Македонија

Мицкоски и Николоски во обиколка на инфраструктурните проекти на западниот дел од Коридор 8

Автопатот Кичево-Охрид ќе биде пуштен во предвидениот рок, најдоцна до почетокот на следната година.

Дел од автопатите кои ги гради БЕХТЕЛ и ЕНКА на западниот дел од коридорот 8 ке имаат пролонгирање за уште две години.

Премиерот Мицкоски и министерот Николоски денеска се на увид на клучните точки од коридорот. Во живо во вестите ја вклучуваме Маја Стојановска со најновите информации.

Во видеото погледнете го целиот извештај.

Во фокус на денешниот владин увид на клучните точки од Коридорот 8, кој треба да овозможи модерно и побрзо патно поврзување меѓу Скопје и Охрид, но и подобра регионална поврзаност кон Албанија и Јадранскиот регион.

Паралелно се работи и на новите делници што ги гради конзорциумот „Бехтел и Енка“. На потегот Гостивар – Букојчани активни се работи на околу 11 километри од вкупно 31, каде поради сложениот планински терен се градат мостови, вијадукти и потпорни конструкции. На делницата Тетово – Гостивар, каде до неодамна речиси и да немаше активности, сега се работи на околу 14 километри од трасата. И двете делници се очекува да бидат пуштени до 2029 година.

Дополнително, Премиерот Мицкоски најавува и нов енергетски циклус, со повторно ставање во функција на нафтоводот по децении застој, како и нов тендер за гасоводно поврзување со Србија.

Од Јавното претпријатие за државни патишта велат дека се надминати најголем дел од проблемите со експропријацијата и дислокацијата на инсталациите.

Новитет на целата траса Скопје-Охрид ќе биде и затворениот систем за електронска наплата на патарини, со што возилата ќе плаќаат при влез и излез од автопатот без запирање. Властите очекуваат со реализацијата на Коридорот 8 значително да се намали времето на патување, но и да се отвори нов економски и транспортен импулс за целиот регион.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По нападот врз саудискиот аеродром со 12 загинати, Хутите со ново предупредување до патниците и авиокомпаниите

Јеменските бунтовници Хути повторно ги предупредија авиокомпаниите, аеродромскиот персонал и патниците да не ги користат саудиските аеродроми, еден ден по нападот врз аеродромот „Крал Калид“ во Ријад, во кој загинале 12 лица, а 309 биле повредени.

Јеменските бунтовници повторно упатија предупредување до авиокомпаниите, аеродромските работници и патниците да ги избегнуваат саудиските аеродроми, нагласувајќи дека нивната порака треба да се сфати сериозно.

Хутите соопштиле дека саудиска арабија е одговорна за, како што тврдат, неуспешните обиди за пресретнување на проектилите што оваа група ги лансирала кон ријад, пренесува „Ројтерс“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

СЗО уште чека информација од Русија за дијагнозата на починатата жена

Светската здравствена организација соопшти дека сè уште чека од Русија информација за дијагнозата на починатата жена, за која има сомнежи дека била заразена со белодробна чума.

СЗО пред три дена соопшти дека во оваа фаза не е во состојба да изврши целосна проценка на ризиците поради недостиг на целосна слика за ситуацијата по смртта на вработена во Биолошки институт во Сибир.

Еден ден подоцна, руските власти објавија дека не откриле „никаква инфективна болест“ по испитувањето на сите луѓе кои во последно време биле во контакт со починатата лаборантка во Иркутскиот институт за истражување на чума, и ги демантираа медиумските информации за случајот како лажни.

Според нив, жената починала од „пневмонија“, од која се разболела по контакт со луѓе, односно надвор од лабораторијата. Според нивните информации, таа „била вакцинирана и имала имунитет против опасните патогени со кои работела“.

СЗО вчера сепак констатираше дека сè уште нема „потврдена дијагноза“ и забележа дека околу случајот сè уште има „голема нејаснотија“.

Здравствената агенција на ОН, со седиште во Женева, додаде дека ќе продолжи „да ја следи ситуацијата и да ги проценува потенцијалните последици по јавното здравје со пристигнувањето на нови информации“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нова разорна поплава во Непал: Однесени десетици куќи и мостови, се трага по исчезнати

Ненадејна поплава на реката Будхи Гандаки утрово, предизвика големи штети во непалскиот округ Горка.

Надојдената вода однела куќи и мостови, оштетила градилиште на хидроелектрана и принудила жители од повеќе населени места да се повлечат на побезбедни локации.

Според локалните власти, кои ги цитира „Катманду пост“, меѓу 35 и 40 куќи биле однесени во населбите Џагат Багар, Салери и Гатихола, во руралната општина Чумнубри. Поплавата ја погодила и соседната општина Дарче.

Локалните жители и туристите почнале да се повлекуваат откако околу четири часот наутро слушнале силни звуци од реките во планинското подрачје. Водостојот нагло се менувал, а предупредувањата за евакуација биле пренесувани и преку разгласи.

Во Џагат првичните извештаи наведувале пет до седум однесени куќи. Во мачакола водата навлегла во повеќе домови и привремени објекти, додека во салери, во општината Дарче, уште околу 20 до 22 куќи биле изложени на ризик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.