентитет да го регулира тоа за себе и тврдејќи дека во спротивно уставната структура на државата би била нарушена.

- Зарем не е логичен нашиот предлог да има два кол-центра, едниот во РС, а другиот во Федерацијата Босна и Херцеговина, изјави Вишковиќ, цитиран од бањалуканскиот „Независне новине“.

Лидерите на политичките партии кои ја сочинуваат владата на државно ниво во Босна и Херцеговина во понеделникот се сретнаа во Сараево, без резултати, со цел да се обидат да го деблокираат процесот на усвојување реформски закони на кои инсистира Европската унија, како и усвојувањето на буџетот за оваа година. Сето ова е претпоставката дека Европската комисија ќе дозволи распределба на средствата обезбедени за земјите од Западен Балкан преку проектот наречен План за раст.

Целиот пакет е вреден шест милијарди евра, а овие средства би се доделени преку конкретни проекти одобрени од телата на ЕУ. Се проценува дека БиХ на овој начин би можела да добие најмалку една милијарда евра грантови.

Тие средства треба да обезбедат посилен економски раст, да го зајакнат владеењето на правото и да ги направат различните институции пофункционални, како и да ја зајакнат деловната клима и да ги зачуваат човечките ресурси во БиХ. Во исто време, реформите се насочени кон создавање услови за обезбедување „зелена“ енергија, дигитална транзиција и подобра ИТ инфраструктура, вклучително и подобрување на кибер безбедноста.

На Министерскиот совет на БиХ на 30 април беше утврдено дека има договор за 110 мерки за спроведување неопходни за одобрување на проекти кои ќе се финансираат преку Планот за раст, додека три мерки останаа несогласени поради блокадите од Република Српска.

Покрај тоа што не сакаат да се формира единствен центар за итни повици во Босна и Херцеговина, како што потврди Вишковиќ, претставниците на РС исто така одбиваат да ја укинат можноста за вето на ентитетот на одлуките за доделување помош од државните фондови, а не сакаат да дозволат и пополнување наУставниот суд со нови судии на Босна и Херцеговина и бараат негова реорганизација.

Властите на БиХ се надеваа дека во Брисел повторно ќе им „прогледаат низ прсти“ и ќе го прифатат пакетот мерки за спроведување без трите спорни точки, а премиерот на РС го сведе на пресметката дека можат да добијат 95 отсто од милијарда евра бидејќи во тој процент ги исполнија барањата на Европската комисија. ЕУ досега не покажа ни најмало разбирање за ваквата пресметка на политичарите во Бања Лука, па се чини дека цела Босна и Херцеговина засега ќе остане без тие пари.

- Не информираа дека не можат да одат под овие три нехармонизирани мерки и дека тоа е црвена линија и услов за Планот за раст и помошта од ЕУ за БиХ. Затоа реков ако е таков условот, нема потреба од дополнителни разговори, заклучи Вишковиќ.